الثلاثاء، 8 يونيو 2010

اْخلاق با لعكس


هو موضوع غريب شويه بس حسيت اْنى لازم اْتكلم عنه وهو اْسلوب المدح و التعبير والاْخلاق الموجوده اليومين دول اْسلوب تحس اْنه حاجه تكسف تبقى عامل اْنجاز ولا اْختراع اْو اْى حاجه كويسه تلاقى الناس لما تيجى تمدحك تقولك الواد ده مخه اْبن كلب عفريت ولا يا سلام لو كنت واد مخلص وكل يوم مع واحده شكل تلاقى الناس بتقول عليك يااا ده واد فاجر ده حتى لو قلت حاجه تضحك تلاقيهم يقولولك الله يخرب بيتك ده اْنت واد فقرى ويا سلام لو دخلت فيلم جديد يبقى الممثل مبدع وعامل دوره على اْكمل وجه وتلاقيهم يقولوا ده جامد كيك والحدق يفهم طبعاَ ده حتى الصباح بتاع ربنا تلاقى الواحد من دول جاى عليك ويحسسك اْنك وحشته ويقولك يا صباح اْلى بتغنى ولا التانى اْلى يقولك صبح تاتا اْتنين فى تلاته وتبقى بتتكلم فى موضوع جد ومهم وتكون محتاج تستشهد بواحد من الواقفين وتقوله طب اْحلف يقولك عند اْم زحلف ده حتى التعبير عن القسى والاْلم اْلى جواك يقولك دحنا بنكح ملح واْحياناَ يقولك بنكح تراب وساعات يقولك اْنا جبت جاز ده حتى الحلفان يقولك روح هات المصحف بدل وحياة المصحف مع العلم باْن الاْتنين غلط لاْن من حلف بغير الله فقد اْشرك ده حتى فى الصلاة تلاقى واحد مثلاَ مش عارف يتوضىْ صح وتلاقى صاحبنا التانى يقوله بعلو صوته ايه ده حرااام وطبعاَ التانى يرد عليه ويقوله اْنت اْيه ياعم المفتى متحل عن دمغنا شويه وتعالى نشوف زمان الحسن والحسين عملوا اْيه وهما لسه اْطفال وشافوا واحد بيتوضىء غلط ذهبوا له وقالوا يا عماه اْلا تحتكم بيننا اْنا اْقول اْنى اْفضل منه فى الوضوء وهو يقول اْنه اْفضل فحكم بالعدل بيننا فعندما شاهدهم قال لهم والله الذى لا اله غيره اْنتم الاْثنان تتوضئان اْفضل منى وهنا فهم الرجل خطئه بكل ذوق وبدون تزمت وتعصب ليه اْحنا مش كده وفين اْخلاق الاْسلام اْلى اْحنا اْتعلمنها ده الواحد تقوله قوم صلى يقولك اْنت هتعملنا فيها شيخ تبقى واقف تتكلم مع الواحد منهم ويسيبك وعنيه وذهنه رايحه على اْجسام وعورات البنات والستات ولا كائنك ليك اْى احترام عنده ده حتى البنات اْلى بتشتغل مش سيبنها فى حالها تبقى تعبانه طول اليوم وطالع عنيها اْلى بتجهز نفسها ولى بتصرف على اْخواتها الصغار واْلى معندهاش اْلا اْمها وعيانه ومحتاجه كل قرش والناس مبترحمش اْلى يقولك دى راجعه من الكباريه واْلى يقولك دى تلاقيها كانت بتتسرمح وعاديك على الكلام اْلى بيتقال ليهم يخلوها ماشيه ورايحه الشغل ويقولوا مصلحه ولامرواحه ولا ماتيجى يا جميل نلف لفه واْلى يقولك اْموت اْنا ويا سلام على النوع التانى اْلى يقولها اْنا معجب بيكى وعايز اْتعرف عليكى يعنى من الاْخر عايز يتسلى بيها وطبعاَ البنت المحترمه بترد عليه وتقوله ده عنوانى روح اْخطبنى وبعدين نتكلم يروح صاحبنا يمشى وقفاه مقمر عيش ويحلف لا ينتقم منها ويروح مطلع عليها سمعه اْنه شافها ماشيه مع كذا وكذا وعشان كده هو اْلى رفضها يااااه قد كده شرف الناس بقى سهل اللعب بيه عاملين زى اْلى راح للرسول عليه اْفضل الصلاة والسلام وقاله اْئذن لى بالزنا فقال له اْترضاه لاْمك اْترضاه لاْختك يا ناس حرام اْن بعض الظن اْثم ارحموا بنات الناس وخليكوا عارفين كما تدين تدان ومش معنى كده اْن كل البنات كويسه فيه برضه اْلى بتبقى عايزه تلعب بمشاعرك وتتسلى بيك وتورى اْصحابها اْنها مفيش واحد يقدر يقاوم جملها وانا نفسى مريت بالتجربه دى ودى كانت اْول واْخر مره لاْنى حبيت الاْنسانه دى واْحترمتها فوق ما تتخيلوا دنا حتى عمرى مفكرت اْمسك اْيدها ولا عمرى فكرت اْنى اْتسلى بيها دنا بالعكس كنت صريح من اْول يوم وقولتلها اْنا عايز اْرتبط بيكى ونفسى تكونى شريكت حياتى الجايه بس للاْسف لاقيتها اْنسانه متستهلش حبى ليها وبدون دخول فى تفاصيل الله يسمحها بس مش معنى كده اْنى اْتعقدت لاْ اْنا بالعكس اْستفدت بالتجربه وعرفت اْنى لازم اْتريس واْتقل شويه قبل مبين مشاعرى عشان مفقدش الثقه فى كل البنات اْلى فى الدنيا فى النهايه عايز اْقول لكم خافوا على اْخرتكم لاْن الدنيا لن تبقى لاْحد
ملحوظه
اْنا بعتذر عن اْى لفظ او صيغه لغويه فى موضوعى وبذات فى الاْحاديث والقصص الدينيه انا بس عايز اْوصلكم المعنى اْلى جوايا ويارب اْكون اْتوفقت فى توصيله لكم اْرجوا التعليق والاْفاده بكل شفافيه وبدون مجامله والسلام ختام
اخوكم
محمودالمصرى

