الجمعة، 25 يونيو 2010

كاس العالم واْزمة جدو


طبعاَ العنوان هيخليكوا تفكروا اْنى هتكلم فى الكوره ومشكلها لاْ اْنا هتكلم عن اْنطباع الناس مع الحياة ومشكلها الناس بمجرد ما اْشتغل كاس العالم وهى نسيت كل حاجه من غلاء واْرتفاع معدل الرواتب وطلعت مصطفى وهبه ونادين واْضراب المحامين ده حتى دول عاملين الاْضراب قدام التلفيزيون وطبعاَ وضعنا الجزائر فى شكل اْسرائيل وقعدنا نشجع اْى فريق يلعب ضدها بكل حماس وطبعاَ منسناش الدعاء لهم بالخساره زى ما يكون دى مش دوله عربيه ونسينا كلام ربنا عندما قال واْعتصموا بحبل الله جميعاَ ولاتفرقوا وكل ده بسبب ماتش كوره تلاقى الموظفين عايزين يروحوا بسرعه ويسيبوا شغلهم ومصالح الناس عشان عايز يروح يلحق الماتش ولاعزاء للغلابه كان ممكن اْعزرهم لو كانت مصر هى اْلى هتلعب ولكن برضه مصالح الناس هى الاْهم
ونيجى للنكته الكبرى اْحدى المحامين ساب كل مشاكل البلد والناس الى عايزه حد يدافع عن حقوقها وراح يرفع قضيه على اللاعب عماد متعب ويقدم طلب لوزارة الدخليه باْسقاط الجنسيه عنه كل ده عشان فى لاعب اْسرائيلى بيلعب فى نفس النادى اْلى هو رايحه وطلع فى اْحدى البرامج وقال هونسى مدرسة بحر البقر واْسطول الحريه والمسجد الاْقصى اْيه يا عم حيلك هو رايح يحارب ولا اْنت عايز تشتهر على قفا اْى حد وفى الاْخر يطلع اْنه كان فى لاعب اْسرائيلى فى النادى البلجيكى ومشى يا عم روح شوف عمال المنيا اْلى بيخدوا اْراضيهم وبيجريفوها عشان يعملوا غابة اْشجار ومحميه طبيعيه روح ودافع عن قوت الناس وزرعهم روح ودافع عن الاْهمال فى اْنقاذ اْرواح الناس فى حريق كوبرى التونسى والسوق اْلى اْتحرق ومال الناس اْلى ضاع حرام عليك متحرقش دمنا
وتيجى اْزمة سى جدو مع اْنى اْهلاوى وفرحان اْنه راح الاْهلى بس ليه كل ده ليه الضجه واْنشغال الراْى العام عن قضايا مهمه زى فلسطين واْسرائيل وذكرى الاْسراء والمعراج اْلى مبقناش بنحتفل بيها اْلا فى خطبة الجمعه فين ناس زمان وحبهم للدين والوطنيه والغيره على اْى شخص عربى زيهم فين الاْخلاق اْلى علمهلنا النبى عليه اْفضل الصلاة والسلام فين المبادىْ اْلى اْتعلمنها من جمال عبد الناصر والسادات والشيخ الشعراوى فين عقول الناس
فى النهايه على راْى المثل لو عايز تدمر اْى نظام دوله وتهده روح واْشعل فيه اْزمة جدو

هناك 16 تعليقًا:

  1. أول مرة اسمع المثل ده..عارف أيه المهم في البوست ده بجدأنك ظهرت عيب خطيرجدآفيناوممكن يكون من غيرماتقصدحتي..أنناسهل ننشغل أوبمعني اصح سهل نتوجه ببساطة لسه في ناس كتيرمحتاجة شوية شغل في عقولهاوتفكيرها.سلام يامحمود.

    ردحذف
  2. يا راجل حرام عليك
    هو فيه عندنا فى مصر ارتفاع فى معدل الرواتب ده كويس انه فيه مرتبات أصلا ..عارفة انها غلطة غير مقصودة ..بس هو طبع المواطن المصرى كده زى ما بيقولوا أحيانا (مع الرايجة )والنظام مرتاح كده مش كل شوية تظهر حاجة جديدة الكل يتشدلها ويتابعها وينسوا فى السكة يطالبوا بحقوقهم ...ايه المطلوب غير كده .....
    والكل مش بياخد فى باله ..اتعود

    ردحذف
  3. عايزين الولايات المتحدة الإسلامية تقوم لازم نودود لبعضنا عشان تقوم ..

    ودود يا ودود .. وَدوِد .. ودوادا .. وَد (بفتح الواو).. وِد .. (بكسر الواو)

    لازم تتودوادو بها (اشتغلوا وسبحوا بها .. صبح وليل .. ليل وصبح .. داخله خارجه .. خارجه داخله) وانشروها.

