السبت، 2 مارس، 2013

شعر ( انا شـــــعــــب )

انا شعب جعان وفقير عايش وراضى انا شعب بيندهس ويتسحل كبير السن فيا قدامى وقصادى انا الشعب الملاوع لا اعرف ابيض ولا اعرف اسود انا لونى ديماَ رمادى انا الشعب الى واخد على لون الدم ليل ونهار انا الشعب الى شايل هم ويل ومرار واخر الليل بتفرج على باسم واضحك وكركر عادى انا الشعب الى كان شجيع وقت الحرب انا الشعب الى كان ايد واحدة ساعة الكرب انا الشعب الى واكل ضرب ومبدائى اديلوا فرصه يمكن يخلى العشوائيه معادى اديلوا فرصه ده ايه انتوا اْتخبلتوا يا ناس دانتوا اندهستوا وانسحلتوا واتماليتوا رصاص ورئيس واقف جنب الى حاكمه بيناديلوا قصاص حافظ ومش فاهم عامل ودانه مداس كافر معندوش دين ولا قلب ولا مله اْنهض يا شعب وفوق وعالج العله اْطرد نظام الــــكــــــــــــــلابــــــــــــــ واكسر وراه قلــــــــه

السبت، 14 أبريل، 2012

كــــــنت فــا كـــــــــرها ثــــورة


فعلاَ كنت فكرها ثورة ولكن وضح فى ذهنى السيناريو الذى حدث ونبداْ من اْول يوم اْولاَ يتم اختيار شخصية من الشباب لها تاريخ اْسود وده مطلوب وتم اْختيار خالد سعيد وهذا ما فعله الاخوان فى تونس عندما اْختاروا بوعزيزى ويتم اْستخدام شاب للعمل على هذا لكى يقوموا باْبعاد النظر عنهم يقوموا باْستخدام مبداْ اْسمه كان اخوان وهو وائل غنيم وفى نفس الوقت يرموا سيناريو الماسونية الى انا فعلاَ صدقته منها يعملوا النديه الدينية ومنها يكون من خارج الجماعه ونبداْ
يوم 25 يناير
اْتفق كل الشباب المحب لمصر على النزول الى الشارع وصدقونى مكانش خالد سعيد هو الشراره ولكن الناس زهقت من الاْسعار والغلاء والاْمراض وقلة الجواز والبطالة والدليل اْن الشباب كان بينادى عيش حريه عدالة اْجتماعية ومكنش حد بيقول الشعب يريد اْسقاط النظام وفجاْة مات واحد فى السويس
يوم 26 و 27 كانوا هدنة للاْستعداد النفسى

يوم 28 يناير جمعة الغضب
خرج الشباب من تانى وعنده اْمل التغير ولكن حدثت الصدمة اْنفجر فى الميدان الحركات الاْسلامية او الوهابية وكانت الخطة الخاصة بيهم هى
1 - حرق الاْقسام
2 - حرق بعض الاماكن العامة زى المولات مثل كارفور واْركيديا
3 - مندوبين لحث الفقراء فى المناطق المجاورة روحوا خدوا حقكم تحت بند مال الشعب للشعب
4 - حجز اْكبر كمية من الشباب المستقل والناس عامه فى اللجان الشعبية حتى يمكن السيطرة على الميدان
الوسائل
1 - الجناح العسكرى للاْخوان وهو حماس وميلشيات سيناء لحرق الاقسام والسجون والدليل لو ساْلت اى حد من الهاربين من السجون هيقولك الجماعه العرب الى ضربوا السجون
2 - الجناح الاْعلامى وهو حركة 6 ابريل لتصوير المشاهد المؤثرة وتركيب بعضها ليوضح لمن فى البيوت وجهة نظرهم وحشد اكبر عدد ممكن لتقديمة قربان حتى يكون هناك قاعدة شهداء حتى لايمكن تصديق اْى خطاب او بيان من النظام القائم على السلطة
وتستمر الايام حتى يصدر خطاب مبارك العاطفى ويخترق قلوب الجميع ويشكل خطر على الجهد الوهابى الذى قاموا به

