الخميس، 27 يناير 2011

روح صلى يا مصرى

اْنا حاسس اْنى اْكتر واحد فاهم المشكلة صدقونى بجد مش حكاية نغير النظام ولا نحل مجلس الشعب لاْ المشكلة هى قلة الضمير وقلة الدين وتعالوا نشوف كلنا غلطنين
1 - هو اْحنا لية ديماَ محسسين نفسنا اْن هما الغلط واْن اْحنا ملائكة اْية مبنغلطش مبنسرقش مبنرتشيش مبنعملش ميت نانسى وهيفا كل يوم مبنلوث الجو مبنشتمش مبنغتبش مبنمش مبننتجش اْفلام وكليبات هابطة معندناش اْيموز وعبدة شيطان اْية خلاص هما بس الخطائين والباقى كلة غلابة وملايكة
2 - شوفوا حتى طرق تعبيركم عن الراْى يبقى النبى علية الصلاة والسلام يقول اْن يوم الجمعة هو خير يوم طلعة فية الشمس واْحنا نقول جمعة الغضب والجمعة السوداء يعنى ربنا يقول اْسعوا فى هذا اليوم فى الخير واْحنا نسعى فى خربها
3 - بذمة كام واحد فيكم اْفتكر يقرا سورة الكهف بعد صلاة الفجر ويا سيدى اْعتبر نفسك فى الكويت مثلاَ وعندك عيشة دنيوية مريحة ومعاك ملايين ومت ربنا هيقولك اْنت معاك كام عشان تخش الجنة ولا اْنتوا فى عقل بالكم اْن اْنتم تكسبوا المال الاْول وجميع مميزات الدنيا وبعدين فى الاْخر تفكروا فى الاْخرة
4 - هو اْبو بنطلون ساقط واْم بدى ضيق واْلى حطين جل هما دول اْلى يصلحوا للبلد اْلى تخلى واحد يشلها فوق كتفة ويمسك وركها باْيده هى دى الحرية فى التعبير عن الراْى اْنا بيتهيئلى وهو شيلها لسان حاله بيقول اْيوا كده يا وديع
5 - يا اْخى فكر عملت كام حسنة فى يومك وصليت ولا مصليتش صومت ولا مصمتش ولا فالح تقول يارب اْرزقنى يارب اْعطينى واْنت اْصلاَ مركعتهاش طبعاَ هتقولى اْنت شكلك كدة حزب وطنى هقولك حسبى الله ونعم الوكيل يا ناس دول اْصغر اْبتلاء من ربنا وياسيدى لو على العيشة الضنك ربنا قال ومن اْعرض عن زكرى واْكيد اْنتوا عارفين الباقى
رسالة - الى كل مصرى روح صلى واْذكر الله واْسعى فى الخير وفكر فى الاْخرة واْنسى الدنيا ما هو سواء اْغتنيت ولا اْفتقرت جعان ولا شبعان صايع ولا شغال مفيش حاجة هتخدها معاك كله فانى واْلى عند ربك الاْحسن هو سبحانة وتعالى عندة الجنة والحور العين ومالا عين راْت ولا اْذن سمعت ولا خطر على قلب بشر وصدقونى كلنا خطائين كلنا غلطنين مفيش حد كامل الكمال لله وحدة
( اْجعلوها جمعة الحسنات والسواب ولا تجعلوها جمعة الخراب واْذكر الله)
اْخوكم
محمود المصرى

السبت، 1 يناير 2011

اْفتح النور


نفسى اْصرخ بصوت مسموع واْقول حرام دم الشهيد
نفسى اْبكى ودمعى يسيل زى الدم من الوريد
قوم يا مسلم يامسيحى اْفتح النور الكبير
نور يغطى كل جرح عميق مرير
اْفتح النور وخالى قلبك كبير ميكونش قطعة من حجر
اْفتح النور وخالى قلبك ياخد من ضوء القمر
حط اْيدك فى ايد اْخوك دى الكرامة شىْ كبير
اْن كنت ريس ولا موظف اْو كان وزير ولا غفير
حط سكينك يا مصرى على رقبة كل خاين اْجير
جاسوس جنوبى ولا غربى اْو حتى مصرى عاطل عويل
وصدقونى ماكنش مصرى ده كلب صهيونى عميل
وده رد فعل طبيعى على كشف جسوسهم الحقير
يقتلوا اْخونا المسيحى ويشعلوا نار الفتيل
قوم يا محمد قوم يا بولا قوم ياجورج يا اْسماعيل
قوموا خالوا جناحكوا واحد وطيروا فوق راس الكلاب
خالوا مخالبكم قوية اْفتحوا نار العذاب
خالوا دمعتكم دى ضحكة وخالوا فرحتهم سراب
اْدفنوا باْيديكم نار الفتنة فى التراب
وانا هقولها بصوت مسموع صوت مفهوش صرخة اْلم
خالوا اْيدكم فى اْيد بلدكم واْرفعوا صوت العلم
صوت طبيعى صوت الفعل مش صوت الكلام
صوت بلدنا بلدنا مصر صوت السلام
والسلام مسك الختام
اْخوكم
محمود المصرى