الاثنين، 20 ديسمبر، 2010

اْشرب يا عربى


الصراحة ملقتش غير العنوان ده يليق بالى بيحصل دلوقتى كدبة كبيرة كل يوم نصدقها ونفكر اْنه جه اليوم اْلى هيظهر فيه حقيقة الفساد فى العالم كله ولكن للاْسف عليكوا واحد
ظهر فى اليومين اْلى فاتوا شىْ اْلا وهو موقع ويكليكس وتسريب البرقيات الدبلوماسية فى اْول ظهور ليه حسيت اْن فيه اْمل وهنعرف المستخبى ولكن للاْسف مفيش فايدة زى كل مرة على راْى الفنان تامر عاشور
فى اْول يومين لاقينا برقيات عن اْمريكا وفرنسا وتعظيم لموقف مصر فى حرب العراق ولكن بعد كدة لقينا الشغل كله بقى على العرب بمعنى فى اْحدى البرقيات شوفنا اْن السعودية بتقدم طلب لاْمريكا بحشد اْكبر قوة للقضاء على حزب الله واْيران بمعنى اْضرب السنة فى الشيعة وسيبها تولع وبعد كدة تونس وعمركم ما هتشوفوا ولا برقية عن تل اْبيب ولا اْسرائيل
عارفين الموضوع ده بيفكرنى بى بن لادن اْو بمعنى اْصح الكلب الولف بتاع اليهود واْمريكا بمعنى اْن اْحنا عملناه بطل بمجرد مفجر برج التجارة العالمى وجالنا زهايمر ونسينا اْن نفس الشخص ده هو اْلى كان بيقتل المسلمين فى القدس عند المسجد الاْقصى وهوهو اْلى كان بيقوم بالعمليات الاْرهابية فى مصر نسينا دم شبابنا واْطفالنا اْلى ماتوا ثم تعالوا وفكروا شوية هو مين اْكبر واحد اْستفاد من تفجير البرجين ماهما اْمريكا خدوا اْفغنستان ودخلوا العراق وشفطوا البترول وقتلوا صدام وسلموا البلد للشيعة وقال يعنى القوات الاْمريكية لسة لغايت دلوقتى مش عارفين يجيبوا بن لادن ياراجل
زى مايكون لابس سترة الاْخفاء بتاعت هارى بوتر ولا ركب المقشة البى اْم وشرخ على المريخ منتهى الهبل
واْنا تاعب نفسى لية وعمال اْدن فى مالطه ما كدة كدة شباب مصر باع القضية وراحوا يستشهدوا فى حفلة عمرو دياب وزى معبرنا خط برليف هما عبروا الهضبة

السبت، 6 نوفمبر، 2010

وقفه مصرية


ياناس ياهوه اْنا حاسس انى هيجيلى جنان كل يوم اْفتح التلفزيون اْلاقى اْعلانات وقفه مصرية بتاعت تحديد الخلفه ومن الواضح اْن احنا عمرنا مهنبطل نفاق عايزين الناس تبطل خلفه اْزاى وهما كل يوم بيشوفوا العجب يعنى مثلاَ الراجل يبقى قاعد جنب الست مراته وبيتفرجوا على التلفزيون ويلاقوا الست غادة عبد الرازق ولا هيفاء وهبى ودول طبعاَ اْحسن من خمسين قرص فيجرا لاْ وعاوزين الخلفه تقل طب اْزاى ده حتى فى عز رمضان وطبعاَ كل الناس شافت المسلسل المنشط للغرائز زهرة واْزواجها الخمسة ولا العار وده من اْكتر المسلسلات غيظ تلاقى القنوات بكل بجاحه عاملين اْعلانات بتقول العار فى رمضان بزمة ده كلام يتقال فى الشهر الكريم والى يزيد الطينة بله اْنك ممكن تلاقى اْحدى القنوات جاية وبتقولك بمناسبة عيد الاْضحى المبارك العرض الاْول لفيلم اْحاسيس زى ميكون عيد الهالوين
وهنا اْنا ليا وقفه مصرية بجد طبعاَ كلنا بنشوف اْفلام الرعب والتقطيع وكمان بقى عندنا دلوقتى قناة مصريه مخصصة فيها وهى توب موفيز واْتضح ليا ان احنا المصريين اْكتر ناس بتروح ورا الحاجات دى وطبعاَ عمركم مساْلتوا ليه اْمريكا بتنتج كل كمية الاْفلام دى مع اْنهم مبيجبوش اْيرادات ولاحتى نص تكلفتها والسؤال هنا ليه بيعملوها
واْليكم الجواب طبعاَ مع التعود على رؤية الدم والتقطيع بكل اْنواعها وطبعاَ ده شغل يهود يقدروا يقتلوا الحميه عندنا ونصبح فى حالة برودة غير طبيعية وبكده نشوف الاْطفال والنساء بيتقطعوا فى فلسطين والعراق واْفنغنستان وفى كل مكان واْحنا بنتفرج ولا اْحنا هنا قمة برود الاْعصاب ده طبعاَ غير الاْفلام الاْباحية سواء على الموبيلات ولا على الدش ده حتى الاْفلام المصرية بقت اْنيل من الاْجنبية والله الواحد حتى لو متجوز فردة جذمة بعد ميشوف كل العرى ده هيتسطل ومش هيفوق اْلا بعد العيل العاشر الحل الوحيد نوقف عسكرى فى كل اْوضة نوم بس منصحكوش لاْن واحد صحبى عملها جاب عشرين عيل منهم 12 شبه العسكرى
واْليكم الاْعلان الجديد
لو عايز تحدد الخلفه اْرمى التلفزيون والدش والموبايل من شباك الشرفه
واْخيراَ كل عام واْنتم بخير وعيد اْضحى مبارك عليكم اْنشاء الله
اْخوكم
محمود المصرى

الخميس، 30 سبتمبر، 2010

فيلم رعب


الصراحة هو فعلاَ فيلم رعب بس من النوع المقرف فاكرين فيلم اْلين ضد برديتور هو بظبط نفس الفيلم اْلى اْحنا عايشينه دلوقتى وهو فيلم طماطم وسلاح التلميذ ضد المواطن المصرى اللذيذ
الفيلم بطولة الفنان القدير الغلبان الصدمان العيان السيد المواطن والفنانه الغاليه علينا قوى الست طماطم مع نجم الاْكشن الفنان سلاح التلميذ
يبداَ الفيلم فى مشهد صباحى فى يوم مطلعتلوش شمس وطبعاَ مع شوية موسيقى رعب ويظهر موظف فى اْحدى الاْسواق وهو رايح على بائع الطماطم وهنا تاْتى الاْثارة مشهد لكف اْيد الموظف وهو رايح ناحية الطماطم وفجاْة وطبعاَ موسيقى رعب تانى اْنن تش وتلاقى اْيد البياع بتاع الطماطم بتمسك اْيد الموظف ويقوله بصوت مخيف اْنت عارف دى بكام دى بعشرة جنيه الكيلو فاهم بعشرة جنيه الكيلو وفجاْة يصاب الموظف باْزمة قلبيه ويقع على الاْرض وهو فى اْيديه طمطمايه بتتفعص وبتنزف البزر اْلى جواها فى مشهد دموى طمطماوى مرعب جداَ
وتنتقل الكاميرا اْلى مشهد فى اْحدى المدارس ومجموعه من المدرسين الاْشرار وتاْتى الكاميرا فى مشهد رعب قوى على بق واحد منهم وهو بيقول بصوت مخيف وضحكه شريرة خلاص مفيش كتب خارجيه لا اْضواء ولا سلاح التلميذ ولا مراجعة اْخر السنة كده الواحد يزود الدروس الخصوصية براحته وبدل ما اْعمل ملزمه واحده فى السنة اْخليهم خمسة سته وهنا الكاميرا تجيبهم كلهم وهما بيضحكوا فى نفس واحد ضحكات مرعبة هاهاهاها
وتنتقل الكاميرا على مشهد بطل الفيلم المواطن مصرى وهو بيقوم مفزوع من على السرير بعد كابوس مخيف وطبعاَ لسه صدى الضحكات بتاعت المدرسين شغاله ويقوم البطل المقوار قصدى المغوار ويلبس وينزل الشغل فى مشهد سريع هو اْحنا لسه هنستنى لما يخلص كل ده طبعاَ لازم نسبق الاْحداث
وتنتقل الكاميرا اْلى مشهد مثير جداَ بطل الفيلم ماشى فى الشارع وحواليه ناس مرميه فى الشارع وناس بتصرخ وبتقول سيبوهم دول معملوش حاجه وهنا يذهب بطلنا اْلى الظابط صاحبه طبعاَ زى كل الاْفلام الاْجنبية ويساْله هما عملوا اْيه يقوله وهو بيشاور عليهم فى البوكس الاْولانى مسكناه وهو بيتعاطى طماطم والتانى مسكناه متلبس بحيازة سلاح التلميذ وهنا وفى مشهد لوجه البطل الغاضب وهو يصرخ وبيقول لاْااااااااااااااااااااااااااااا وبداْ البطل فى جمع الناس لمحاربة قوى الشر واْخذهم فى مشهد رهيب الى نهر النيل وقاموا كلهم بالوضوء وقام البطل فى مشهد مروع برفع اْيديه وهو يقول حسبى الله ونعم الوكيل حسبى الله ونعم الوكيل
وهنا ياْتى رجل عجوز وكان شكله مخيف ولكن كان يضحك بشده وساْله البطل اْنت ليه بتضحك قالهم
يا اْغبيه فى حد يتوضى بمياه فيها سولار هاهاهاهاهاهاهاها
النهاية
ملحوظه ( هذا الفيلم تشاهدونه على قناة توب موفيز سنة 2967 فى ذكرى مرور اْلف عام على النكسة )

السبت، 11 سبتمبر، 2010

دماغ غريبة


كل سنه واْنتوا طيبين وبعوده الاْيام اْنا النهارده قررت اْتفسح واْخرج واْشوف الدنيا والزحمه وقولت اْسترجع ذكريات الطفوله واْروح جنينة الحيوان وصدقونى كنت فرحان قوى واْنا هناك بس جه فى دماغى فكرة غريبه وهى اْيه اْلى فى دماغ الحيوانات بمعنى مثلاَ القرد هل فرحان ان اْحنا بنتفرج عليه ولا الزرافة هل مبسوطه من الكلام الى اْحنا بنقولوا على طول رقبتها ولا الفيل هل سعيد بكلمنا عن زلومته وبعد لف ودوران فى الحديقه طبعاَ تعبت وروحت عشان اْستريح وقعدت على السرير واْنا بفكر فى نفس الموضوع وزى كل مره روحت فى نوم عميق وحلمت حلم غريب باْنى بقيت دبور وخدتنى جنحاتى الى حديقة الحيوان وهنا كانت الصدمه لقيت ناس وقفه قدام جبلاية القرود وبيحدفوا موز وسودانى للقرود وفجاْة لقيت قرد بيقول لصاحبه هى الناس دى مبتفهمش اْحنا جلنا اْمساك من كتر الموز ده غير صحبنا جمعه اْلى كل سنه يفكروه بالحزن ويقولوله اْمك ماتت يا جمعه ده غير الشباب اْلى بدخن وعماله تتف عندنا لغايت لما جالنا قرفه واْلى جايبه عيلها يعمل زى الناس ولاموْخذه عندنا وهنا اْنا من الحزن طرت وروحت عند بيت الزواحف ولقيت الناس عماله تتفرج على الثعابين والسحالى وهنا اْنا سمعت ثعبان بيقول هو الواد والبت دول بيبصولنا كده ليه يما نفسى حد يشيل الاْزاز ده عشان اْعضه عمال يفعص فى اْيد البت من غير اْى اْدب هما فكرنا مبنفهمش ومن كتر الكسوف روحت ماشى قصدى طاير على قفص اْحلى مخلوقات الله وهى العصافير الكنارى وهنا كان فيه حاجه ظريفه قوى لقيت عصفوره نتايه بتقول الظلمه سايبنى لوحدى وسط كل الرجاله دى مفيش حد عنده شهامه ولاحتى عنده اْخوات بنات ولا حتى بلاستيك وهنا حسيت اْنى فى مشهد من فيلم المغتصيبون ومن كتر قلة الحيله واْنى مش قادر اْعمل حاجه للعصفورة الغلبانه روحت طاير على بحيرة البجع ولقيت بجعه زعلانه وبتقول اْيه الواد الرخم ده عمال يعلقنى ومش عايز يحدف السمكه اْلى فى اْيده والبنى اْدم التانى اْلى معاه جردل بحاله من السمك ومش عايز ياْكلنا اْلا لما ياخد فلوس صحيح ناس ماديه وهنا اْنا قولت اْروح اْستخبى فى اْى مكان بعيد عشان اْريح اْعصابى واْخترت بيت ناس غلابه عايشين قصاد الحديقة فى اْوضه فوق السطوح ولسه هاخد نفاسى لقيت قدامى واحد ماسك جذمه مقاس خمسه واْربعين وكمان بنى برباط ونازل عليا بيها عشان يموتنى مش كفايه الريحة وهنا اْنا صحيت واْنا بصرخ وبقول لاْااااااااااااااااااااااااااا بلاش الجذمه ولما فوقت قعدت اْضحك على نفسى بصوت عالى وقررت اْروح الحديقه الزراعيه اْحسن
وكل سنه واْنتوا بخير وعيد سعيد
اْخوكم
محمود المصرى