موقعة الجمل
وعايزكم هنا تفكروا شويه مين اْكبر المستفيدين من هذه الموقعه هل النظام اْم الثوار ولكم الحقيقة الاخوان او الحركات الوهابية واْوعى تفرق مابينهم عملوا الموقعه دى من البلطجية والهاربين من السجون مستغلين اْنسحاب الشرطة حتى يقوموا بالخلاص من حكومة احمد شفيق ومن مبارك معاَ مع محاولة اغتيال عمر سليمان وبكده يكونوا خلصوا من نقاط القوة للنظام

عصام شرف
وهنا المفاجاْة كل ما تساْل واحد من الشباب يقولك ملناش دعوه بيه ده فلول وهنا الى كان فى التحرير يومها هيشوف شباب الاخوان هما الى كانوا رفعينه على الاعناق

الاْستفتاء
وللحكاية قصة فى المناطق الشعبية قام الجناح السلفى للاْخوان المسلمين بنشر وتوزيع منشور عن المادة 2 من الدستور فخرجت الكنائس ترد قولوا لاْ عشان ميكونش فيه دوله اْسلامية ومن تم اْنتاج النديه الدينية بمعنى نعم تساوى الاسلام و لاْ تساوى المسيحيه ويقوم صبحى صالح وطارق البشرى بعمل المواد المشبوهه ومنها المادة 28 حتى يقوموا بما يحلو لهم فى الانتخابات وبعدين لايجوز الطعن

البرلمان
برلمان الثورة الى شعاره قول الى انت عايزه وفى الاْخر اْقليه وتحيا الاْغلبية وطبعاَ الاخوان هما المستفيدين الوحيدين من البرلمان اْولاَ حتى يقوموا بصد كل مالا يحلو لهم وبالقانون

اْحداث محمد محمود
وثيقة السلمى يخرج السلفين والاخوان رافضين الوثيقه والحكاية هى كيف تتخلص من دور عصام شرف فكان لازم موقعه جديدة وهنا يجى دور الجناح الاعلامى وهما 6 ابريل الحلوين كتبوا على صفحاتهم اْعتصام مفتوح يوم 18 يعن هما كده كده كانوا هيعتصموا فحدث الاْستفزاز للشرطة من قبل البلطجية المحتلين التحرير من اول يوم فتمت المواجهة فمات واحد منهم ولكن بعد اْنسحاب الشرطة بساعتين فقامت القوات الشرطة بالرجوع فنزل الشباب مع الحشد الى قامت بيه 6 ابريل وقدموا تانى الناس قربان واْستقالت حكومة عصام شرف
نفس سيناريو مسرح البالون يروح مجموعة من البلطجية برفع صور الشهداء وينتحلوا صفت اْهلهم والدليل اْخت الشهيد محمد مصطفى الى قالت لقيت ناس جاية عند ماسبيرو شايلين صور اْخويا وبيقولوا ضربونا عند مسرح البالون
ونفس السيناريو فى اْحداث ماسبيرو والاخ علاء عبد الفتاح ونوارة نجم و6 ابريل والقس فلوبتير المدسوس وبثينة كامل الى محدش ساْل ليه مرشحتش نفسها فى انتخابات الرئاسة بعد الصداع ده كله والحقيقة مهمتها انتهت

الجنزورى
خرج المجلس العسكرى بمفاحاْة الاخوان والسلفين بشخصية الجنزورى فكان الرد الصدمة موافقون حتى يقوموا بلعبة الدنيئة وهى احداث مجلس الوزراء تانى يقدموا قربان من الشباب ولما حسوا انهم كده بيدعموا الجنزورى جاْت قصة الفتاة المسحولة وتستمر لعبة القط والفار حتى يقوم البرلمان باْسقاط الجنزورى واْفتعال الاْزمات التى تمكنهم من ذلك مثل يخرج علينا واحد من الحرية والعدالة ويقول هنرفع الدعم عن السولار والبنزين وتحدث مشكلة الوقود والحقيقة اْنه الاستهلاك المحلى 25% منه اْستيراد من الخارج وتم حجز هذه الكمية فى الموانى لسوء الاحوال الجوية و10% تم ضياعهم فى حريق مصنع السويس فاْصبح هناك 35% عجز مؤقت + السرقات فظهرت الاْزمة بعد التصريح الاخوانى الجميل