    ردحذف
  4. الاهتمام بالكرة ما هو إلا هروبا من المشاكل وإن اظهر الشخص المهتم أنه يشجع من أجل الرفاهية .. اني لشخص لم يكفي حاجته الإساسية الإنسانية من أمن وطعام وشراب وملبس ومسكن جيدين أن يهتم بشيء آخر إلا في دول العالم الثالث التي هربت من نار الحكمام الظلمة إلي شيء يستطيعوا أن يخرجوا فيه عصبيتهم القبلية .

    معدش حد بيفكر في الوحدة إلا من رحم ربي .. لا مصر تهتم بأي دولة ولا أي دولة تهتم بمصر كل واحد مخلية جنب داره .. وكل اللي احنا فلحين فيه نفضل نهوهو لما حاجة تحصل ومع أول ماتش كورة نلاقي الناس اللي كانت بتهوهو قاعدة تشجع .

    ربنا يرحمنا

    ردحذف
  5. بالمناسبة خش علي الصفحة الرئيسية لمدونتك اللي هيا " لوحة التحكم للمدونة " ثم اختار
    " إعدادات " ثم
    " تعليقات " ثم
    ضع " لا " أمام " إظهار التحقق من الكلمات للتعليقات؟
    "
    لأن الكود لازم ينكتب عند كل تعليق ودا بيدايق بعض المدونين دي مجرد نصحية .

    ردحذف
  6. هو طبع المصرييين كده

    ما يصدقوا يلاقوا .......... عشان يمشوا فيها

    هيه خربانه خربانه يا محمود

    هتيجى على دى يعنى

    الفرج من عندك يا رب

    ردحذف
  7. نسيت تتكلم عن برامج الطبخ في القنوات المصرية
    حاجة تشرح القلب
    تحياتي

    ردحذف
  8. تعليق ام الخلود شدني

    ردحذف
  9. محمود
    انت لمست حاجات كثييير فى التدوينه دى

    نقول ايه والا ايه

    اى حاجة تتوه الناس عن الاهتمام
    باصلاح واقعهم البائس هو خروج عن النص
    وخروج عن المهم والهام الى توافه الامور

    تحياتى

    ردحذف
  10. السلام عليكم ورحمة الله وبركاته

    كرة القدم جميله جدا ولكن ليس بهذه الطريقه لدرجة اننا نترك قضايانا لتتعقد اكثر ونحن نشاهد كرة القدم.
    يجب ان يكون هناك وعي اكبر عند الناس جميعا.

    موضوع رائع ومهم.
    تقبل مروري.
    تحياتي!

    ردحذف
  11. شوف يا محمود محامى زى دة أصغر من انه يتذكر و على رأيك يعمل فيها راجل كدة ويشد حيلة مدام فى حيل

    و يروح يشوف الناس اللى مش لاقية حقوقها دى

    على فكرة أحنا كدة نمسك فى أى حاجة صغيرة

    و نسيب المهم

    على العموم انا كنت هكتب حاجات تانى بس علشان مصدعكش فى اول زيارة كدة (:(:

    بجد اسلوبك حلو و كلامك جميل و متزن جدا

    ردحذف
  12. نسيت اقولك الشعار بتاع مخمخنى منك جدا (:(:(:

    كدة صح يا صحبى المصرى مصرى

    ردحذف
  13. صحيح ما قلت، هناك أمور ثانوية تشغلنا عن الرئيسية

    ردحذف
  14. مانتا مش واخد بالك
    الشعب المصرى ده اخيب شعب
    اخلا ما فيهم يشجعوا وبس
    وهما مش فاهمين حاجه اصلا
    والكوره واكله عقولهم
    وبيدوا على الهيافه فين ويروحوا لها لحد عندها

    انا ماليش ف الكوره نهائى
    تحياتى

    ردحذف
  15. صديقى وعزيزى و أخي محمود .. لا تعاتبنى على تأخرى فى التعليق على موضوعاتك يا صديقى لأنني لا أحتاج إلى تذكير بتقصيرى .. فأنا أعلم جيداً أنني مقصر مقصر مقصر .. سامحني ياأخي فالله تعالى أعلم بالظروف المحيطة ولكننى اؤكد لك أننى أتابع كل موضوعاتك وإن كنت قد توقفت عن التعليق فأرجو أن تسامحنى .. الموضوع كويس زى كل كتاباتك بس صدقنى كرة القدم فى بلدنا احيانا كتير بتكون متنفث للناس المطحونة والمقهورة والجائعة والعارية والمريضة واللى بتتمنى اى شئ يفرحها .. اى شئ .. حتى لو كان ماتش كورة .. تقبل مرورى

    ردحذف
  16. والله الكوره لعبه مشجعه
    بس مش ناخدها انها اهم مبدأبالحياة
    قبل فتره واحد عنا مات بسكته قلبيه علشان برشلونه خسرت قدام الريال مدريد

    يعني شوف عقول الناس وصلت لوين
    ومعروف ان مصر بلد الكوره العربيه

    ردحذف