السبت، 7 أغسطس، 2010

حلم مش هيحصل


اْسكتوا مش رجعت اْحلم تانى والمره دى مش زى اْى مره تانيه واْرجوكم متقولوش عليا مجنون فى البدايه اْنا كنت قاعد بتفرج على قناة التلفزيون العربى وعلى شكل مصر زمان اْيام ما كان فى ناس بجد المهم كنت بتفرج على اْحدى خطب الرئيس الراحل اْنور السادات وكنت بشرب كباية ينسون تقيله شويه لدرجة اْنى روحت فى النوم وحلمت حلم غريب حلمت اْن اْنا بقيت مسئول عن البلد دى وبقيت رئيس ليها وكان اْول يوم لتولى هذا المنصب وطبعاَ كل الناس كانت منتظرة التغير اْلى هيحصل وهنا انا طلعت اْول قرار باْلغاء جميع الاْحزاب الموجودة فى البلد وثانياَ قررت اْنى اْعمل اْنتخبات لكل منصب فى البلد بمعنى مفيش وزير مسئول هينحط اْلا بلاْنتخاب يعنى الشعب يرشح لكل منصب عدة اْشخاص ويختار اْلى هو عايزه وطبعاَ ده بعد منسمع من كل واحد برنامجه الاْنتخابى ومعطياته ولو فشلنا فى الاْختيار نخليها منظومه كامله من كل المرشحين ونكسب خبراتهم كلهم لصالح البلد وثالثاَ فكرت اْزاى اْزود موارد البلد دى فقررت بدل ما نخلى المستثمرين هما اْلى يكسبوا نخلى الشعب هو اْلى يكسب فافكرت فى الاْهرامات واْبو الهول مثلاَ قررت اْعمل حواليهم ميدان واْعمل فى الصحراء الى حواليهم مدن سياحيه يدخل ربحها للشعب وباقى الصحرا نبنى فيها مساكن للشباب ومدارس وقررت اْعمل عملية تاْميم لبعض الممتلكات الخاصة بالمستثمرين زى طلعت مصطفى واحمد عز وسويرس واْخد منهم اْراضى نبنى فيها مصانع لصالح البلد بدل ماكل حاجه بنستوردها من بره حتى فانوس رمضان وقررت اْسفر مجموعات من الشباب الخرجين لبلاد زى اليابان والصين وتايوان عشان يخدوا خبرة فى كل مجالات الصناعه وبعد كده يجوا يشغلوا المصانع الى هنبنيها ونطلع ناس غيرهم وهكذا وقررت اْعمل حد اْدنى للاْجور اْلف وخمسمائة جنيه وقررت اْن التعملات فى قناة السويس تبقى بالجنيه المصرى وقررت قطع الغاز عن اْسرائيل لاْن فيه ناس كتير فى البلد معندهاش غاز بدل مستورده مش يبقى اْبنى فى اْيدى ودور عليه وقررت اْعمل مشهد من فيلم الجزيرة بس المره دى فى سينا هدخل وحررها من العرب الى فيها ولو عايزين يعيشوا وسطينا فى اْمان اْهلاَ وسهلاَ ولو العكس يبقى هما اْلى اْختاروا وهعمل من سينا اْكبر مدينه صناعية فى الشرق الاْوسط وكل تعاملتها بالجنيه المصرى عشان نخليه يعلا زى اْخوه اليورو حتى لو يبقوا اْخوات فى الرضاعه وهعين مشرف على كل شارع يراقب نظافة الشارع المسئول عنه وهلغى شركات النظافه الاْجنبيه وهعمل شركات مصريه واْعين الشباب الغير متعلمين بمرتبات كبيرة بدل قعادهم على القهاوى ويطلع منهم مسجلين خطر وحراميه ده غير الشباب الى هيشتغلوا فى سينا من عماله ومتخصصين وكله من مصر وقررت اْخلى جزء من اْرباح كل نادى رياضى واْى فيلم سينمائى لصالح البلد مش هما ياكلوا واحنا نموت من الجوع وقبل ما اْكمل المشوار صحيت من النوم على صوت الست جارتنا وهى بتجعر فى ولادها وقمت شغلت اْغنية تامر حسنى اْْنا النهارده صحيت على صوتها الله ياخد ده صوت
معلهش هو حلم اْهبل شويه بس اْنا مالى هو اْنا الى باْلف الحلم المهم تصبحوا على خير

الجمعة، 23 يوليو، 2010

فى حاجه غلط


كنت قاعد بتفرج على التلفزيون وكالعاده ملقيتش حاجه ليها لازمه لكن لفت اْنتباهى شىْ غريب اْوبمعنى اْصح لقيت مسخ دميم قاعد على سرير مستشفى وعامل فيها اْنثى مخلوق ليه صوت زى الست اْطاطه فى فيلم عوكل وشه اْو وشها عليه غضب ربنا والمشكله قال اْيه اْسمه نور وهنا اْنا قفلت التلفزيون وقعدت اْتصفح الجرائد ولكن للاْسف نفس الموضوع الشاب اْسلام الذى اْصبح الفتاة نور اْو بمعنى اْصح المسخ اْلى من راْيى اْن الاْشكيف اْحلى منها وهنا اْنا فكرت فى اْنعكاس الشىْ ده على الشعب العربى
اْولاَ - حسيت اْن ممكن نكون ظلمين الولد ده واْنه ممكن يكون فى حد خدوا ولامؤاخذه وهو صغير تحت كوبرى الملك لصالح ولا ممكن يكون متربى وسط بنات ولا كان بياكل عنب بناتى كتير وطفح على شخصيته
ثانياَ - الاْهل واضح عليهم اْنهم عادى خالص وشكلهم عيله متحرره وممكن يكون اْبوه كان على راْى الفنانه هاله فاخر يخرج من البيت سيد يرجع لنا سالى بمعنى ممكن تكون وراثه فى العيله
ثالثاَ - سيادة الدكتور بتاع الاْبداع اْلى بيقولك ده فن واْبداع فى مجال الطب شكله هو اْلى غلط معاه وعشان يصلح غلطه قال نخليها شرعى بدل ما الناس تقول عليا شاذ بعد العمر ده كله
رابعاَ - وده الاْهم الاْعلام بتاعنا ورجال الدين سابوا المصيبه دى اْلى ممكن تضر شباب البلد ونرفع فعلاَ شعار الرجاله ماتت فى الحرب قعدين يتكلموا فى سيادة المذيع الذى قتل زوجته زى مايكون مفيش حد عمالها غيره ده حتى الجرائد سايبين كل الهم ده وطالعين ينشروا مذكرات المذيع زى مايكون هتلر ده غير القنوات الفضائيه كل الدور اْلى قامت بيه اْنهم عملوا اْنفراد فى لقاء هذا المسخ زى مايكون جابوا لقاء مع بن لادن
خامساَ - الناس فى الشوارع ودورها فى نشر الخبر زى فيروس اْنفلونزا الخنازير واْهمال دورهم فى اْبعاد اْولادهم عن هذا الفكر الغير اْخلاقى زى مايكون لازم الواحد يروح البيت يلاقى زينهم بقى فتكات عشان يتحرك
واْخيراَ - هرجع لموضوع اْهله اْلى يحرق دمك اْنهم كل اْلى مزعلهم المبلغ اْلى خدوا الدكتور واْلى يحرق دمك اْكتر شرح هذا المسخ للعمليه يقولك اْنا اْتفقت مع الدكتور على سبع اْلاف جنيه لنفخ الصدر وعشرين اْلف للجزء اْلى تحت والمصيبه اْنه لابقى ست ولا ينفع يرجع راجل تانى المهم والسوْال اْلى محيرنى مين المتهم هنا الشخص نفسه ولا اْهله ولا الدكتور اْلى نسى دينه ولو اْنتوا القاضى هتحكموا باْيه

*( رساله)*
الى كل شاب وفتاة وكل رجل واْمراة لاتنسوا قول الله سبحانه وتعالى بسم الله الرحمن الرحيم
*(لقد خلقنا الاْنسن فى اْحسن تقويم )*
اللهم اْنت خلقتنى على اْحسن تقويم واْليك ترجع روحى يا رحيم فالك الحمد بعدد ما خلقت برحمتك يا اْرحم الراحمين اللهم اْمين اْللهم اْمين

الجمعة، 16 يوليو، 2010

اْنا عارف


هو اْسلوب مختصر فى كلمتين هما اْنا عارف بمعنى الواحد يبقى ميعرفش حاجه ويقول اْنا عارف متعرفش بقى هو بيحس باْحراج لعدم المعرفه ولا تكبر وتعالى على الناس ولا اْحساس بالنقص ولا ثقه زيادة
بمعنى مثلاَ تلاقى واحد ماشى فى الشارع ويجى عندك ويساْلك على عنوان هو مش عارفه واْول ما تقوله عارف العماره اْلى على اْول الشارع يقولك اْه عارفها ويسيبك قبل متخلص كلامك من غير حتى كلمة شكراَ وثوانى وتلاقيه راجع تانى ويقولك طب هى يمين ولا شمال فوق ولا تحت طب الدور الكام ويحاول يفرض عليك اْسلوبه ويخليك تتحلى بيه بمعنى اْنك تقوله على حاجه اْنت اْصلاَ متعرفهاش وفى النهايه يقولك اْصل انا عارف بس ناسى ويفضل يضغط عليك لغايت لما تخدوا من اْيدوا وتوديه لغايت العنوان المطلوب
ومثال تانى تلاقى واحد قاعد بيحكى فى سيرة واحد تانى يعرفه مع اْصحابه وفجاْة تلاقى صحبنا اْبو العريف يقولك اْه دنا عارفه ويختلق قصص وحواديت عنه والمصيبه اْنه بيصدق نفسه ويبنى خمسين قصه تانيه على اْساس القصه اْلى هو اْصلاَ مؤلفها
وخد مثال تالت تبقى بتتكلم فى حاجه تخص الدين يعنى مثلاَ تبقى قاعد فى وسط جماعه بتتكلموا مثلاَ فى ياترى اْبو الرسول عليه الصلاة والسلام هيدخل النار ولا الجنه تقوم تقوله الله اْعلم يقوم اْبو العريف ويقولك اْنت مسمعتش حديث النبى *(اْبى واْباك فى النار )* تقوله الحديث ده ممكن نرده لاْنه بيخالف النص القراْنى لاْن الله سبحانه وتعالى قال *(وما كنابمعذبين حتى نبعث رسولاَ)* وقال فى سورة يس بسم الله الرحمن الرحيم *(لتنذر قوماَ ما اْنذر اْباؤهم فهم غفلون)* صدق الله العظيم وهنا تلاقى صحبنا اْبو العريف يقوم وقبل الشرح اْلى اْنا قولته ويقولك حرام تقوله طب حرام ليه يقولك اْهو حرام وخلاص المهم اْنه ينتقدك وخلاص بدون معرفه ولاخلفيه عن اْى شىْ
فى النهايه اْنا عايز اْقول مش عيب اْن اْحنا نقول منعرفش وهاستند فى كلامى ده لحديث النبى صلى الله عليه وسلم (من قال لااْعلم فقد اْفتى)صدق رسول الله صدقونى الضرر هنا بيبقى على الشخص نفسه مش على غيره وبس بمعنى اْنه كده هيخسر كل اْلى حواليه حتى اْهله وناسه بسبب الخسائر الفاضحه الكتير اْلى هتحصل ده غير الاْحراج ومش اْى اْحراج ده قمة الاْحراج والكسوف اْلى ممكن الواحد يجيلوا سكته قلبيه بسببه
فى الاْخر ربنا يرحمنا ويرزقنا بالمعرفه الحسنه قولوا اْمين