وللحكاية بقية

السبت، 17 ديسمبر، 2011

تجار الدم


اْريد منكم جميعاَ فى هذه اللحظة الحرجه اْن تحكموا عقولكم وتقولوا الحق امام الله من الذى يتاجر بدم شهداء الثورة هل هو الجيش ام الشرطة ام الذين قاموا بالقفز على الثورة والثوار وتعالوا نرجع شوبة لورا قبل يوم 18 نوفمبر ونشوف بعض الحركات السياسية كانت كاتبة اْيه على الفيس بوك وتويتر طبعاَ كان واضح الشعارات اْعتصام مفتوح ضد حكم العسكر وكان ده الشعار الرئيسى لكل من 6 ابريل وحزب الجبهة اسامة الغزالى حرب وثورة الغضب التانية ومحمد البرادعى باْختصار الكل كان نازل منهم بنية الاْعتصام ضد حكم العسكر وجاء يوم 18 ونزل الاخوان والسلفين وهم الحركات السياسية المعروفة وكان المطلب الواحد لا لوثيقة السلمى وجاْت الساعه السادسة واْنصرف الاخوان وبعض السلفين والحركات السياسية والكل يعرف ان هناك اهالى الشهداء معتصمون عند المجمع منذ التنحى وتحدث احداث محمد محمود وتخرج علينا الحركات السياسية لتقول سننزل للتضامن مع اهالى الشهداء ضد القمع وهنا لازم نفكر اى تضامن هذا اْنتوا اصلاَ كنتم ناوين الاْعتصام المفتوح وقمتم بخداع الجميع وقدمتم بعض الثوار والشباب الصغير والاطفال كقربان لتحققوا اْغرضكم وسياستكم العفنة والاْن وبعد اْن اْحتفل الجميع باْنتهاء المرحلة الثانية من العرس الاْنتخابى وتحقيق جزء كبير من الاْمن على يد حكومة الجنزورى قمتم بنفس السيناريو وهو تقديم قربان جديد من الشباب الطاهر والاطفال والاْن اْين الشعب المصرى لماذا الصموت اْمام هؤلاء الخونة والبلطجية والذى انا على يقين ان مفيش ولا واحد منهم حصله خدش الى متى سيسكت ثوار مصر على هذا الاْنقضاض على شرعيتهم وعدم احترام اْرائهم اْين شعب مصر هل لسه عندكم شك من الذى يتاجر بدم الشهداء مفيش قدامى الا كلمة واحدة ياااااااااااااااارب
محمود المصرى

الأربعاء، 7 سبتمبر، 2011

الحرية بالعربى ( الديمقراطية )


الحرية كلمة جميلة وغالية عليه ولكن ما مفهوم الحرية الصحيح من وجهة نظرى عشان محدش يقول ده بيفرض راْيه علينا
اولاَ - شروط الحرية العربية الصحيحة

1 - الحياء
2 - التعبير عن الراْى دون فرض هذا الراْى على الغير
3 - قبول راْى الاْغلبية
4 - التقوى
ونبداْ الشرح

