الجمعة، 20 مايو 2011

الوهم الكبير


بعد ما شوفت خطاب الممثل الاْمريكى البارع باراك اْوباما ضحكت ضحكه كبيرة قوى من قلبى على قدرة البنى ادم ده على التمثيل والنفاق والضحك على الدقون السيد اْوباما يتكلم عن مساعدة مصر والدول العربية فى الاْنطلاق نحو الحرية والديموقراطية وحذف ديون مصر والحياة حلوة بس نفهمها
وهنا لا زم نركز الراجل ده عايز ايه

1 - بيتكلم عن المصداقية والحرية وتخليص العالم من الاْرهاب وهم من قتلوا اْطفال ونساء العراق وقتلوا صدام وسلموا البلد للشيعة بقيادة المالكى الذى يقتل السنة فى السجون تحت الاْرض

2 - بيقول اْيران دولة اْرهاب وبتصنع النووى عشان تحتل العالم وان الشيعة دول خطر على الدنيا كلها ولابد من ردعهم

3 - وفى البحرين قام الشيعه بعمل مظاهرات ضد السنة وقال السيد اوباما باْن ما يحدث فى البحرين هو قمع للمتظاهرين وقتل حرية الراْى وسرقة الحقوق ياسلام وهنا تلاقى حاجة غريبة باْن اْوباما الشيعة فى العراق حلوة وطيبين وفى اْيران اْرهاب وخطر على العالم وفى البحرين يا حرام مهضومة حقوقهم وبيتكلم عن ردع المتظاهرين

4 - بيتكلم عن جريمة قمع المتظاهرين فى ليبيا وبيتنرفز ويضرب الباب برجلة وزعلان قوى والاْطفال والنساء والرجال اْلى بيموتوا كل يوم بالقنابل الفسفور ية المحر مة دولياَ فى فلسطين واْلى ماتوا فى العراق واْفغنستان ده بالنسبه له مش جر يمة وحق مشروع والنووى عنده وعند اْسرائيل وبريطانيا حق مشروع قتل الاْطفال ودفن بعضهم اْحياء بالنسبه له حق مشروع الحفر تحت المسجد الاْقصى والاْيستيطان والجدار العازل هوده اْلى حق مشروع حسبى الله ونعم الوكيل

5 - يا شعب مصر الحرب خدعة ولا تصدقوا هذا المنافق الذى يتكلم عن نواياه فى حل مشاكل مصر واْن اْمريكا هتعمل اْستثمرات كبيرة فى مصر عشان خاطر عيونكم واْنه هو اْلى هيحل مشكلة الفتنة الطائفية اْحنا اْصلاَ معندناش فتنة طائفية المشكلة ما بين بعض الجماعات الاْسلامية والكنيسة الاْرذوكسية بالتحديد هل حد شاف يوم مشكلة مع الكنيسة الكثولكية ولا البروسطانت لازم كل مسيحى ومسلم يتفقوا اْن الجهاتين عندهم غلط وقلة فى المصداقية والشفافية واْن فى الجهاتين متعصبين ومتطرفين لاْن البشر بطبعه خطاء والكمال لله وحده

6 - وبقى اْلى عمال يشوه صورة الاْسلام فى العالم الغربى ومبينه اْنه رمز للاْرهاب هو ده الى هيحل مشكلة الفتنة فى مصر الى بيسيب كل يوم الكنائس عنده تحرق فى المصاحف الى اْصلاَ عندة فتنة طائفية فى بلاده اْكثر من اى مكان فى العالم ومن الاْخر لن ترضى عنا اليهود ولا النصارى حتى نتبع ملتهم

رسالة
الى السيد اوباما من محمود المصرى وكل من يتفق معاه هى جملة واحدة هنقولهالك
خليـــــــــك فـــــــــــى حالــــــــــــــــــك

اْرجوا من كل من شاهد البوست ان يعطنى ر اْية فية بكل صدق
اْخوكم
محمود المصرى

هناك 5 تعليقات:

  1. اللي صدقها اللعبة في أول ما مسك
    يبقي معلشي استيوبد لو صدقها دلوقت
    أمريكا لا تحدم إلا مصلحتها .

    أما حته الإختلاف العقائدي مع الشعية
    فأغلبنا عارف الحقيقة إن بعض الفئات
    المتطرفة تستبيح دم السنة .
    لكن الأولي إننا جمع نفسنا في ذلك الوقت
    العصيب من تاريخ الأمة وإلا هنظل كالقصعة
    المستباحة من أكلتنا .

    وربنا يهدي الجميع سواء الشيعة " اخواننا الذين بغوا علينا " كما قالها علي بن أبي طالب للخوارج

    أما أمريكا تفضل في حالها وتريحنا .

    ردحذف
  2. مش هرغي كتير ، و مش هعلق على النقط اللي فوق ، عشان مش المفروض نعلق أصلاً
    عادي رئيس دولة و طلع يتكلم إحنا هتفرق معانا فـ ايه ؟

    ردحذف
  3. أزيك يا محمود ....
    - أمريكا منذ انتهاء الحرب العالمية الثانية حتى دخولها وخروجها بالحرب الباردة مع السوفييت واصبح العالم يعتبرها اكبر دولة في العالم.
    - لذلك هي دولة تسعى دائماً لأن تظل في تلك المرتبة.
    - فلا تستعجب من تصرفات السياسة الامريكية مهما تغير الرئيس فهي دولة ذات رؤية مبنيه عالمصالح .
    - مش زينا دول كأنها عزب بيديرها الشخص الواحد.
    عالعموم انت وضحت نقط كويسه ... وما ينفعش تقول لحد خليك في حالك لكن ينفع انك تعمل رأسك براسه في العالم بالعمل على مصلحة بلدك واستقلال قرارك دون ضغوطات.
    سلام

    ردحذف
  4. اخي محمود المصري ..

    اولا سعيدة بعثوري على مدونتك وزيارتي لها اول مرة ..

    بالنسبة للاخ اوباما ، كنت قد استبشرت خيرا عندما تم انتخابه رئيسا لامريكا وشعرت بان الدنيا سوف يصبح لونها بمبي خالص .. ولكن للاسف خيب ظني ، عموما لا اجد سوى كلمتك الاخيرة : اوباما خليك في حالك احسن ..

    ثانيا .. دمت بخير وان شاء الله من المتابعين .

    ردحذف
  5. برنامج إنتخابي معقول ورئيس شاب كله حيويه ونشاط
    علي بركة الله نعلق اليفط ونجيب هتيفه بس ناوى علي كام سنه رياسه ... أما بالنسبة للسيد اوباما لو مشتغلش لصالح اسرائيل راح يتنش اللوبي الصهيوني مبيلعبش ياسلام نفسي العرب يكفوا نفسهم ويبقوا أيد وحده ويكونوا لوبي وسيبهم من الأنانيه ونعرة الزعامة ده إحنا حنبقي ملك ولتذهب ماما امريكا وآل صهيون الي الجحيم
    تحياتي

    ردحذف