الاثنين، 12 يوليو، 2010

لحظة خيا نه ( اْغنيه حزينه )


كانت لحظه وصعبه عليا لما شوفتك اْنا بعنيا
كانت لحظه وفيها اْسيه لما اْشوف خيانتك ليا
اْصعب لحظه فى حياتى اْلى اْنا شوفتها
شوفت اْيديك فى اْيدها ياصاحبى اْلى بحبها
شوفتك بتخاف عليها شوفتها بتغيرعليك
يارب تتهنى بيها ويارب تتهنى بيك
بس هيجى اليوم ياصاحبى بس هيجى اليوم ياصاحبى
ويجى الدور عليك ويجى الدور عليك
كنا مع بعض ديماَ عايشين لبعض ديماَ كنت ديماَ شاريك
مكنتش يوم اْتصور اْنك تخونى ياصاحبى
بدعيلك اْنا من قلبى ما تشوف خيانتها ليك
شوفتك بتخاف عليها شوفتها بتغير عليك
يارب تتهنى بيها ويارب تتهنى بيك
بس هيجى اليوم ياصاحبى بس هيجى اليوم يا صاحبى
ويجى الدور عليك ويجى الدور عليك
صاحبى وصديق حياتى وحبيبتى وذكرياتى خانوا كل السنين
خدوا منى سنين حياتى وسهرى وتضحياتى سرقوا منى الحنين
كان نفسى اْعيش ياصاحبى من غير لحظة خيانه
كان نفسى اْعيش حبيبتى وماشوفش يوم اْهانه
بس خلاص مفيش اْخلاص ولا حتى حب واْحساس
قولولى اْعمل اْيه ياناس قولولى اْعمل اْيه ياناس
قولولى اْعمل اْيه
قولولى اْعمل اْيه
شوفتك بتخاف عليها شوفتها بتغير عليك
يارب تتهنى بيها ويارب تتهنى بيك
بس هيجى اليوم ياصاحبى بس هيجى اليوم ياصاحبى
ويجى الدور عليك
ويجى الدور عليك

الثلاثاء، 6 يوليو، 2010

ليه بنقول ليه


هما تالت حروف ولكن فيهم اْذى بلا حدود كلمه ممكن تخلى الدنيا بحالها تخش جهنم كلمه ملهاش حل وتعالوا نتعرف على اْكبر قضيه من وجهة نظرى بتتعرض ليها كل الدول وبذات العربيه
اْولاَ- الناس بتحاول تهرب من المسئوليه اْلى عليهم وترمى كل الذنب على غيرها بمعنى بسيط تلاقى واحد يقف قدام القطر وتقوله حاسب هيخبطك يقولك سيبها على الله وبعد ما يداغدغ يقول بكل برود ليه كده يارب مع اْن ربنا قال ولا تلقوا باْنفسكم اْلى التهلكه
ثانياَ - الواحد يجراله اْى اْبتلاء من اْفلاس ولا مرض ولا زوجه اْو زوج مش صالحين ولا اْبن عاق ولا حد يموت من اْهله تلاقيه بدل مايذكر ربه يقول ليه كده يارب دنا عمرى ما عملت حاجه وحشه ونسى اْن ربنا قال فى سورة البقره*( لنبلونكم بشىْ من الخوف والجوع ونقص من الاْموال والاْنفس والثمرات وبشر الصبرين الذين اْذا اْصبتهم مصيبة قالوا انا لله وانا اليه راجعون صدق الله العظيم)* ونسى اْن الدنيا لاتبقى لاْحد لاغنى ولافقير لاحزين ولاسعيد نسى اْن كل من عليها فان يقولك اْنا مسلم وعندى اْيمان ليس له حدود وفى الاْخر يقول ليه كده
ثالثاَ - واحد بار بوالديه وعمره معمل اْى شكل من اْشكال العقوق وتمر الاْيام ويتجوز ويخلف ويطلع ليه اْبن عاق ويطلع عينه وبرضه يروح لنفس الكلمه ليه كده يارب دنا عمرى مفتحت عينى فى عين اْمى ولا اْبويا ليه ليه وينسى اْن ربنا قال اْن فى اْولادكم واْزواجكم عدو لكم فاحذروه ونسى اْن بذكر الله تطمئن القلوب وضيع اْيمانه بتالت حروف وهما ليه
رابعاَ - اْسئله ملهاش اْى لازمه فى الحياة تلاقى واحد يقولك ليه شكلى وحش وليه معنديش فلوس وليه الصلاة شكلها كده وليه الستات بتتحجب وليه السما فوق والاْرض تحت وليه وليه وليه
ونسى اْن الاْسلام قائم على مبداْ سمعنا واْطعنا واْن مش كل حاجه ينفع فيها ليه
وهنا اْنا عايز الناس تخلى بالها من نفسها ومن اْيمانها ومن دينها وتعرف اْن الواحد ممكن يكسب مليارات وفى لحظه يموت ومش هياخد حاجه معاه لا مال ولا جاه ولا ولد ولا زوجه مفيش غير العمل الصالح واْرجوا اْن رسالتى تكون وصلت ليكوا بكامل معناها ولكم جزيل الشكر وقولوا الحمد لله الذى لايحمد على مكروه سواه
اْخوكم
محمود المصرى

الثلاثاء، 29 يونيو، 2010

نفاق من نوع خاص


فعلاَ هو من نوع خاص وهو اْخطر نوع من اْنواع النفاق وهو نفاق النفس بمعنى اْنك تعمل الغلط واْنت بتحاول تقنع نفسك باْنه صح مع اْنك متاْكد ميه الميه من اْنه غلط وعشان اْوضح اْكتر خليكوا مصحصحين فى السطور القادمه
مثلاَ تلاقى واحد فى السوبر ماركت بيطلب علبة جبنه وبيشاور على نوع معين وهو النوع المحبب ليه وتلاقيه حريص جداَ على صحته وبيفتش على تاريخ الصلاحيه وفجاْة يلاقي التاريخ منتهى وخدلك بقى تالت ساعات ردح وشتيمه ويقولك حرام عليكوا اْنتوا عايزين تموتونى وتيجى لحظة نفاق النفس بعد ساعات من التهدئه واْرغامه على عدم تبليغ الشرطه اْلى طبعاَ هدد اْنه يجبها تلاقيه يطلب من عامل السوبر ماركت ويقوله اْدينى علبة سجاير زى ما يكون السجاير دى مش سم بيقتله ويعذبه بالبطىْ وصدقونى اْنا عندى ياكل الاْكل الفاسد ويموت على طول اْحسن ميشرب الهبابه دى ويموت ويقتل ناس كتير معاه
وتانى مثال وده مثال ظريف شويه مثلاَ تبقى واقف مع جماعه اْصحابك وتلاقيهم نازلين هزار بالشتيمه والسب ده يقوله اْزيك ياد يا اْبن الكلب والتانى يرد يقوله اْزيك اْنت واْزى اْمك يا اْبن الورمه وفجاْة تاْتى لحظة نفاق النفس وفى وسط الكلام يكونوا بيتكلموا فى حاجه جد وتلاقى واحد منهم قال لتانى اْنت حيوان وتلاقى صحبك ده بقى متغاظ على الاْخر ويتخانىْ ويصرخ ويقوله اْنا حيوان زى مايكون ضربه بالنار وزى ما يكون مش لسه من شويه كان بيسب ليه كل اْفراد العائله الكريمه نفر نفر ويبرر موقفه ويقولك الكلام التانى هزار وخدين على كده مع بعض لكن اْنه يقولى يا حيوان ده لايمكن اْبداَ
اْنا عايز اْقول اْن النسيان صحيح نعمه بس اْن الاْنسان ينسى الصح ويخيل لنفسه الغلط صح مع اْنه عارف ومتاْكد اْنه غلطان ده اْسمه الهروب من الحقيقه وبمعنى اْصح نفاق النفس
لو عايز تثبت لنفسك كلامى راقب نفسك وغيرك هتلاقى ناس لمجرد حب الاْمتلاك للى فى اْيد غيرها بتنافق نفسها باْن الشىْ ده فعلاَ هى فى اْحتياج ليه مع اْنها وثقه تماماَ باْنها لا تحتاجه ولكن النفس اْماره بالسوء وهنا السوْال هل عمر واحد فينا قال اْعوذ بالله من شر نفسى معتقدش ناس كتير
المهم ربنا يرحمنا واْدعوا الله واْقول اللهم اْجعل نفوسنا تاْمرنا بالاْحسان اللهم اْمين

الجمعة، 25 يونيو، 2010

كاس العالم واْزمة جدو


طبعاَ العنوان هيخليكوا تفكروا اْنى هتكلم فى الكوره ومشكلها لاْ اْنا هتكلم عن اْنطباع الناس مع الحياة ومشكلها الناس بمجرد ما اْشتغل كاس العالم وهى نسيت كل حاجه من غلاء واْرتفاع معدل الرواتب وطلعت مصطفى وهبه ونادين واْضراب المحامين ده حتى دول عاملين الاْضراب قدام التلفيزيون وطبعاَ وضعنا الجزائر فى شكل اْسرائيل وقعدنا نشجع اْى فريق يلعب ضدها بكل حماس وطبعاَ منسناش الدعاء لهم بالخساره زى ما يكون دى مش دوله عربيه ونسينا كلام ربنا عندما قال واْعتصموا بحبل الله جميعاَ ولاتفرقوا وكل ده بسبب ماتش كوره تلاقى الموظفين عايزين يروحوا بسرعه ويسيبوا شغلهم ومصالح الناس عشان عايز يروح يلحق الماتش ولاعزاء للغلابه كان ممكن اْعزرهم لو كانت مصر هى اْلى هتلعب ولكن برضه مصالح الناس هى الاْهم
ونيجى للنكته الكبرى اْحدى المحامين ساب كل مشاكل البلد والناس الى عايزه حد يدافع عن حقوقها وراح يرفع قضيه على اللاعب عماد متعب ويقدم طلب لوزارة الدخليه باْسقاط الجنسيه عنه كل ده عشان فى لاعب اْسرائيلى بيلعب فى نفس النادى اْلى هو رايحه وطلع فى اْحدى البرامج وقال هونسى مدرسة بحر البقر واْسطول الحريه والمسجد الاْقصى اْيه يا عم حيلك هو رايح يحارب ولا اْنت عايز تشتهر على قفا اْى حد وفى الاْخر يطلع اْنه كان فى لاعب اْسرائيلى فى النادى البلجيكى ومشى يا عم روح شوف عمال المنيا اْلى بيخدوا اْراضيهم وبيجريفوها عشان يعملوا غابة اْشجار ومحميه طبيعيه روح ودافع عن قوت الناس وزرعهم روح ودافع عن الاْهمال فى اْنقاذ اْرواح الناس فى حريق كوبرى التونسى والسوق اْلى اْتحرق ومال الناس اْلى ضاع حرام عليك متحرقش دمنا
وتيجى اْزمة سى جدو مع اْنى اْهلاوى وفرحان اْنه راح الاْهلى بس ليه كل ده ليه الضجه واْنشغال الراْى العام عن قضايا مهمه زى فلسطين واْسرائيل وذكرى الاْسراء والمعراج اْلى مبقناش بنحتفل بيها اْلا فى خطبة الجمعه فين ناس زمان وحبهم للدين والوطنيه والغيره على اْى شخص عربى زيهم فين الاْخلاق اْلى علمهلنا النبى عليه اْفضل الصلاة والسلام فين المبادىْ اْلى اْتعلمنها من جمال عبد الناصر والسادات والشيخ الشعراوى فين عقول الناس
فى النهايه على راْى المثل لو عايز تدمر اْى نظام دوله وتهده روح واْشعل فيه اْزمة جدو

الثلاثاء، 22 يونيو، 2010

اْشمعنى


هو مبداْ سىْ موجود فى كل مكان وفى جميع المجالات بمعنى اْن الحقد والحسد والرخامه والغلاسه والتدخل فى ما لايخصنى كل ده بيتلخص فى الكلمه دى وهى اْشمعنى اْنا حاولت اْعمل تقرير عنها لقيت اْنها ممكن يتعمل عنها رسالة دكتوراه وتعالوا نشوف اْثر الكلمه دى فى مجتمعنا
مثلاَ اْنا لما جيت اْتعين جديد لقيت اْن فيه مكافاْة بتتصرف كل شهر غير المرتب ولكن عشان فى اْحدى الموظفين قال اْشمعنى زميلى فلان الفلانى ياخد نفس قيمة المكافاْة مع اْنى بشتغل اْكتر منه ودخل اْشتكى لصاحب الشركه راح رد عليه وقاله متزعلش لا اْنت ولا هو ولا اْى حد