1 - الحياء هو اْول شروط الحرية والديمقراطية الصحيحة بمعنى قول الى اْنت عايزة دون سب الغير ودون عنف والعنف مش فى الحركة فقط ولكن اْيضاَ فى الكلام بمعنى بلاش مبداْ خدوهم بالصوت والحياء اْيضاَ ان تكون حراَ فى ملبسك دون ان تفتن وتثير غرائز الغير مش زى الاْستاذة اْيناس الدغيدى اْلى بتقول على فرض الله الحجاب يارب متكتبها عليا وبتقول ده راْيى اْنا ست متحرره ومهانش عليها تقراْ سورة النور وتعرف اْن الخمار كمان هو المفروض واْن مش لازم عشان اْعلاج مشكلة الثقافة الجنسية عند الشباب اْنى اْجبلهم نسوان عريانه ومشاهد جماع حميمة زى الغرب ده مسموش علاج ده اْسمة نشر للزنا بالنظر والموْدى اْلى الزنا الكامل يعنى هى الحرية اْنى اْمشى ملط فى الشارع لاْ دى اْسمها قلة حيا واْذا لم تستحى ففعل ما شئت
والاْستاذ خالد يوسف اْلى بيقول اْن كل مشاهده فى الاْفلام بتمشى مع سياق الدراما هو عمرو سعد لما نام مع سمية الخشاب فى فيلم حينه ميسرة فى مشهد زنا من ورا اْمه هالة فاخر واْستغفالها وهى نايمه برة ده فى سياق الدراما ولا بتعلم الشباب ممكن يعمل اْيه مع اْى واحدة اْبوها منشفها شويه عليه وسلملى على سياق الدراما والحياء اْيضاَ فى طاعة الوالدين مش البنت تلبس عريان وتبوء فى وش اْمها وتقولها اْنا حره مش الواد يشرب سجاير وبانجو ويعاكس بنات الناس ويقول اْنا حر نحن من خلق التحرش والكيف والخمور بحجة الكبت والظروف الصعبة ويقولك اْنا عايز اْنسى الهم هو فى بعد كده هم يعنى الحياء اْنى اْعمل كل اْلى اْنا عايزة دون اْن اْضر غيرى معنوياَ ونفسياَ وشهونياَ ومادياَ اْيضاَ

2 - التعبير عن الراْى دون فرض هذا الراْى على الغير يعنى اْنا ضد حسنى مبارك ونظامه ماشى ولكن ليس معنى هذا اْن اْنت مبتغلطش واْن انت الوطنى الوحيد والباقى حزب الكنبة وفلول وبلطجية ده فى حد ذاته بلطجه وديكتاتورية مش الاْخت جميلة اْسماعيل تستضيف عضو مجلس شعب معين وليس منتخب وتقعد تقوله اْنت من النظام البائد وعدو لمصر وتهينه وهو اْكبر منها فى السن ولما يجى يتكلم عن الثورة تقوله مش هسمحلك تتكلم عن الثورة ويقولها اْمال جيبانى ليه تقوله روح واْتكلم فى اْى برنامج تانى وتقوله اْنا كنت متصوره اْنك هتيجى النهارده واْنت لابس طرحة يا سلاممممممم فعلاَ هى دى الديمقراطية والاْدب الاْعلامى بعد الثورة الصراحة دى عار على الثورة هى واْمثالها
قول راْيك بس سيبنى اْرد عليك ويا تقنعنى يا اْقنعك مش اْنت ثورى وبتحب البلد واْنا يهودى عميل

3 - قبول راْى الاْغلبية مش الاْستفتاء يخلص من هنا وتانى يوم نقول الدستور اْولاَ وكاْن الشعب اْختصر من تمانين مليون اْلى 6 اْبريل والجمعية الوطنية للتغير واْئتلاف شباب الثورة ومين اْصلاَ عينهم اْئتلاف ويروحوا يتكلموا باْسم الشسعب مع المجلس العسكرى مهو ده فى حد ذاته ديكتاتورية وعدم اْحترام لراْى الشعب ومتقوليش اْحنا بنعرض راْينا كمجموعه هقولك لاْ يا حبيبى تعال للشعب والاْغلبية اْلى هما اْصلاَ اْدوا الشرعية للمجلس العسكرى واْعرض راْيك ولو وافق عليه الاْغلبية اْبقى اْعرضة واْبقى اْعمل مظاهرة واْعتصام برحتك هى دى الديمقراطية الصحيحة وبرضة من وجهة نظرى