هناك 17 تعليقًا:

  1. في الحقيقة ما كنت بصدد طرحه يعتبر عرضا لواقع عفن، هو كذلك يا أخي، لان ضياع الأخلاق وضياع القيم... يجعل كل واحد يحسب نفسه هو النزيه فقط هو الحاذق وهو العارف، أما غيره فهو لا يملك ذلك...ماذا يعني أن يتكلم أحد عن أعراض الناس وتجد عرضه أخبث.. وكما يقول مثل مغربي:
    "الجمل لا ينظر إلا لحدوة أخيه".
    أما النصيحة فقد صرنا لا نقبلها ومن نصحته فقد سبيته.

    رحم الله عمر ابن الخطاب قال: "رحم الله من اهدى إلي عيوبي".
    أخي شكرا موضوعك، وإلى موضوع أخر إن شاء الله.

    ردحذف
  2. الموضوع الجامدده هعتبره "فضفضة عن اللي جواك يامحمود"وفعلآكل الا اتكلمت عنه بيحصل وبنشوفه ونسمعه وللأسف مش هنقدرنغيره لانه واقع سيء فرض نفسه علينا..أمابالنسبه لموضوع الحب ده فيجب عليك أن تتريث وكل أنسان مش هياخدأكترمن الاربناكتبه ليه وزي مافي بنات هايفه ومش كويسه في بنات محترمين وجدعان .. ربنايوفقك يامحمودوتعزمني ع الفرح/ أوك..سلام

    ردحذف
  3. بجد تسلم يا محمود كلامك بتلقائية كده عبر عن حاجات كتييييير جداً كان نفسي اقولها.
    موضوعك فعلا متميز ومهم

    !,انت مدون ممتاز لكن محتاج بس تظبط التنسيق وشكل التدوينه

    ردحذف
  4. سلمت يمينك
    كلام في الصميم ووقع على جرح قديم (:
    تحياتي

    ردحذف
  5. كلام سليم طبعا .. بس كلامك عندي هو اللى مش سليم ! و في ناس ردت عليك !! شعللت الدنيا انت !!
    تحياتي لك

    ردحذف
  6. موضوع جميل يا صديقي .. إننا نفتقد ثقافة الحوار فى حياتنا وهو ما أثر علينا سلباً في كل المجالات .. وبالنسبة للحب فلا تتعجل يا صديقي فهو آت لا محالة إن شاء الله .. تقبل مرورى.