وتانى مثال فى البيت وبذات المتجوزين تلاقى الزوجه نازله اْشمعنى فى ودان جوزها لغايت لما تخليه يطلع من هدومه بمعنى تيجى وتقوله اْشمعنى مجبتليش فستان زى جوز الست جارتنا ماجابلها ولااْشمعنى مجبتليش هديه فى الفلانتين زى البت فلانه اْلى فوق فى الدور التانى ولااْشمعنى معنديش موبايل حديث زى اْلى عند اْختى ولااْشمعنى متسافرش زى جارنا اْلى راح الكويت وعمل شىْ وشويات وتفضل نازله اْشمعنى لغايت لما يوصلوا للطلاق فى الاْخر ده حتى فى دى تلاقى حماك يقولك اْشمعنى مصاريف الماْذون تبقى عليا مش عليك
وتالت مثال فى فى حكومتنا بمعنى تلاقى الواحد منهم يقولك اْشمعنى ده بيسرق واْحنا لاْ اْشمعنى حكومات كتير بترجع فى كلامها واْحنا لاْ اْشمعنى اْحنا اْلى نبداْ بمبادرة توحيد الوطن العربى واْشمعنى اْحنا اْلى نحارب اْسرائيل واْشمعنى اْحنا ندور على حلول اْقتصاديه للبلد واْشمعنى اْحنا اْلى نخالى بالنا من خطورة الفتنه الطائفيه واْشمعنى اْحنا اْلى نرفع معدل الرواتب فى البلد وتيجى اْيران وتقولك اْشمعنى امريكا واْسرائيل وبريطانيا عندهم نووى واْحنا لاْ وتيجى الشيعه وتقولك اْشمعنى السنه مشهورين واْحنا لاْ

ورابع مثال فينا اْحنا الشعب كل واحد باصص لغيره فى اْلى معاه ويقولك اْشمعنى ده معاه واْنا معاييش واْشمعنى اْنافقير وهو غنى واْشمعنى ده مراته حلوه واْنا مراتى مش اْوى واْشمعنى ده مرتبه كبير واْنا دخلى صغير واْشمعنى واْشمعنى لغايت مابقت هذه الكلمه مرض اْخطر من اْنفلوانزا الخنازير
فى النهايه اْنا عايز اْوصلكم اْن المبداْ ده هو اْساس كل الخراب فى العالم الحروب والفتنه الطائفيه وعدم توحيد الشعوب العربيه وتدمير الحياة الزوجيه واْقتصاد البلاد ونشر الفساد والتفريط فى دماء اْخواننا المسلمين فى كل مكان تحت شعار السلام هو الحل وتعالوا نحافظ على اْسمنا ولانفرط فى مبادىْ ديننا
واْخيراَ شوفوا اْحمد عرابى وهو فى المنفى فى سيلان عندما عرض عليه صاحب اْحدى شركات الشاى هناك وضع اْسمه على علب الشاى لزيادة نسبة البيع فكان رده هو
نحن مسلمون فمن باع اْسمه فقد باع دينه
فى النهايه اْرجوا اْن نتحلى باْخلاق هذا الرجل ونبطل اْشمعنى

الثلاثاء، 15 يونيو، 2010

دموع فى حضن الاْمتحانات


اْنا مش عارف اْلى بيحصل فى الاْمتحانات كل يوم على راْى الست دموع واْهات واْنين اْمتحان معقد واْسئله من خارج المنهج حتى فى اْمتحان الدين بس تعالوا نروح ونشوف مين الغلطان مثلاَ لو روحت وساْلت الطلاب هتلاقى منهم اْلى يقولك الاْمتحان سهل وهما اْلى مكبرنها شويه ومنهم اْلى يقولك حرام والله الاْمتحان كله من خارج المنهج وتروح عشان تتاْكد من الكلام وتشوف ورقة الاْسئله تلاقى عادى جداَ الاْمتحان هو هو بتاع السنه اْلى فاتت مع بعض التعديل فى الترتيب بمعنى اْنك تلاقى السؤال الاْول هو السؤال التانى فى اْمتحان السنه اْلى فاتت وهنا اْنا وقفت وقفه مع نفسى طب اْيه السبب هل العيب فى الطلاب ولا هيئة التدريس ولاقيت عدة اْجوبه
اْولاَ- الاعلام المصرى طول السنه مخلى الكبير والصغير ميفكرش اْلا فى قضايا اْحنا اْصلاَ مش مستفدين منها حاجه زى مثلاَ قضية سوزان تميم وطلعت مصطفى والسكرى وهبه ونادين وعيساوى وصفقات النادى الاْهلى والزمالك الجديده وبرامج مسابقات مفيهاش اْى معلومه اْو اْفاده زى مثلاَ لعبة الحياة وحاجات تانيه كتير متعدش
ثانياَ - الحدائق العامه اْلى مفتوحه لكل من هب ودب بدون رقابه وتعالى وشوف البنات والشباب بيعملوا اْيه ورا الشجر وبذات حديقة الاْزهر والحديقه الدوليه ولا القناطر الخيريه وتحت الكوبرى وعلى الكورنيش وفى السيما وتلاقى البنات اْكتر من الشباب على القهوة وماسكين الشيشه وهاتك يا دخان ولا عزاء للغرز
ثالثاَ - وهو ده مربط الفرس المدرسين والدروس الخصوصيه وقلة الضمير فى الفصول والجامعات وروح وشوف المتخرجين يبقى دكتور صيدلى وتقوله عندى القلب يديك حاجه للاْنفلونزا ولا المهندسين والعمارات اْلى عماله تقع والغش فى المبانى والمحامين والضماير المغشوشه يبقى عارف اْن اْلى هيدافع عنه تاجر مخدرات وموت نص شباب البلد ولا تاجر سلاح ولا مزور ولا قاتل وبرضه يقف ينحر فى حسه ويدور على صغرات ولا عزاء للمظلومين
واْخيراَ - الاْبهات والاْمهات وعدم الاْهتمام بتربية اْولادهم وكل همهم كسب المال وفاكرين اْن الاْنحراف والاْدمان وسن المراهقه ده كله مبيحصلش اْلا فى الاْفلام وبعد ما تحصل المصيبه من اْدمان ولا اْنتحار ولا جواز عرفى فى السر ولا شرب السجاير والمخدرات ودى فيها نكته يقولك الواد مبيشربش حاجه قدامى متربى لو شافنى جاى من بعيد بيرمى السجاره واْنا عشان بخاف عليه من الغلط خليته يشربها قدامى ونعمه التربيه المهم فى الاْخر تلاقيهم يقولوا دى اْخرة تربيتنا فيك دحنا مش حرميناك من حاجه وكاْن الفلوس هى اْلى بتربى ولا عزاء للتربيه
اْنا عايز اْوصلكم اْن كل دى عوامل بتاْثر فى مستوى فكر المجتمع وبتخلينا نبقى فى اْعلى مستوى التخلف ومش هقولكم اْنها هترجعنا خمسين سنه ورا لاْننا كنا من خمسين سنه اْفضل بكتير فكرياَ واْقتصادياَ وسياسياَ يا ناس فكروا واْفتكروا كلام ربنا وخالوا بالكوا من عيالكوا ويا مدرسين مصر اْتقوا الله فينا واْرحموا اْولادنا ويا اْمهات واْبهات مصر اْولادكم محتاجنكم اْكتر من فلوسكم واخيراَ ربنا يرحمنا ويجعل فينا من يدلنا اْلى الصواب قولوا اْمين

الثلاثاء، 8 يونيو، 2010

اْخلاق با لعكس


هو موضوع غريب شويه بس حسيت اْنى لازم اْتكلم عنه وهو اْسلوب المدح و التعبير والاْخلاق الموجوده اليومين دول اْسلوب تحس اْنه حاجه تكسف تبقى عامل اْنجاز ولا اْختراع اْو اْى حاجه كويسه تلاقى الناس لما تيجى تمدحك تقولك الواد ده مخه اْبن كلب عفريت ولا يا سلام لو كنت واد مخلص وكل يوم مع واحده شكل تلاقى الناس بتقول عليك يااا ده واد فاجر ده حتى لو قلت حاجه تضحك تلاقيهم يقولولك الله يخرب بيتك ده اْنت واد فقرى ويا سلام لو دخلت فيلم جديد يبقى الممثل مبدع وعامل دوره على اْكمل وجه وتلاقيهم يقولوا ده جامد كيك والحدق يفهم طبعاَ ده حتى الصباح بتاع ربنا تلاقى الواحد من دول جاى عليك ويحسسك اْنك وحشته ويقولك يا صباح اْلى بتغنى ولا التانى اْلى يقولك صبح تاتا اْتنين فى تلاته وتبقى بتتكلم فى موضوع جد ومهم وتكون محتاج تستشهد بواحد من الواقفين وتقوله طب اْحلف يقولك عند اْم زحلف ده حتى التعبير عن القسى والاْلم اْلى جواك يقولك دحنا بنكح ملح واْحياناَ يقولك بنكح تراب وساعات يقولك اْنا جبت جاز ده حتى الحلفان يقولك روح هات المصحف بدل وحياة المصحف مع العلم باْن الاْتنين غلط لاْن من حلف بغير الله فقد اْشرك ده حتى فى الصلاة تلاقى واحد مثلاَ مش عارف يتوضىْ صح وتلاقى صاحبنا التانى يقوله بعلو صوته ايه ده حرااام وطبعاَ التانى يرد عليه ويقوله اْنت اْيه ياعم المفتى متحل عن دمغنا شويه وتعالى نشوف زمان الحسن والحسين عملوا اْيه وهما لسه اْطفال وشافوا واحد بيتوضىء غلط ذهبوا له وقالوا يا عماه اْلا تحتكم بيننا اْنا اْقول اْنى اْفضل منه فى الوضوء وهو يقول اْنه اْفضل فحكم بالعدل بيننا فعندما شاهدهم قال لهم والله الذى لا اله غيره اْنتم الاْثنان تتوضئان اْفضل منى وهنا فهم الرجل خطئه بكل ذوق وبدون تزمت وتعصب ليه اْحنا مش كده وفين اْخلاق الاْسلام اْلى اْحنا اْتعلمنها ده الواحد تقوله قوم صلى يقولك اْنت هتعملنا فيها شيخ تبقى واقف تتكلم مع الواحد منهم ويسيبك وعنيه وذهنه رايحه على اْجسام وعورات البنات والستات ولا كائنك ليك اْى احترام عنده ده حتى البنات اْلى بتشتغل مش سيبنها فى حالها تبقى تعبانه طول اليوم وطالع عنيها اْلى بتجهز نفسها ولى بتصرف على اْخواتها الصغار واْلى معندهاش اْلا اْمها وعيانه ومحتاجه كل قرش والناس مبترحمش اْلى يقولك دى راجعه من الكباريه واْلى يقولك دى تلاقيها كانت بتتسرمح وعاديك على الكلام اْلى بيتقال ليهم يخلوها ماشيه ورايحه الشغل ويقولوا مصلحه ولامرواحه ولا ماتيجى يا جميل نلف لفه واْلى يقولك اْموت اْنا ويا سلام على النوع التانى اْلى يقولها اْنا معجب بيكى وعايز اْتعرف عليكى يعنى من الاْخر عايز يتسلى بيها وطبعاَ البنت المحترمه بترد عليه وتقوله ده عنوانى روح اْخطبنى وبعدين نتكلم يروح صاحبنا يمشى وقفاه مقمر عيش ويحلف لا ينتقم منها ويروح مطلع عليها سمعه اْنه شافها ماشيه مع كذا وكذا وعشان كده هو اْلى رفضها يااااه قد كده شرف الناس بقى سهل اللعب بيه عاملين زى اْلى راح للرسول عليه اْفضل الصلاة والسلام وقاله اْئذن لى بالزنا فقال له اْترضاه لاْمك اْترضاه لاْختك يا ناس حرام اْن بعض الظن اْثم ارحموا بنات الناس وخليكوا عارفين كما تدين تدان ومش معنى كده اْن كل البنات كويسه فيه برضه اْلى بتبقى عايزه تلعب بمشاعرك وتتسلى بيك وتورى اْصحابها اْنها مفيش واحد يقدر يقاوم جملها وانا نفسى مريت بالتجربه دى ودى كانت اْول واْخر مره لاْنى حبيت الاْنسانه دى واْحترمتها فوق ما تتخيلوا دنا حتى عمرى مفكرت اْمسك اْيدها ولا عمرى فكرت اْنى اْتسلى بيها دنا بالعكس كنت صريح من اْول يوم وقولتلها اْنا عايز اْرتبط بيكى ونفسى تكونى شريكت حياتى الجايه بس للاْسف لاقيتها اْنسانه متستهلش حبى ليها وبدون دخول فى تفاصيل الله يسمحها بس مش معنى كده اْنى اْتعقدت لاْ اْنا بالعكس اْستفدت بالتجربه وعرفت اْنى لازم اْتريس واْتقل شويه قبل مبين مشاعرى عشان مفقدش الثقه فى كل البنات اْلى فى الدنيا فى النهايه عايز اْقول لكم خافوا على اْخرتكم لاْن الدنيا لن تبقى لاْحد
ملحوظه
اْنا بعتذر عن اْى لفظ او صيغه لغويه فى موضوعى وبذات فى الاْحاديث والقصص الدينيه انا بس عايز اْوصلكم المعنى اْلى جوايا ويارب اْكون اْتوفقت فى توصيله لكم اْرجوا التعليق والاْفاده بكل شفافيه وبدون مجامله والسلام ختام
اخوكم
محمودالمصرى