4 - التقوى وهى اْن نعفو ونصفح ور بنا قال الكاظمين الغيظ والعافين عن الناس وسيب القانون يجبلك حقك اْن تتقى الله فى العساكر الغلابة اْلى منهم اْخوك واْبوك وصاحبك مش تديله على قفاه وترمى عليه اْزايز البول زى ماعمل التراس الاْهلى ويا سلام بعد ما كنا كلنا بنهاجم التراس الزمالك وموقعة الجلبية دلوقتى بنطبل ونصقف ليهم لما اْعلنوا اْنضمامهم لاْلتراس الاْهلى هى دى الحرية وما جماهير الاْسماعيلى تروح تنتهك حرمت بيت اْلاعب عبد الله السعيد ويكسروا اْزاز البيت ويحتجزوه هو و اْهلة عشان بس ميروحش الاْهلى هى دى الحرية ده الغرب اْلى اْكترهم ميعرفوش ربنا لما الاْرسنال اْتغلب 8 /2 من غريمة التقليدى مانشيستر يونايتد جمهور الاْرسنال كان بيصقف للاعيبته بعد الماتش زى مايكونوا كسبانين اْتقوا الله فى ملبسكم وماْكلكم وعملكم واْنفسكم تجدوا الحرية والديمقراطية الصحيحه
وكما قال النبى علية الصلاة والسلام
( ومن يتقى الله يجعل له مخرجاَ ويرزقه من حيث لا يحتسب )
فاْذا كنا نريد مخرج من كل مشاكل هذه البلد فاعليكم بالتقوى والحياء

ملحوظه
اْنا مش نازل يوم 9/9 وراضى بحكم العسكر ولغة الحوار وده وجهة نظرى واْحب اْشوف اْزاى يكون اْحترام الراْى فى تعليقتكم
اخوكم
محمود المصرى

الأربعاء، 6 يوليو، 2011

بـــــــــس فــى حــاجــه


عايز تنزل الجمعة اْنزل حقك محدش يقدر ينكر بس فى حاجة اْولاَ
1 - بتقول عايز حق الشهيد ماشى حقك بتقول عايز اْعدام حبيب العدلى ماشى حقك ولكن سيدتك بتناقض نفسك ليه لو فرضنا ان المجلس العسكرى بكره اْعلن عن محاكمة العدلى فى قتل المتظاهرين اْولاَ وتم الحكم عليه بالاْعدام هل فكرت ولو للحظه فى اْخر جملة هيقولها القاضى وهى يتم تنفيذ العقوبة اْذا لم يكن على ذمة قضايا اْخرى فهل اْنت مشكلتك ترتيب القضايا ولا اْيه ولا نقوم باْعدام كل الفاسدين وبعدين ننزل لجنة تحقيق فى القبور

2- اْين الثوار الاْحرار من اْنخفاض نسبة الدماء فى مصر اْلى خمسين فى الميه والمرضى مش لاقين كيس الدم ومنهم شهداء فى كل المستشفيات فين الوطنية

3 - فين الوطنية والثوار الاْحرار من الهروب من التجنيد واْنتظار سن التلاتين ودفع الغرامة اْمام المحكمة العسكرية

4- اْين الاْخوان والسلفين الذين يتكلمون باْسم الدين من النبى صلى الله عليه وسلم عندما قتل عم النبى اْسد الله حمزه اْبن عبد المطلب على يد الوحشى وتم التمثيل بجثمانه على يد هند بنت عوتبه واْقسم النبى بقتل سبعين من جيش المشركين فى المقابل ولكن الله سبحانه وتعالى قال له اْصبر وما صبرك الابالله فاْين اْنتم من رسول الله هل لكم قدوه غيره ولا اْنتوا محدش فيكوا حافظ فى القراْن غير اْيات القصاص ولا اْنتوا شهدائكم اْفضل من عم النبى عليه اْفضل الصلاة والسلام

5 - اْين الوطنية فى بيان بعض الثوار الاْحرار باْن التجنيد يكون اْختيارى وليس اْجبارى

6 - اْلم تعلن حركة سته اْبريل اْنسحبها من التحرير وسوف تعود يوم الجمعه اْمال خيم مين الى فى التحرير ولو اْنا كداب اْرجعوا الى قناة الحياة برنامج الحياة اليوم ومكالمة مع الناشطة مروة مكى اْحدى اْعضاء سته ابريل اْثناء الاْشتباكات مع البائعين الجائلين وقالت اْنا مستخبيه فى اْحدى المحلات وخايفة واْن فى هجوم عنيف من الباعه الجائلين وفى مصابين كتير اْلى وداها هناك والحدق يفهم واْلى مش مصدق ينزل دلوقتى حالاَ وهيلاقى معظم الموجودين هم سته اْبر يل

