الجمعة، 28 مايو 2010

يا ترى شكل نصيبى اْيه


طبعاَ اْنا راجل مؤمن وعارف اْن كل شىْ نصيب لكن ساعات بفكر يا ترى شكلها اْيه اْلى هتكون نصيبى حلوة ولا وحشه عندها اْخلاق ولا هتطلع سوابق واْيه هى مميزتها والسؤال اْلى محيرنى اْكتر ياترى فى واحده نفسها فى واحد بنفس موصفاتى وشكلى وطريقة كلامى وقعدت اْتخيل ياترى فيه اْى واحده معجبه بيا حتى لو من طرف واحد ولا ممكن يكون نصيبى اْنى متجوزش خالص ممكن وليه لاْ الواحد لو فكر شويه فى اْمكنياته ممكن يوصل لشكل مستقبله يعنى مثلاَ واحد بيقبض ميه ولا متين جنيه فى الشهر هل ممكن يتجوز اْو يقدر يكون قد المسئوليه وبذات اْذا كان مصرى سيبكوا بقى من كلام الاْفلام بتاع عش العصفوره يقدينا وريش الفراخ يغطينا وشغل العشش ده عايزين نعيش الواقع محدش بيرمى بنته لواحد مش قادر يكفى نفسه وهديكوا مثال مثلاَ تروح تخطب اْلى بتحبها تلاقى اْبوها ضريبلك الاْبتسامه العريضه ويقولك اْحنا بنشترى راجل ولكن فى شوية طلبات مش كتيره زى الشقه والعفش والذهب وحق المنجد والفرح والئايمه ومش كده وبس ده فيه ناس بتطلب اْنك تمضى على وصل اْمانه على اْساس اْنك هتتجوز تلاجه اْيديال بالقسط ويا سلام لو كان اْهلها من الصعيد يقولك اْحنا ميهمناش الشقه ولا العفش انشالله تعيشوا فى عشه بس عايزين 200 جرام دهب ومصاريف الفرح والماْذون وبرضه يقولك احنا بنشترى راجل وتعالى نبص على الطرف التانى وهى العروسه تلاقيها بتطلب من اْبوها 150 عبايه و50 طقم على اساس انها عمرها ماهتطلب من جوزها هدوم طول العمر ولا الموضه عمرها ماهتتغير لغايت لما تخلى اْبوها يجلوا هبل فى دماغه ويفش غله فى العريس اْلى جاى كلام غير منطقى وطلابات عجيبه تعجز اْى حد ويقولك البنات مش لقين جواز ياناس اْرحموا شويه المهم فى الاْخر اْنى اْستنتجت اْنى مفكرش لا فى موصفات ولا شكل ولا اْى حاجه وحسيت اْن المهم اْننا نفكر نجيب فلوس التلاجه قصدى العروسه اْزاى اْصل هى بقت مساْلة بيع وشراء وسلملى على البتنجان

هناك 8 تعليقات:

  1. ههههههههههههه

    اديك قولتها سلملي علي البتنجان
    الحقيقة حاجة فعلا تنرفز مطالب عجيبة فعلا
    بس ادعي ربنا يعينك وتلاقي بنت الحلال

    سلام ياحودة

    ردحذف
  2. هههههههههه..بوست جامدأوي ياحوده ..كلامك حقيقي وبيحصل بس لوكانت التلاجه يوووووووه آصدي العروسه تستاهل يبقي مش مشكله لوجيت ع نفسك شويه..سلام

    ردحذف
  3. السلام عليكم

    أخي محمود موضوعك يلمس الواقع فعلا، وله صلة بما يجري في الشارع العربي... لكن هل تظن أنك لن تجد من يطلب أقل من ذلك... ربما تجد فكما هناك من يغالون في مبالغ المهور ويتقلون كاهل الشاب بأشكال من المتطلبات، فهناك من تجده عكس ذلك، قد تقول لي "قليل هم" فعلا لكن هم موجودون وكما تقولون بالعامية "دور حتلائي"

    سلامي لك أيها المصري.
    وشكرا لك على الدعوة

    ردحذف
  4. مش عارف بس معتقدش ان الحياة كلها فلوس وكده
    في جزء ولو بسيط من كلام الأفلام اللي مش عاجبك
    وقدام عيني جوازه تمت بين اتنين بيحبو بعض والأب طلب من العريس انه يدفع اللي يقدر يدفعه وملهوش دعوه بالباقي وفعلا جهز بنته جهاز متكلف جدا وما شاء الله عليهم اللهم لا حسد عايشين حياة جميله
    اللي انا شايفه ان الجواز ده قسمه ونصيب ... ولازم تتعب عشان تاخد نصيبك مش معقوله اول ما تتخرج تلاقي نفسك بتشتغل بـ 2000 جنيه لازم تشقى وتشتغل اكتر من شغلانه وتتبهدل هنا وهنا وبعد كده ترتاح
    عشان كده بفضل ان الشخص يتعب جامد في جامعته وبعد ما يتخرج يتعب شوية صغيريين بس هيرتاح بعد كده جامد
    في النهاية وجهة نظرك تحترم وتمثل واقع عند شباب كتير في مصر

    ردحذف
  5. و انت عايز تتجوز ليه يا محمود !!! D:
    خليك كده احسن

    ردحذف
  6. انا ممنون ليكم جميعاَ بس ليه كلكم بتعلقوا على الجزء
    الاْخير من الموضوع وشكراَ
    اخوكم
    محمود المصرى

    ردحذف
  7. السلام عليكم ورحمة الله وبركاته

    اخي محمود انت تبالغ في هذا الموضوع قليلا يمكن ان يكون هذا الواقع في مجتمعكم المصري حيث ان الشعب المصري 80 مليون اي ان عدده كبير جدا لكن في الدول العربيه الاخرى لا يستحق هذا الموضوع كثيرا للمبالغه لكن يمكن ان يكون هذا واقعكم المصري ونسال الله ان يهدي امة محمد وان يوعون قليلا ولا يفكرون في مثل هذه التفاهات.

    ردحذف
  8. مش مطالب عجيبه ولا حاجه
    دى اقل حاجه علشان يضمن امان مستقبل بنته
    مش الله اعلم ممكن يكون العريس وحش ويبهدلها معاه

    ردحذف