السبت، 5 يونيو، 2010

يوم البيئه العالمى


كل عام واْنتم بخير بمناسبة يوم البيئه العالمى اْنا صحيت النهارده الصبح وطبعاَ فتحت الشباك عشان اْشم الهواء النقى وللاْسف لقتنى بشم ريحه اللهم اْحفظنا ريحه معفنه تخلى الواحد يرجع معلش اْنا مش عايز اْخليكوا تقرفوا بس ده الواقع اْلى بقينا فيه زباله فى كل مكان لدرجة اْنى كنت عايز اْبعت لجريدة المصرى اليوم واْقول لهم بدل ما كل يوم تنشروا شكوى لمنطقه معينه من الزباله اْبعتوا اْستغاثه لرئيس الجمهوريه يولع فى البلد اْحسن اْنا مش ببالغ ولا حاجه ده واقع اْنزلوا من بيوتكم وشوفوا المحافظات وبذات الجيزة بعد ما خلصنا من حرق فضلات الخنازير دخلنا على حرق قش الرز ويا سلام على الترع اْلى ماليه مناطق كتير دى مش ترع دى مستنقعات زباله وفضلات ده غير لما تمشى فى الشارع اْشى بمبرز مستعمل وطبعاَ مش محتاج اْوصفلك الريحه واْكياس زباله و ورق مترح الفسيخ والرنجه وطبعاَ اْحنا اْكتر بلد بتعمل دعايه فى الاْعياد بزباله ولو مش مصدقنى روح وشوف جنينة الحيوانات والحديقه الدوليه ده حتى متحف الشمع مش سيبينه فى حاله ده المفروض ناخد من شركات البيبسى والكوكاكولا حق الدعايه الضخمه اْلى اْحنا عملنها من علب الكَنز اْلى مرميه فى الشوارع وطبعاَ لو جيت تساْل اْحنا بنعمل كده ليه هيقولك ده التطور الطبيعى للحاجه السقعه وممكن اْحنا كمان نقابل السياح ونقولهم الزباله خليك قدها اْنا مش عارف اْحنا بنحتفل باليوم ده باْنى وش ياناس حافظوا شويه على البيئه دى النظافه من الاْيمان اْنابيتهيئلى اْننا لو بعتنا كام عربيه من الزباله اْلى عندنا لاْسرائيل هيتهمونا بالحرب الكيميائيه والقزف بالغازات السامه المحرمه دولياَ ده كمان احنا زبالتنا متلقهاش عند حد تانى تلاقى الزبالين اْغنى ناس فى البلد بياخدوا الاْزايز البلاستيك والسيرنجات واْكياس الدم واْكياس الزباله ويسيحوها ويعملوها بودره ويصدروها للصين وهى بقى تقوم بدورها وتعمل منها فوانيس رمضان ولعب مختلفه للاْطفال وسيرنجات جديده تانى واْكياس بنشترى فيها الاْطعمه وطبعاَ تروح تجيب لعبه لاْبنك تلاقيه جاله هبل ومرض وحاجات كتير من اْلى قلبك يحشها وهقولك دليل روح اْمشى فى عزبة الهجانه ولا فى عزبة الصفيح ولا المناطق المشابهه ليها تلاقى اْكياس الفضلات بتترمى عليك واْنت ماشى متعرفش جت منين لو مش مصدق روح جرب وشوف بنفسك المفروض اْننا بلد اْسلاميه بتعرف اْسس النظافه عن اْى حد تانى لاْن دينا علمنا كده المهم مطولش عليكم تصبحوا على هوا نضيف
اخوكم محمود المصرى

الخميس، 3 يونيو، 2010

سفينة الحريه وكوبرى قصر النيل


طبعاَ كل واحد هيساْل نفسه اْيه وجه المقارنه بين الشخص المنتحر من على الكوبرى واْعتداء اْسرائيل على اْسطول الحريه هنسيب ده للاْخر ونتكلم على الجريمه الاْولى وهى الاْستاذ عمرو موسى الذى اْنتحر عشان حبيبته منى وتعالى شوف الحكايه عن قرب الراجل بطبعه غاوى اْنتحار الاْول اْتجوز واحده اْكبر منه بعشر سنين وهو اْصلاَ عنده 32 سنه وده طبعاَ عشان الفلوس ومن الطبيعى اْن يكون ده فى حد ذاته اْنتحار وبعد كده حب يكون ليه وريث يورث الثروة بتاعت مراته الاْولى يعنى بمعنى اْصح هيخدها عظم ويرميها شغته لاْن هى مفيهاش لحم اْصلاَ ومن الطبيعى لاْنه مخدش على التضحيه والمسئوليه عايز يحقق طلاباته باْى وسيله ومش مشكله عنده يجرح شعور الست الكبيره اْلى مضربتوش على اْيده وقالتله تعالى اْتجوزنى والظاهر من كتر حبه فى الاْنتحار كان عايز الناس كلها تبقى زيه بمعنى يروح يتجوز بنت اْصغر منه عشان يخلف منها ويظلمها اْنها تعيش زليله تحت رحمة فلوس الزوجه الاْولى وطبعاَ الولد اْلى هيتولد هو اْكبر واحد هيتظلم مابنهم ومن الطبيعى اْن اْى واحده عاقله هترفض ولكن البيه المحترم اْزاى واحده ترفضه بكل المميزات اْلى هو شايفها فى نفسه وراح طلع فوق الكوبرى والظاهر اْن حد كان واقف قريب منه مشغل عماد عبد الحليم فى اْغنية ليه حظى معاكى يا دنيا كده فصدق نفسه ونسى دينه واْن ما فيش حاجه باقيه لاولد ولا زوجه ولااْم ولا اْب مفيش غير العمل الصالح وراح نط والغريبه اْنه حب يعمل قلق حتى بعد ممات راح كاتب نمرة تليفون البنت وعلقها فى اْول الحبل غاوى رخامه وهنا نخش على الجريمه التانيه وهى اْسطول الحريه اْنا بستغرب الناس زى مايكون عمرهم ما شافوا اْسرائيل بتعمل جرايم زى دى ابداَ نسيتوا محمد الدره الاْعزل اْلى كان معاهوش اْلا كتبه واْبوه الراجل الكبير اْلى لاحول له ولا قوة الظاهر اْنكم عزرتوهم فى دى على اْساس اْنه كان بيحمل سلاح التلميذ واْسرائيل اْعتبرته سلاح محرم دولياَ ولا نسيتوا مدرسة بحيرة البقر ولا لبنان ولا سوريا وكتير اْوى من الجرايم بكل بجاحه جايين دلوقتى بعد اْكتر من تمانين سنه من الجرايم وفيلم البحث عن السلام وتقولوا اْسرائيل زوديتها ياناس فوقوا وقوموا اْعملوا حاجه غير الكلام جاهدوا بكل قوة قبل ما يجى الدور علينا تركيا بتجعجع والكويت اْلى طول عمرها عميله للاْمريكان جايه تقول اْحنا هننسحب من المبادره وزى مقال الريس قبل كده اْحنا بنحارب من اْجل التفاوض اْذاَ وبعد تمانين سنه واْكتر هل لسه فيه تفاوض ولكم التعليق
اْما عن العلاقه مابين الجريمتان فاللاْسف الاْتنين بيصبوا فى مبداْ مفيش فايده الاْثنان معندهمش دين الاْول نسى ربه وياْس من رحمة الله والتانى واْقصد الشعب العربى نسى اْن ربنا قال اْن اليهود مالهومش لاعهد ولادين ولسه بيتفاوضوا يا ناس المسجد الاْقصى واقف على الهوا يا ناس اْنسوا الدنيا وفكروا فى الاْخره واْفتكروا اْن وما الدنيا اْلا متاع الغرور
والسلام ختام واْرجوا التعليق والاْفاده

الجمعة، 28 مايو، 2010

يا ترى شكل نصيبى اْيه


طبعاَ اْنا راجل مؤمن وعارف اْن كل شىْ نصيب لكن ساعات بفكر يا ترى شكلها اْيه اْلى هتكون نصيبى حلوة ولا وحشه عندها اْخلاق ولا هتطلع سوابق واْيه هى مميزتها والسؤال اْلى محيرنى اْكتر ياترى فى واحده نفسها فى واحد بنفس موصفاتى وشكلى وطريقة كلامى وقعدت اْتخيل ياترى فيه اْى واحده معجبه بيا حتى لو من طرف واحد ولا ممكن يكون نصيبى اْنى متجوزش خالص ممكن وليه لاْ الواحد لو فكر شويه فى اْمكنياته ممكن يوصل لشكل مستقبله يعنى مثلاَ واحد بيقبض ميه ولا متين جنيه فى الشهر هل ممكن يتجوز اْو يقدر يكون قد المسئوليه وبذات اْذا كان مصرى سيبكوا بقى من كلام الاْفلام بتاع عش العصفوره يقدينا وريش الفراخ يغطينا وشغل العشش ده عايزين نعيش الواقع محدش بيرمى بنته لواحد مش قادر يكفى نفسه وهديكوا مثال مثلاَ تروح تخطب اْلى بتحبها تلاقى اْبوها ضريبلك الاْبتسامه العريضه ويقولك اْحنا بنشترى راجل ولكن فى شوية طلبات مش كتيره زى الشقه والعفش والذهب وحق المنجد والفرح والئايمه ومش كده وبس ده فيه ناس بتطلب اْنك تمضى على وصل اْمانه على اْساس اْنك هتتجوز تلاجه اْيديال بالقسط ويا سلام لو كان اْهلها من الصعيد يقولك اْحنا ميهمناش الشقه ولا العفش انشالله تعيشوا فى عشه بس عايزين 200 جرام دهب ومصاريف الفرح والماْذون وبرضه يقولك احنا بنشترى راجل وتعالى نبص على الطرف التانى وهى العروسه تلاقيها بتطلب من اْبوها 150 عبايه و50 طقم على اساس انها عمرها ماهتطلب من جوزها هدوم طول العمر ولا الموضه عمرها ماهتتغير لغايت لما تخلى اْبوها يجلوا هبل فى دماغه ويفش غله فى العريس اْلى جاى كلام غير منطقى وطلابات عجيبه تعجز اْى حد ويقولك البنات مش لقين جواز ياناس اْرحموا شويه المهم فى الاْخر اْنى اْستنتجت اْنى مفكرش لا فى موصفات ولا شكل ولا اْى حاجه وحسيت اْن المهم اْننا نفكر نجيب فلوس التلاجه قصدى العروسه اْزاى اْصل هى بقت مساْلة بيع وشراء وسلملى على البتنجان