    ردحذف
  7. روح شوف ردي عليك يامحمود عندشارم .وقوللي رأيك .

    ردحذف
  8. رأيي قولته يامحمود ومش هتنازل عنه ولا هغيره..وده اخركلامي.

    ردحذف
  9. السلام عليكم و رحمة الله و بركاته
    ا / محمود
    ما شاء الله مدونتك لذيذة و مفيدة و بتناقش حاجات مهمة ..
    موضوع أخلاق بالعكس بيركز على آفات اللسان .. البذاءة و فحش القول و الغيبة و بعض آفات القلوب مثل سوء الظن ...
    و لو يعلم كل إنسان أنه مسئول أمام رب العلمين عن كل ما يفوه به و أن كلمة واحدة كما قال سيدنا محمد صلى الله عليه و سلم قد تلقى بالفرد فى النار سبعين خريفا لحاسب الشخص نفسه على الكلمة قبل أن يخرجها ...
    جزاك الله خيرا
    بارك الله فيك
    تحياتى

    ردحذف
  10. ياسيدى هي جات علي دي
    دى بقت لها قواميس دلوقت
    لفاظ دخلت اللغة منين وازاى الله اعلم

    شكرا علي الموضوع

    ردحذف
  11. وكما قال الشاعر جورج وسوف

    كلام الناس لا بيقدم ..ولا ياخر
    كلام الناس ملامه وغيره مش اكتر

    على فكره هاي مصطلحات واساليب الوطن العربي
    يعني وين ما تروح يا محمود صدقني بتلاقي عالم انفايرومنت

    وكلامها كلام قاسي ومعاملتها معاملة قاسيه

    وجورج وسوف بيقول

    لسه الدنيا بخير يا حبيبي لسه الدنيا بخير
    هادا بتخوت علينا مش اكتر

    تحياتي الك

    ردحذف
  12. السلام عليكم ورحمة الله وبركاته

    مدونتك من المدونات التي تم تحويل هذا الواجب إليها ، الرجاء الدخول لهذا الرابط :
    http://thwra48.blogspot.com/2010/06/blog-post_12.html
    بالتوفيق

    ردحذف
  13. السلام عليكم ورحمة الله وبركاته

    اخي محمود اخلاق العرب لا ولم تتغير ولكن هناك بعض الاشخاص الذين يريدون تشويه صورة اخلاق الانسان العربي وساطلب منك ان تكتب مواضيعك باللغة الفصحى لانه بعض من هذا الموضوع لم افهم كلماته مع كل احترامي للهجه المصريه.

    دمت بكل خير

    ردحذف
  14. Iهو المدح بما يشبه الذم يا محمود مش احنا بنقول لما نزرجن فى حاجه " انا بقى دماغى جزمه " يقولها الفردمنا على نفسه فلا عجب ان يقول له الناس الواد ده ابن عفريته ... أو انه مجرم ومالوش حل ...ناهيك عن المدح بالقباحه وهو فى قواميس الشعب مجلدات
    ;ممكن تشيل شخابيط تأكيد الكلمة اللى عندك فى التعليقات عشان احبك وما ازعلشى منك

    ردحذف
  15. عزيزى محمود
    كتبت تعليق قبل كده على الموضوع ده لكن ما وصلش
    عندك حق فى اننا كمجتمع شرقى ومتدين عن غيرنا من المجتعات بنواجهة موجة من الغزو لثقافة حوار متدنية المستوى ....لكن اسمحلى احنا نقدر نتغلب عليهاببساطة باننا نتجاهلهابمعنى اسمحلى تكديسك لكل هذه المواقف والألفاظ جانبك التوفيق فيه فى رأيى ده بيساعد على نشرها أكتر ..كلنا بنسمعها يوميا ..لكن ال بيواجهها هو فقط ال بيتجاهلها وكأنه ما مرتش عليه ...فى النهاية ده رأى شخصى ..
    وتقبل مرورى

    ردحذف
  16. كلامك عين العقل


    ربنا يشافينا وان شاء الله ننصلح

    وبجد الكلام على العالم بقا حاااااااجة سهلة أوي

    ردحذف
  17. كلام جميل جدا وفعلن هذا الي بيحصل اتمنا من الله ان يوفقك

    ردحذف