رسالة
اْرجوا العمل على توعية الناس بشكل سليم وعلى نقابة المحامين الى كل شغلها دلوقتى رحيل يحيى الجمل اْرجوكم اْنتم منبع التوعية القانونية فى مصر قوموا بدوركم فى توعية الناس قانوناَ حتى لا تدمر مصر
والى علماء الاْزهر اْنتم منارة الاْسلام فى مصر والوطن العربى اْرجوكم عليكم بتوعية الناس وعلموهم معنى الصبر على البلاء فى القراْن ومعنى العفو عند المقدره ومعنى الكاظمين الغيظ والعافين عن الناس والله الموفق
اْنزل بس فكر اْنت نازل ليه
اْخوكم
محمود المصرى

الثلاثاء، 7 يونيو، 2011

رشحـــنى شكـــــراَ


قررت وضربت فى نفوخى اْرشح نفسى لرئاسة الجمهورية وطبعاَ عندى برنامجى اْلى بيشمل حلول سريعة وحلول على المدى الطويل واْليكم البرنامج

الحلول السريعة
ا - هاخد كل البائعين الجائلين من الشوارع وهفتح ليهم مراكز تجارية مولات يعنى بالاْيجار المفتوح وهمولهم بالبضائع وهاخد منهم ضريبة مبيعات خمسة فى المية وطبعاَ المبانى موجودة كتير زى مثلاَ مبنى لابس فى وسط البلد ومبانى كتير فى جميع المحافظات وبكده اْبقى خلصت من البائعين الجائلين ودخلت فلوس للبلد عن طريق الاْيجار وضريبة المبيعات

2 - هاخد سائقين الميكروباص وهحولهم لموظفين وهعمل مشروع ميكروباص النقل العام وبتذكرة موحده بخمسة وسبعين قرش وبالنسبة لمرتبات السائقين هشوف كانت اليومية بتاعته كام وهجمعها فى الشهر بحيث محدش يرفض الشغل وطبعاَ شوفوا الدخل هيكون قد اْية وفى نفس الوقت نخلص من بلطجة معلمين الميكروباص وهندخلهم النقابة الخاصة بيهم بس طبعاَ فى فقة معينة من التذاكر هتكون الضعف زى اْكتوبر والعاشر من رمضان والعبور عشان منعملش مشكلة فى تمويل السيارات دى بسولار والغاز

3 - مشكلة الكافيهات الشعبية الكتيرة والكراسى المنتوره فى الشارع فكرت اْرجع الحياة تانى للشوارع الجانبية واْدخل العربيات تانى منها بحيث نحجم المساحات على اْصحاب القهاوى ومنها نقلل التزاحم فى الشوارع الحيوية

4 - فكرت اْرجع شويش نص الليل تانى بحيث يكون فى عسكرى فى كل شارع من شوارع مصر مسلح بحيث نقلل من السرقات وعمليات السرقة بالاْكراه والتحرش مع زيادة العساكر المسلحة فى المناطق مثل كوبرى الدائر ى وكل كبار ى مصر وعمل نقط طوارىْ فى اْسفل الكبار ى والحدائق العامة زى مثلا َ حديقة الاْزهر والا ْسماك وجزيرة الليمون وحتى حدائق قصر عابدين مع زيادة اْعمدة الاْنارة فى المناطق المطرفة عشان العساكر تشوف طبعاَ

5 - هاخد الرتب المتوسطة من اْول نقيب وهحطهم فى المر اكز القيادية وهطلع القيادات القديمة معاش شكراَ قوى ليهم وبدل وزار ة الدخلية هعمل حاجة اْسمها مجلس قيادة الشرطة الداخلية من الرتب الكبير ة وهتبقى بالاْنتخاب بدل منعمل حبيب العادلى تانى وبكده الشرطة تنزل تانى بصورة كاملة مع العلم باْن اْى ضابط اْو اْمين علية شبهة هقوم برفضه فوراَ وتعين حد مكانه