الجمعة، 21 مايو، 2010

اْن جاله جفاف


كنت قاعد بسمع الموسيقار عبد الوهاب فى اغنية الميه تروى العطشان وفجاْة جت النشره بخبر الاْتيفاقيه ايها بتاعت النيل ودول الحوض وطبعاَ قعدت اْفكر لو اتعملت السدود اْلى عايزين يعملوها هنعمل اْيه وحسيت اْنها مؤامرة على الشعب المصرى ينشفوا النيل والحكومه مش عايزه ترفع معدل الاْجور يعنى حتى لو عايزين نشربها معدنيه مش هنلاقى حقها وتخيلت الوضع والمصريين رافعين الجرادل والجراكن ورايحين على اْثيوبيا واْغندا عشان يجيبوا ميه من هناك وبدل منبقى جمهورية مصر العربيه هنبقى جمهورية عزبة الصفيح المجففه ونرجع لست كريمه ونرفع شعار ان جاله جفاف اديلوه محلول وبعد ما كنا هبة النيل هنبقى هبة الجفاف طب اْيه الحل هل فيكوا حد متخيل مصر بدون نيل وسيبت البيت ونزلت الشارع وروحت الكورنيش وقعدت اْتفرج على النيل يمكن تكون اْخر مره اْشوفه فيها ولقيت واحد مسطول جاى عليا قولت اساْلوا واْمشى على مبداْ خدوا الحكمه من اْفواه المساطيل وقالى حل حلو قوى ممكن نملى مكان الميه سفن اْب اْو كوكاكولا اْو نعمل خزان كبير اْد النيل كده ونفضى فيه اْزايز الميه المعدنيه ولقيت اْن حتى المساطيل مش لقين الحل وقولت اْروح البيت بدل ما يجيلى شلل وشغلت الراديو وللاْسف زى كل مره لقيت الصدمه اْغنية عطشان يا صبايا دلونى على السبيل اْرجوكم دلونى على السبيل والحل اْفيدونى اْفادكم الله والسلام ختام عشان
اْنا رايح اْنام
اخوكم
محمود المصرى

الأربعاء، 12 مايو، 2010

سياسة يهود


هى سياسه من قديم الزمان سياسه فوق مستوى تفكير ناس كتير اْنا بكلمكم عشان يكون عندكم خلفيه عنها وهبداْ كلامى بمثال عندكم الاْهرامات مثلاَ هما بيخلوا الناس تمجد فى حضارة كفرا ويحافظوا على مقتنياتهم ويخلوا سعرها غالى جداَ لدرجه مهوله ويقولك دى اثار اْجدادنا طب معلش عمركم شوفتوا اْى اْحتلال هدد بنسف الهرم او اْبو الهول ليه عشان يقدروا يدخلوا البلد على شكل السياحه بجنسيات مختلفه وينشروا سياستهم من افلام اْباحيه واْغانى هابطه واْيموز والبهائيه والشيعه ودول اْهم عنصر فى سياستهم بس هما طمعوا فى السيطره هما كمان عشان كده قلبوا عليهم وعلى اْيران لاْنهم بقوا خطر عليهم واخيراَ الوهبيه اْلى بيقولوا اْحنا اْهل السلف الصالح وهما لا يفقهوا الاْلف من كوز الذره وتفضل سياستهم بالتدريج لغايت لما ينولوا غردهم وهو السيطره على العالم وتدمير القيم والمبادىء ونشر الوجوديه وتدمير الدين الاْسلامى وده بقى عند اْمه يا اْدهم مش عايز حد يقول عليا اْهبل ولا معنديش درايه فكروا احنا دوله اسلاميه ازاى يبقى اقتصادها قايم على الكوره والخمرا والاثار والسجاير افيدونى ان كنت غلطان وقولولى الصح ايه وقولولى ليه مبنخدش غير التفاهه والهبل يعنى مثلاَ ليه منتعلمش نصنع مكوك فضائى زيهم وليه منتعلمش اْزاى نخلى اْقتصادنا اْحسن منهم مع كل الموارد اْلى موجوده فى البلد وليه منصنعش اْجهزتنا فى بلدنا وليه معندناش خبره فى اْى حاجه ليها اْهميه وهرجع واْقولكم افيدونى لو كنت غلطان فى حاجه والسلام عليكم
اخوكم
محمود المصرى

الخميس، 29 أبريل، 2010

تعليم للكبار فقط


انا صحيت النهارده الصبح والحمد لله كنت فايق على الاْخر بس للاْسف الشيطان لعب فى دماغى وقالى اْتصفح فى الجرايد وطبعاَ يا صباح العكننه لقيت منشيت طويل فى جرنال الوفد بيقول المدرسين فى مصر يمتنعون عن تدريس التربيه الجنسيه وقعدت اْفكر هل ممكن يحصل ده فى بلدنا وتعالوا نتخيل اْذا ده حصل يا ترى طريقة التدريس هتكون اْزاى وياترى شكل الكتب بتاعت المنهج المنيل ده هتكون اْزاى وياترى فى اْمتحان عملى
المهم يا خونا انا زى كل مره سرحت وتنحت وفى الاْخر نمت وحلمت والمره دى مش زى كل مره انا حلمت المره دى اْننا تلميذ فى الثانويه العامه وطبعاَ فى اْول السنه بنروح نستلم الكتب ولقيت فى وسط الكتب كتاب غريب عليه صوره لواحده حرانه ومن كتر الحر قلعت كل شىْ وكان مكتوب عليه التربيه الجنسيه للصف الاْول الثانوى تاْليف الاْستاذه الخبره شارون ستون ولكم ان تتخيلوا المنهج منهج البعض قال عليه منهج طرى والبعض الاْخر قال ده منهج سيكو سيكو المهم روحنا خدنا الجدول ولقينا اْن عندنا اْربع حصص تربيه جنسيه وطبعاَ كلهم يوم الخميس
وجاء اليوم الموعود اْول حصه فى هذا المنهج الاْبليسى دخل علينا شاب حليوه والمفروض اْنه معاه دكتوراه فى عالم قلت الاْدب وقال لنا النهارده اول درس فى المنهج وبيتكلم عن البوس وعلى غفله راح شادد احدى الزميلات وراح بيسها وقال ده اْول نوع فى البوس وهو البوس اْلى على غفله ولكم اْن تتخيلوا مدى اللهفه عند الشباب لحصة العملى وللاْسف مش هقدر اْشرح اْكتر من كده عشان الرقابه ولكن الصراحه المنهج ده كان ليه مفعول السحر فى زيادة عدد الاْصحاب الى بيذكروا مع بعض وجينا للنص التانى من المنهج وهو الخاص بالنصف الاْسفل من الاْنسان وهنا اْنا صحيت والحمد لله قبل ما تبقى ماليطه وقعدت اْساْل نفسى يا ترى الاْمتحانات شكلها كان هيبقى اْزاى وايه الادوات اْلى هنخدها معانا بلاش كده طب المراجعة النهائية هتبقى اْزاى
وهنا انا رميت الجرنال ده وقولت اْعوذ بالله من الاْخبار اْلى تسد النفس دى على الصبح ومسكت جرنال تانى وهو جرنال الفجر قولت يمكن المعارضه فيها الرماء ولسه بفتح اْول صفحه لقيت خبر بيقول طلاب كلية البنات يطالبون باْن تكون الكليه مختلطه وهنا اْنا اْغمى عليا
الحقونىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىى

الاثنين، 26 أبريل، 2010

اْنا عا يش ليه


اْنا عايش ليه مستحمل كل ده ليه
طب وانا عايش كده ليه حزين محتار كده ليه
انا نفسى اكون انسان اعيش حيوان عشان ايه
انا نفسى اكون واكون واتحدى كل الكون
وممكن اعيش مجنون واعيشها عاقل ليه
اعيش حياه متلخبطه بس من غير مرمطه
حياه جميله مكحرته مفيهاش باشا ولا بيه
حياه من غير لحمه غاليه واْزمة اْنبوبة بتوجاز
نفسى اعيش فى شقه واسعه فيها ميه ونور وغاز
اْتجوز واْجيب عيال عبقريه عيال جميله وميه ميه
نفسى اْختار مين اْكرهه ومين اْحبه
مين اْطلع معاه ندل ومين اْقف جنبه وعشان اْيه
واْقف جنبه مقابل اْيه
وفى النهايه اْنا بساْل نفسى
اْنا عايش ليه
اخوكم الشاعر المجهول
محمود المصرى

الخميس، 22 أبريل، 2010

كبش فداء


كل الناس بتتكلم عن محمد البرادعى زى ميكون عندهم خبره سياسيه كبيره قوى لكن الحقيقه اْنهم ميعرفوش ان اْلى بيرشحوا البرادعى بيرشحوه عشان يحققوا طموحهم السياسيه سواء كانوا اخوان مسلمين او بعض الكلمنجيه زى حركة كفايه وبتوع 6 ابريل والاْخوان المسيحين وى وى وناس كتير لكن الحقيقه ان الناس دى عايزه كبش فداء يشيل الطين عنهم ينفخوا فيه ويسيطوه عشان يقدروا يعملوا التعديلات الدستوريه براحتهم وهما بعيد الراجل بقى يتشتم يتبهدل واْذا حصل وبقى رئيس الجمهوريه هيعملوا كل الى فى وسعهم عشان يخلوه يسيب المنصب ده وغالباَ بحجة انه مش على وفاق مع طموح الشعب المصرى انا بقول احنا نطلب التعديل من غير وسيط بصوت واحد ونشيل الاْحزاب ونعمل اْنتخاب لكل منصب فى البلد وزير غفير اْى حد يكون من اْختيارنا نبقى بنى اْدمين بجد مش لازم راعى غنم يجرنا بعصاه نفتح المجال لكل واحد عايز يخدم البلد نعمل منظومه كامله تطور البلد من جديد نحط الراجل المناسب فى المكان المناسب مش يبقى وزير تربيه وتعليم دكتور اطفال ولا نشوف يوسف والى تانى حاولوا تتصرفوا صح مره واحده فى حياتكم مش كل واحد يطلع يقولى البرادعى البرادعى وهو ميعرفش يعنى ايه نشرة الاْخبار المفروض اْلى فاهم يفهم اْلى مش فاهم الشباب اْلى عايز يخدم البلد صح ينزل يفهم الناس ويديهم خلفيه عن كل حاجه خاصة بسياسة البلد عشان لما يختار حد يمثله يختار حد ميندمش على اختياره بعد كده حتى ولو كان البرادعى ده بقى عامل زى كوكاكولا هى التطور الطبيعى للحاجه السقعه وهو التطور الطبيعى لرئيس الجمهوريه واخيراَ ادعوا الله ان يرحم كل مصرى من الحركات والمعارضه زات الميول الخاصه الى عايزين يخربوها وياكلوها قولوا اْمين
ملحوظه
اْعتقد ان البرادعى مش هينجح يكون كبش الفدا اْلى هما عايزنوا عشان الكبش غلى قوى ده الجملى باْربعين جنيه فما بالك بالضانى كان غيركم اْشطر

السبت، 17 أبريل، 2010

اللحمه سنة 2030


قعدت اْفكر يا ترى اْيه اْلى هيحصل للحمه فى المستقبل بعد الغلاء الى جرالها سرحت شويه وقعدت اتخيل مثلاَ لو وصلنا لسنة الفين وتلاتين اللحمه هتبقى بكام هنلقيها ولا لاْ ونعست وانا قاعد وحلمت والايام دى انا بحلم كتير قوى المهم حلمت ان انا فى سنة 2030 ورحت اشترى كيلو لحمه والغريب اْنى ملقيتش ولا محل جزاره فى المنطقه لابتاعتى ولا المناطق الى حولينا ورحت اساْل واحد كان واقف قريب منى لو سمحت فين اقرب محل جزارة هنا قالى انت مجنون انت مش خايف حد يسمعك قولتله ليه هو انا بدور على مخدرات قالى يا عم المخدرات ماليه السوبر ماركت لكن انت بتدور على شىْ محرم دولياَ قولتله شكلك مجنون وعايز تهزر قالى اْنت مش مصدقنى طب اْنا كنت عايز اْدارى عليك بس اْنت اْلى اْجبرتنى على كده يا شويش يا حكومه وفجاْة لقيت عسكرى دخليه جاى عليا وبيقول فى اْيه اْلى حصل يا اْخينا راح الراجل التانى قاله الراجل ده عايز يشترى لحمه قالى العسكرى يا نهار ابوك اسود انت عايز ممنوعات قولتله ياعم انت بتقول ايه ممنوعات ايه الى بتقول عليهاانا بقولك عايز لحمه مش بانجو قالى انت كمان بتنكت قدامى على القسم ولقيت نفسى رايح على القسم قال ايه بتهمت انى عايز لحمه وجه الظابط وقال للعسكرى ماله ده يا عسكرى على الصبح قاله يا فندم اْحنا مسكنا المجرم ده وهو بيدور على لحمه قالى الظابط اْنت ليلة اْهلك سوده لحمه وكنت عايز اْد اْيه انشاء الله قولتله من باب السخريه طبعاَ اْنا كنت عايز كيلو قالى وكمان اْتجار انت هتروح فى ابو نكله ولقيته بيتصل بتليفون وبيقول اْيوا يا فندم احنا قبضنا على اْحدى اْفراد العصابه اْلى بتاجر فى الممنوعات المحرمه دولياَ وهنحوله على النيابه قولتله خلاص بقى ياعم كفايه هزار مش اْنتوا الكاميرا الخفيه قالى خفيه دنا هخفى اسمك من الحياه انت بتهزر معايا ولقيت قفا نازل عليا وصوت بيقول رد على الباشا عدل قالى انت من حقك حاجه واحده بس وهى المحامى ولقيت الموضوع بجد وقولت ما بدهاش بقى قولتله اْنا عايز محامى العيله قالى عيله ماشى ياروح ماما هنجبهولك وجه المحامى بتاعنا وكان اسمه عبد الحفيظ وقعد مع الظابط ولقيت الظابط بيعزم عليه بيسجاره والغريب ان السيجاره مكنتش عديه دى كانت خابور حشيش ولقيته بيقوله معلش اصل انا بحب اشد كوكاين قاله وماله ونادى على العسكرى وقاله روح بسرعه هات لنا تذكرتين كوكاين من فرع كارفور الى جنبنا وتعالى هوا وبعد ساعتين من الشد المتواصل جالى المحامى وقالى اْنت موقفك صعب جداَ فى القضيه لاْنك اْعترفت انك عايز اللحمه قولتله طب العمل دلوقتى ايه قالى ممكن نطلعك منها بس تساعدنى اساعدك فى ايه قالى انت فى المحكمه تقول اْن اْنت كنت عايز تشترى حتة لحمه مش كيلو وبكده تبقى تعاطى مش اْتجار قولتله ياعم انتوا بتهزروا محكمة ايه الى انت بتقول عليها انتوا مجانين وفى المحكمة وطبعاَ المحامى سابنى لاْن المفروض اْنى مرضتش اْساعده وجه وقت مرافعة النيابه وطبعاَ زى كل الاْفلام اْلى بنشوفها كان بيطالب باْقصى العقوبه ونادى القاضى الدفاع لقيت مجموعه من المحامين من كل انحاء العالم قايمين وتقدم المصرى طبعاَ وقال اْحنا ميشرفناش اْننا ندافع عن واحد عايز يدمر شبابنا ويخليه ياكل لحمه ونحن نطالب بعقوبة الاْعدام على كل تجار اللحوم والدهون دا ناقص كمان يدخلولنا الفراخ ماهى بقت ميغه ارجوكم اْغيثونا اْغيثونا والله الموفق لكى الله يا مصر لكى الله يا مصر ونادى الحاجب الحكم بعد المداوله ولقيت مجموعه من الصحافين بيساْلونى انت تتوقع ايه الحكم ولقيت نفسى بقول لهم امشوا بعيد يا ولاد تيييييت وجه وقت الحكم حكمت المحكمه حضوريان على المتهم بلاْعدام شنقاَ فى ميدان عام ليكون عبره لمن يعتبر وهنا اْنا صحيت من النوم واْنا ماسك رقبتى وبقول معقول ده ممكن يحصل اللحمه تبقى ممنوعات والمخدرات تبقى مباحه ياعالم احكموا وليكم التعليق

الأربعاء، 14 أبريل، 2010

حلم مش طبيعى


كنت قاعد مع واحد صاحبى بنتكلم فى اْحدى المواضيع اليومية فالكلام خدنا لموضوع المرتبات والاْجور واْن المرتب مبيكفيش كيلو لبن واتنين جنيه عيش فى اليوم فقال لى اْعلى شويه فى اْوراق المصاريف بتاعت الشركه واْحط الباقى فى جيبى قولتله دى تبقى فلوس حرام قالى هو انت كل حاجه تدخل فيها الدين وسابنى ومشى قعدت اْفكر هو ينفع الحياه تمشى من غير منهج وطبعاَ الدين هو منهج الحياة المهم رواحت البيت ونمت ودخلت فى حلم هوحلم غريب حلمت اْن الدنيا ماشيه من غير قيود ولا شروط ولا حتى دين ولا مبادىْ ولقيت الناس شغاله بطريقه غريبه ستات ورجاله من غير هدوم ومشين فى الشارع عادى جداَ ولا حد بيتعرض ليهم وطبعاَ فى الحلم برده روحت الشغل وشوفت حاجات تشيب الصراف فى يوم القبض يقبض الناس ويغفلهم ويسرق من كل ظرف شويه ولقيت المرتب بتاعى ناقص قولت ايه ده انت حرامى قالى يعنى ايه حرامى انا عايز فلوس عشان اْجيب لاب توب جديد عجبنى قولتله تقوم تسرق زمايلك مش تستاْذن منهم الاْول قالى يعنى اْيه اْستاْذن شكلك مجنون وبتقول كلام اْول مره اْسمعه وقام وسابنى وخرج بره وحاسسنى اْن انا اْهبل قولت اروح اْقعد فى مكتبى افكر فى ايه اْلى بيحصل هى الناس اْتجننيت ولا انا اْلى اْتجننت فى طريقى قولت اروح الحمام لقيت واحد زميلى خارج وبعد كده لقيت واحده زميلتى برده خارجه من نفس الحمام ولقيت واحد زميلى قاعد بره بيخلى باله من اْلى رايح ومن اْلى جاى قولتله انت كده عارف انت اْيه قالى قصدك اْيه قولتله انت كده قرنى ولامواْخذه قالى يعنى ايه قورنى انت بتجيب الكلام ده منين دنت نكته انا بخلى بالى يمكن يحتاج حاجه فوط مثلاَ حد يبدل معاه لو تعب وسابنى ومشى وهو بيغنى انا قورنى هيه انا قورنى وساعتها جالى تخلف عاقلى ايه ده الناس جرالها ايه فين القيم والمبادىْ والدين رواحت البيت لقيت اْبويا بيتفرج على افلام مش ولا بد وماسك اْخويا الصغير وبيقوله اْتفرج يا حبيبى علشان تطلع راجل وعندك خبره ولقيت اْمى بتقوله يخليك لينا يا اْبو حمدى وميحرمناش منك اْبداَ قولت اْطنش هى جات على البيت ماهى خربت قولت لها عايز الغدا لقيتها جيبالى شوية اْطباق فيهم حاجات غريبه رجل حمار ولحمة خنزير وخمرا طبعاْ متتخيلش الترجيع اْلى حصل ليا نزلت الشارع وانا بكلم نفسى وبقول انا بقيت اْهبل انا بقيت اْهبل وفجاْه صحيت من النوم على صوت الاْذان وقولت الحمد لله وصليت وروحت الشغل وانا بفكر فى الحلم ودخلت مكتبى وقعدت وجالى زميلى وقالى هاه فكرت فى الى قولتهولك قولتله يعنى اْيه فكرت انت بتجيب الكلام ده منين يا راجل
يا ناس كل حاجه فى الدنيا اساسها الدين ومينفعش نعيش كده سبهلله من غير منهج ولا دين دى تبقى ميغه

السبت، 10 أبريل، 2010

زمن اْبو الليف


وانا قاعد فى البيت قولت نفسى اسمع حبة اْغانى من بتوع اليومين دول وربنا يسمحنى على الجريمة دى شغلت التلفزيون على اْحدى قنوات الاْغانى ولقيت المفاجاْة شخص مبيعرفش طريق الحمام ده اصلاَ عمره مستحمه ومن الواضح انه كان عايش جوه كهف لغايت لما يجى زمن يقدر يقرفنا فيه ويطلع علينا الطفح بتاعه والمصيبه اْن اْسمه اْبو الليف اْظاهر انه كان مسيطر على الليف اْلى فى مصر كله ومخلى الناس مش عارفه تستحمى وانا الصارحه خايف الشباب تقلده وتلبس خيش زيه ونرجع تانى لعصر المانكايند او رجل الكهف وتعال اسمع وشوف الكلام اْلى بيغنيه بنى ادم بيناقد نفسه يقولك انا بغنى من تانية اْبتدائى من قبل تامر ومحمد حماقى يعنى كل الفتره دى ولسه محسش انه صوته وحش روحت قاعد على النت وقولت اشوف باقى الترجيع الى بيغنيه لقيته بيقول انا مش خرنج انا كنج كونج واضح والله اعلم انه بيعمل عملية اْحياء لنظرية الاْنسان كان اْصله قرد يا ناس ارحمونا دحنا لسه بنحاول نفوق من الاخ شيكو وبعرور والست هيفاء تجبولنا واحد عنده وباء
ملحوظه
اْبعد عنه لاْن وضح ان عنده جرب

الجمعة، 2 أبريل، 2010

ناس كلامها كتير


يا ناس حرام عليكم هيجيلى شلل رباعى من كتر النفاق الناس عماله تنافق وتحك لما خلتنى هبولق واْستفرغ من الى بيقولوه الف سلامه يا ريس حمد له على سلامتك يا ريس دحنا ملاناش غيرك يا ريس كل من هب ودب بيتكلم وبيهنى السياسى والفنان وبتاع الفول كمان
تعالوا شوفوا معايا اْنا من ساعت ماصحيت من النوم فى اليوم اْلى وصل فيه الريس حتى الان وانا بسمع التهانى والتحيات ده حتى كمان التبرعات اْنزل الشارع اْجيب فطار اْلاقى بتاع الفول معلق لوحه مكتوب فيها الفول ملهوش طعم وانت مش وسطنا ياريس الفلافل والبطاطس بتشر بدل الدموع زيت ياريس حتى بتاع الطرشى كاتب طرشجى الحريه بيهنىء الاْمه الاسلاميه برجوع السيد الرئيس الى ارض الوطن وبيقول كيس طرشى هديه فئة جنيه مجاناَ لكل مواطن بمناسبة وصوله بسلامه وتعال اتفرج على البرامج كل برنامج يحصل فيه مداخله تليفونيه يبداْ كلامه بالتهانى حتى لو كان الكلام فى مشكلة الانابيب ده حتى الاْلمان اتعدوا منا وبقوا كل يوم يقرفونا فى عز ما الواحد بيتفرج على فيلم ولا مسلسل يروحوا داخلين باْهم الاْنباء السيد الرئيس بحاله جيده السيد الرئيس دخل الحمام السيد الرئيس فطر طب احنا مالنا ومال ده حتى الريس نفسه زهق منهم وطلع بيان وهو الاول من نوعه بيناشد الناس سيبونى فى حالى بقى
حتى المدونات هى كمان خنقتنا كل مدونه عليها موضوع عن الريس ومرض الريس وشفاء الريس ياناس سيبوا الراجل فى حاله وروحوا شوفوا اْحوال الدنيا فيها اْيه شوفوا الاْقصى بيعملوا فيه ايه شوفوا اْولى القبلتين وثالث الحرمين بيحصل فيه ايه وبلاش رطرطه فى الكلام عن الريس واحمد شوبير ومرتضى منصور احنا زهقنا حراااااااااااااااااااااام

الجمعة، 19 مارس، 2010

حكها تجيب رزقها


انا عارف انك مستغرب من الجمله دى لكن صدقنى ده مبداْ كتير من الناس لاْنك هتلاقى كتير قوى على طول بيقولوا الجمله دى و معنى كلمة يحكها يعنى المحلسه والغنى على الودان النفاق بس بلغة العصر الحديث زى مثلاَ طريها الناس لبعضيها وحاول تجرب مع الناس كده وهتلاقى كل واحد بيقولك حك حك ربك يفك مثلاَ زى عسكرى فى الجيش عايز ينزل اْجازه وهو لسه جاى والمفروض يستنى دوره زى بقيت زمايله لكن تلاقيه من ساعة ما وصل لازق لقائد الوحده بتاعته ونازل زن على ودنه ويحسس القائد ان مصر من غيره هتدمر ولازم ينزل وطبعاَ متنسوش الوسطه الجامده الى وراه وتلاقى العساكر الى معاه بيقلوله خلاص يا عم ارحم دى جابت دم طبعاَ من كتر الحك وهديك مثل تانى مثلاَ زى الموظف المنافق الى نازل مدح فى المدير بتاعه وهو من وراه بيلعن سلسفيل جدوده ولو جه موظف واتكلم على المدير نص كلمه طبعاَ قدام المدير تلاقيه قلب توفيق الدئن ويقوله انت بتغلط فى بطيخ مولانا ويرفع الشعار ويقول يعيش مولانا وبطيخ مولانا وتلاقيه وصل لاْبعد المراكز وواحد تانى نائب فى مجلس الشعب يبقى بيتكلم ومتنرفز قوى عشان اى موضوع فى دايرته وفجاْه يرفع الشعار ويقول انا بشكر الساده المسئولين على جهودهم فى حل المشكله وبوعد الناس ان مشكلتهم هتتحل فى غدون اربعه وعشرين سنه ويهدى التحيه طبعاَ فى نص ساعه الى السيد الرئيس راعى المشاكل فى مصر واْخيراَ وليس باْخر خد دى عندك اعمل اى عمل هتلاقيه بالنيه عايز تبقى بطل حك حكه قويه والسلام ختام وتصبحوا على حكه