الحلول طويلة المدى

1 - عندى حل يارب يعجبكم لمشكلة الاْجور بدل منعيش وهم الحد الاْدنى هعمل علاوتين اْجباريتين على القطاعين الخاص والعام 10 فى الميه فى شهر يناير و15 فى الميه فى شهر يوليو بحيث يزيد العامل 25 فى المية كل سنة بشكل رسمى واْجبارى بعيداَ عن جملة حسب المنشئة منتجة ولا غير منتجة لاْن فى ناس بتستغل الجملة دى كتير وخصوصاَ القطاع الخاص مع وضع حد اْدنى 700 جنية للاْجور وحد اْقصى 15 اْلف جنية ومعتقدش فى حد فى مصر بيصرف 15 اْلف جنية كل شهر وبكده نقضى على مشكلة الاْجور والتبزير وعيشوا بقى زى ما كل ناس عايشة مش لازم عربيات اْحدث موديل وفيلا على النيل

2 - عمل مجلس اْعلامى لقيادة المؤسسة الاْعلامية فى مصر مكون من اْستاذة جامعة وعالم دين اْسلامى بحيث نخلص من الكليبات الفاضحة والعرى فى الاْفلام والرقابة على البرامج الدينية والعلمية

3 - هعمل مؤسسة رقابية على الشئون الدستورية فى البلاد بحيث تقوم بفرض الرقابة على المحافظين والوزراء واْعضاء مجلس الشعب وجميع المحليات بحيث اْى مخالفة لنصوص الدستور من اْى مؤسسة يتم محاسبتها فوراَ وبشكل سريع مع القيام بمحاكمة من يثبت علية مخالفة القانون والدستور

4 - عمل مجلس شعب فقط واْلغاء مجلس الشورى وهيكون اْسمة مجلس النواب وهيكون بالنظام الفردى فقط والتخلص من نظام العصابات اْو القائمة

5 - اْلغاء الاْحزاب والعمل بشكل مستقل فى جميع مراكز الدولة واْلى عايز يخدم بلده يخدمها من اْى مكان ولازم لما تمسك مركز تمسكه عشان اْنت تستحقه مش عشان صيت مشاهير حزبك

6 - تبنى المشاريع القومية بالاْشتراك مع القطاع الخاص المصرى فقط مثل مشروع ممر التنمية للدكتور فاروق الباز

7 - عمل مدينة تعلمية وتاْهلية للاْطفال الشوارع تبداْ من محو الاْمية حتى المراحل الثانوية ويتم اْلتحاقهم بالجامعات طبعاَ هيتم ده بعد تاْهيلهم بالتربية الصحيحة الفكرية والدينية مع عمل اْختبارات للغات مع كل مرحلة سنية وتعلمية

8 - عمل مجلس يسمى المجلس الاْعلى للقضاء المصرى ويكون بالاْنتخاب وبكده نضمن اْستقلال القضاء

9 - عمل شرطة تابعه لوزارة البيئة لمراقبة شركات النظافة وعمل مخلفات على من يرمى قمامة فى الشوارع

10 - تعمير سيناء والعمل على رفع الزراعة المصرية وعودتها الى مكانتها وزراعة القطن والقمح وعمل اْكتفاء زاتى من القمح والخضروات والثروة السمكية

11 - اْلغاء خصخصة شركات القطاع العام مثل المياه والكهرباء ودخول الغاز فى كل اْنحاء مصر وقطع الغاز عن اْسرائيل وقطع التعاملات مع كل من اْيران و الدنمارك واْعادة القروض التى اْخذتها الدولة من صندوق النقد الدولى والعمل على توسيع الاْستثمار العربى ما عدا قطر وغلق المكاتب الاْعلامية لكل من البى بى سى والجزيرة ومقاطعة كل من يريد خراب مصر

12 - عمل مجلس رقابى على شركات الاْستثمار الاْجنبى بحيث منلقيش نفسنا بنشتغل مع اْسرائيل تحت اْى ستار وهمى من غير ما نحس

وهنا اْنا صحيت من النوم ولقيت نفسى كنت بحلم بس هل ياترى حلمى صحيح ولا كله غلط و نص نص ولكم الحكم والتعليق

اْخوكم الرئيس
محمود المصرى

الجمعة، 20 مايو، 2011

الوهم الكبير


بعد ما شوفت خطاب الممثل الاْمريكى البارع باراك اْوباما ضحكت ضحكه كبيرة قوى من قلبى على قدرة البنى ادم ده على التمثيل والنفاق والضحك على الدقون السيد اْوباما يتكلم عن مساعدة مصر والدول العربية فى الاْنطلاق نحو الحرية والديموقراطية وحذف ديون مصر والحياة حلوة بس نفهمها
وهنا لا زم نركز الراجل ده عايز ايه

1 - بيتكلم عن المصداقية والحرية وتخليص العالم من الاْرهاب وهم من قتلوا اْطفال ونساء العراق وقتلوا صدام وسلموا البلد للشيعة بقيادة المالكى الذى يقتل السنة فى السجون تحت الاْرض

2 - بيقول اْيران دولة اْرهاب وبتصنع النووى عشان تحتل العالم وان الشيعة دول خطر على الدنيا كلها ولابد من ردعهم

3 - وفى البحرين قام الشيعه بعمل مظاهرات ضد السنة وقال السيد اوباما باْن ما يحدث فى البحرين هو قمع للمتظاهرين وقتل حرية الراْى وسرقة الحقوق ياسلام وهنا تلاقى حاجة غريبة باْن اْوباما الشيعة فى العراق حلوة وطيبين وفى اْيران اْرهاب وخطر على العالم وفى البحرين يا حرام مهضومة حقوقهم وبيتكلم عن ردع المتظاهرين

4 - بيتكلم عن جريمة قمع المتظاهرين فى ليبيا وبيتنرفز ويضرب الباب برجلة وزعلان قوى والاْطفال والنساء والرجال اْلى بيموتوا كل يوم بالقنابل الفسفور ية المحر مة دولياَ فى فلسطين واْلى ماتوا فى العراق واْفغنستان ده بالنسبه له مش جر يمة وحق مشروع والنووى عنده وعند اْسرائيل وبريطانيا حق مشروع قتل الاْطفال ودفن بعضهم اْحياء بالنسبه له حق مشروع الحفر تحت المسجد الاْقصى والاْيستيطان والجدار العازل هوده اْلى حق مشروع حسبى الله ونعم الوكيل

5 - يا شعب مصر الحرب خدعة ولا تصدقوا هذا المنافق الذى يتكلم عن نواياه فى حل مشاكل مصر واْن اْمريكا هتعمل اْستثمرات كبيرة فى مصر عشان خاطر عيونكم واْنه هو اْلى هيحل مشكلة الفتنة الطائفية اْحنا اْصلاَ معندناش فتنة طائفية المشكلة ما بين بعض الجماعات الاْسلامية والكنيسة الاْرذوكسية بالتحديد هل حد شاف يوم مشكلة مع الكنيسة الكثولكية ولا البروسطانت لازم كل مسيحى ومسلم يتفقوا اْن الجهاتين عندهم غلط وقلة فى المصداقية والشفافية واْن فى الجهاتين متعصبين ومتطرفين لاْن البشر بطبعه خطاء والكمال لله وحده

6 - وبقى اْلى عمال يشوه صورة الاْسلام فى العالم الغربى ومبينه اْنه رمز للاْرهاب هو ده الى هيحل مشكلة الفتنة فى مصر الى بيسيب كل يوم الكنائس عنده تحرق فى المصاحف الى اْصلاَ عندة فتنة طائفية فى بلاده اْكثر من اى مكان فى العالم ومن الاْخر لن ترضى عنا اليهود ولا النصارى حتى نتبع ملتهم

رسالة
الى السيد اوباما من محمود المصرى وكل من يتفق معاه هى جملة واحدة هنقولهالك
خليـــــــــك فـــــــــــى حالــــــــــــــــــك

اْرجوا من كل من شاهد البوست ان يعطنى ر اْية فية بكل صدق
اْخوكم
محمود المصرى