الخميس، 4 مارس، 2010

عيش ندل تبات مسطول


عمرك فكرت تكون ندل طبعا لاْ لاْنك كده كده هتنديل مع اى حد من غير متفكر وتعالوا نشوف النظريه دى صحيحه ولا لاْ انا كنت قاعد فى مره على القهوة وسمعت واحد بيقول مقوله عجيبه وهى عيش ندل تبات مستور وقعدت افكر هل ممكن يكون ده صحيح وانا لسه بفكر قولت اروح اساْلوا ايه معنى الى انت بتقوله ده قالى ايه انت بتستغرب ليه انت بتعمل ندل من غير متحس مثلاَ شوف انا كان عندى عربيه كنت بوصل كل يوم اصحابى بيها وفى مره واحد منهم عرض عليا سيجارة بانجو وانا كنت مبشربش الا السيجاره بالعافيه وعلى حظى الاسود نزل صاحبى من العربيه يجيب ورق بفره عشان يلف تانى خبور وجالى امين شرطه ولقانى بشرب الهباب ده ولقيت نفسى بقولوا مساء الخير وبنولوا الخبور اصتباحه قالى يا نهارك اسود انت بتعمل ايه تعالى معايا على القسم وقعدت انادى على صاحبى انه يجى اْبداَ ورحت القسم وهناك انا فقت تماماََ طبعاَمن الخدمه الخمس نجوم اْلى هناك ولقيت نفسى بمضى على محضر تعاطى مواد مخدره قلت لنفسى كان فيه بكتت بانجو بحالها راحت فين واتارى الامين عمل تانى حركة نداله بعد حركة صاحبى طبعاَ بس المره دى مع الحكومه وخدها لنفسه بس انا المستفيد الوحيد لاْن طبعاَ كانت هتبقى قضية اْتجار وبعد كام يوم حبس لقيت نفسى بخترع اعذار لكل اصحابى عشان انا مش ناقص بس المصيبه انى مقدرتش استغنى عن الهباب اْلى اسمه البانجو ده ولقيت النداله مفيده جداَ لاْنها بتخلصك من حاجات كتير قوى وبتعملك دماغ ايه راْيك بقى عندى حق ولا لاْ سيبته وانا فى اعتقادى انه مجنون علشان مش كل واحد يحصله حاجه من النداله وتيجى فى صالحه تبقى حاجه حلوه وانا ماشى معاه افتكرت انى سيبت اصحابى على الكافيه وانا الى عزيمهم وطبعاَ كنت انا اْلى هدفع الحساب ولقيت الوقت اتاْخر فقلت فى عقل بالى احسن برضه دول ناس مفاجيع وهيخربوا بيتى ووقفت وقفه مع نفسى وافتكرت الراجل الى بيحب النداله وابتسمت وقولت فعلاَ عيش ندل تبات مستور وتوفر

الأربعاء، 3 مارس، 2010

الست القاضيه رايحه المحكمه


يا ستات مصر ارجوا انكوا متزعلوش منى عشان انا هقول كلمة حق
انتى نفسك تكونى زى الراجل فى كل حاجه ممكن يحصل مسواه بس مش فى كل حاجه لانك بتفكرى تكونى فى وضع مش ممكن انا بقول مش ممكن تكونى فيه ابدا انتى عايزه تكونى قاضيه فى المحكمه طب ايه رايك لو لو فعلا حصل ده ولقيتى نفسك فى يوم عندك محكمه وعندك ولد رضيع هتخديه معاكى ترضعيه فى القاعه و الحاجب يطلع ويقول الحكم بعد الرضاعه وتقولى حكمت المحكمه بس يا واد حضوريان على المتهم الله يخرب بيت العيال وسنينهايا لهووووى ولو انا مكبرها ايه مش هتتجوزى ولو اتجوزتى مش هتخلفى بلاش ده افرضى فى يوم عندك العذر الشهرى هتعملى ايه هتخليها جلسه سريه ولا هتبتكرى شىءجديد اسمه الجلسه الاولويز شوفى الرسول عليه افضل الصلاة والسلام قال لا يفلح قوما ولوا امرهم لمراءة شوفيلك حاجه تانيه ناطحى فيها مع الراجل ومتخليش الفكر الغربى يقهرك وشوفيلك حلة محشى اعمليها احسن احسن ميبقى داخل عليكى تاجر مخدرات قاتل نص شباب البلد ويعيطلك شويه تقومى مدياله براءه عشان هيصعب عليكى وتقوليله يا عين امك يا خويا متنسيش انك ناقصة عقل ودين ومعنى انك ناقصه عقل مش يعنى مجنونه ولكن بتحكمى على كل حاجه بقلبك قبل عقلك يعنى بالعاطفه وناقصة دين يعنى مبتعرفيش تعوضى الوقت الى بيبقى عندك فيه عذر من صلاه ولا صوم لانك هتيجى فى الشهر المقبل وهيكون نفس الامر
ارجوكى فكرى بعقلك وبدينك اولا يا ام العيال

اْ ضرب فى المتعلم يصبح ناصح


طبعا انت اتعلمت وانا اتعلمت وكل الناس بتحب تتعلم لكن الى بيحصل دلوقتى ده مش تعليم
انا فى يوم ساْلت احدى المدرسين طبعاَ بتوع اليومين دول بذات لقيته ماشى على مبداْ اكسر للتلميذ ضلع يطلعله اربعه وسبعين وقولت اعمل تجربه عمليه واروح اشوف الى بيوصل المدرس للحالة دى لقيت ان العيال عندهم كمية غباء مش موجوده فى الدنيا وعايزين رعايه خاصه بس فى نفس الوقت المدرسين هتلقيهم خريجين تربيه فكريه ولازم تستنتج السلطة الى هتبقى موجوده العيل يفضل يستغبى لغايت لما المدرس الجنان يركبه ويضربه باْى حاجه فى وشه وطبعاَ غباءفى جنان يطلع عبط كتييير ويتخرج التلميذ على المشرحه عشان يتصحح وطبعاَ عشان المدرس حقانى هيدلوا اعمال السنه كامله بس فى حالت اذا فضل ميت طبعاَ مش هيبقى موت واعمال سنه وبعد قرار الساده المسئولين برجوع الضرب فى المدارس ودى طبعاَ من القرارات الى محدش يقدر ينكر انها طورت بشكل كبير فى التعليم واستندوا الى قول الشاعر المجهول اضرب التلميذ على قفاه يطلع شاطر زى باباه وعجبى ولقبت المدرس جانى يقولى انت كده بتعمل حلتبيس للعيال قولتله انت بتقول ايه انا مش فاهم حاجه خالص وفكرنى بالنكته بتاعت الاتنين المساطيل كان الاول بيقول للتانى شايف الحبشتكنات الى فى البلكونه قاله يعنى ايه بلكونه يا عالم ارحمونا بقى شوفوا المدرسين الاْول واْصلحوهم او اْضربوهم اْحسن الموضوع هيتفنجر يوووه شكلى اتعاديت منه معليش قصدى هينفجر فى وشنا ونلاقى عيالنا بدل ما يخدوا شهادة دراسيه هيخدوها علاج على نفقة الدوله ده اذا عرفوا يخدوا دى كمان وشكراَ

الأحد، 28 فبراير، 2010

كلام على الشات


اولا احذر الشات فيه سم قاتل
عارف ليه قلتلك كده عشان اللى انت هاتشوفوا انيل من السم الهارى كمان لان انت بتخش تعمل شات على النت عشان تتعرف على واحده تكون متحرره ممكن انا بقول ممكن تحبها او نفسك تقلد اصحابك وتمشى مع اى واحده وتكون حلوه بس بتستخدم الشات عشان ممكن تكون حاسس انك فيك عيب ولا حاجه قصير بتهته جبان معندكش خبره زيها وبعد كام مراسله تطلب منها انك تقبلها فى اى حته والمعروف ديما انكوا بتتقبلوا تحت ميدان طلعت حرب اصله مشهور قوى بالحاجات دى وتطلب منها انها تحط حاجه مميزه عشان تعرفها ورده حمرا مدليه شكلها مميز او فردة صندل صغيره من ورا يوووه اسف دكها العربيه الكرو وتروح وتلاقى الصدمه الموظه طلعيت مضروبه شكلها عامل زى الفسفوسه المزنوقه فى شراب واحد معفن من تلاتين سنه وتجرى منها فى الشارع وتقول اشمعنى انا بذات حظى كده اوليل مضروبه من عاشات الموظه يا منايل وتعيش وتاخد غيرها

قصيدة ادخل جيشك


ادخل جيشك حقق حلمك وانسى بقى شغل البلوتيكا
واوعى فى يوم ترقد او تزحف اوعى فى يوم تشتغل سيكا
تصحى الصبح لياقه وبعد الظهر كفاحتى بشرفك
قبل الظهر فطار طعميه مين فى بلدنا يقدر قرفك
تقف خدمه سلاح متقاطع وماله يا سيدنا ده شىء من الواقع
لو عدا حد من اهلك هيقول عن وطنك بدافع
ولو خدت التاءجيل بتظيط وبنسمع زغروته بدافع
شهر اتنين وتلاته وعشره ويقولوا ده صايع مش نافع
قاعد لنا فى البيت يتنطط ويقول هعمل ايه فى جوازتى
ويقول يابا ساعدنى فى فرحى ويقول ياما دفعتى حجزتى
فى بلدنا لو حد اتجوز بيقولوا ياه شىء مش معقول
على راى كلامك ياسد احمد شكلنا كده هنقرقش فول
اصل بلدنا شعارها شعار ان غاب قط نلاعب فار
اصل كلامنا كلام موزون نادى لبت تلاقى مليون
كلمه فى همسه وبتنتهى عند الماْذون
ويا اما شقه وعربيه يتلاقى نفسك مطحون
واخد علقه قويه وجامده باْيد الهون
بوص يا صاحبى سيبها لربى وربك رب الكون

من اجلك انت


عارف لما تقوم من النوم الصبح وتلاقى نفسك قدام كابوس اسمه طابور وخلى بالك ان الكلمه دى هتتكرر كتير قوى واول طابور فى اليوم هو طابور الحمام تلاقى كل العيله الكريمه وقفه قدام الحمام وانت مزنوء قوى من اكلة المحشى بتاعت امبارح وتنتهى بيك المعركه ان انت ربنا يسهلهالك وانت قاعد مكانك وبعد كده تخش على طابورالميكروباص تلاقى ناس عايزه تروح التحرير وناس عايزه تروح رمسيس ولان السواق راجل محايد هيوديك ابو العلا اسعاف وطبعا متنساش الاربعه ورا ولو مش عاجبك انزل وتروح الشغل بعد مشى خمسه سته كيلو وانت فى الشغل المدام تقولك الامبوبه خلصت عايزه اخلصلك الطفح وتخش يا معلم على طابور الانابيب ولكن ده عايز استعدادات اخرى 1-شومه مبريه 2-برشام ضد الصدمات اذا ملاقيتش هات طست الخضه 3-رداء ضد النار علشان اذا فرقعت منك وتروح تقف فى الطابور وتلاقى نفسك مش محتاج اى حاجه من الحاجات اللى احنا قلنها لانك مش هتلاقى انابيب اصلاَ ولانك مشجع للتراث القديم هتستعمل البابور وده اذا ملاقيتش ازمه فى الجاز وبعد كده تخش على طابور العيش اللى واصل لاْبو ظبى وكل ده عشان الرغيف المدعم اللى ممكن تحط العشره منه فى جيبك وده لان الحكومه عايزه توفرلك الكيس او القفص تحت شعار احسبها صح تعيشها صح وانت مروح تلاقى بتاع الجرايد بينده ويقول اْقرا الحادثه اسف اْقرا الخبر مؤتمر من اجلك انت بطولة احمد عز الرجال وتلاقى الاعلانات فى كل حته بس ملحوظه هتلاقى اعلان كبيييير قوى بيقول اخى المواطن ان انفلونزا الخنازير والحمه القلاعيه وازمة الانابيب وازمة رغيف العيش وحسبى الله ونعم الوكيل كل ده من اجلك انت