الثلاثاء، 22 يونيو، 2010

اْشمعنى


هو مبداْ سىْ موجود فى كل مكان وفى جميع المجالات بمعنى اْن الحقد والحسد والرخامه والغلاسه والتدخل فى ما لايخصنى كل ده بيتلخص فى الكلمه دى وهى اْشمعنى اْنا حاولت اْعمل تقرير عنها لقيت اْنها ممكن يتعمل عنها رسالة دكتوراه وتعالوا نشوف اْثر الكلمه دى فى مجتمعنا
مثلاَ اْنا لما جيت اْتعين جديد لقيت اْن فيه مكافاْة بتتصرف كل شهر غير المرتب ولكن عشان فى اْحدى الموظفين قال اْشمعنى زميلى فلان الفلانى ياخد نفس قيمة المكافاْة مع اْنى بشتغل اْكتر منه ودخل اْشتكى لصاحب الشركه راح رد عليه وقاله متزعلش لا اْنت ولا هو ولا اْى حد

وتانى مثال فى البيت وبذات المتجوزين تلاقى الزوجه نازله اْشمعنى فى ودان جوزها لغايت لما تخليه يطلع من هدومه بمعنى تيجى وتقوله اْشمعنى مجبتليش فستان زى جوز الست جارتنا ماجابلها ولااْشمعنى مجبتليش هديه فى الفلانتين زى البت فلانه اْلى فوق فى الدور التانى ولااْشمعنى معنديش موبايل حديث زى اْلى عند اْختى ولااْشمعنى متسافرش زى جارنا اْلى راح الكويت وعمل شىْ وشويات وتفضل نازله اْشمعنى لغايت لما يوصلوا للطلاق فى الاْخر ده حتى فى دى تلاقى حماك يقولك اْشمعنى مصاريف الماْذون تبقى عليا مش عليك
وتالت مثال فى فى حكومتنا بمعنى تلاقى الواحد منهم يقولك اْشمعنى ده بيسرق واْحنا لاْ اْشمعنى حكومات كتير بترجع فى كلامها واْحنا لاْ اْشمعنى اْحنا اْلى نبداْ بمبادرة توحيد الوطن العربى واْشمعنى اْحنا اْلى نحارب اْسرائيل واْشمعنى اْحنا ندور على حلول اْقتصاديه للبلد واْشمعنى اْحنا اْلى نخالى بالنا من خطورة الفتنه الطائفيه واْشمعنى اْحنا اْلى نرفع معدل الرواتب فى البلد وتيجى اْيران وتقولك اْشمعنى امريكا واْسرائيل وبريطانيا عندهم نووى واْحنا لاْ وتيجى الشيعه وتقولك اْشمعنى السنه مشهورين واْحنا لاْ

ورابع مثال فينا اْحنا الشعب كل واحد باصص لغيره فى اْلى معاه ويقولك اْشمعنى ده معاه واْنا معاييش واْشمعنى اْنافقير وهو غنى واْشمعنى ده مراته حلوه واْنا مراتى مش اْوى واْشمعنى ده مرتبه كبير واْنا دخلى صغير واْشمعنى واْشمعنى لغايت مابقت هذه الكلمه مرض اْخطر من اْنفلوانزا الخنازير
فى النهايه اْنا عايز اْوصلكم اْن المبداْ ده هو اْساس كل الخراب فى العالم الحروب والفتنه الطائفيه وعدم توحيد الشعوب العربيه وتدمير الحياة الزوجيه واْقتصاد البلاد ونشر الفساد والتفريط فى دماء اْخواننا المسلمين فى كل مكان تحت شعار السلام هو الحل وتعالوا نحافظ على اْسمنا ولانفرط فى مبادىْ ديننا
واْخيراَ شوفوا اْحمد عرابى وهو فى المنفى فى سيلان عندما عرض عليه صاحب اْحدى شركات الشاى هناك وضع اْسمه على علب الشاى لزيادة نسبة البيع فكان رده هو
نحن مسلمون فمن باع اْسمه فقد باع دينه
فى النهايه اْرجوا اْن نتحلى باْخلاق هذا الرجل ونبطل اْشمعنى

هناك 13 تعليقًا:

  1. أحنامش في زمن عرابي يامحمودأحنافي زمن البعبع المبارك وعشان كده كل واحدلازم يقول اشمعني حتي لومش مقتنع بيهالأنه جعان وشايف غيره في مؤمن وكنتاكي من الإزازيبقي عايزة يقول إيه غيركده في حاجات كتيربشوفهافي الشارع توجع القلب الناس بقواينامواع الارصفهومش لاقيين مكان من عربيات الأكابر..وست يقلب المواجع بجدالله يخرب بيت الحكومة الالماقالت أشمعني جوعت الشعب..تحياتي ليك

    ردحذف
  2. بعد السلام والمرحبة ..
    المرض دا اصبح مرض مجتمع فعلا .. ولو إن عرابي زودها شوية في رأيي لكن كلمة اشمعنا لو دورنا علي اسبابها تلاقي عدم وجود العدل وتطبيقة علي جميع الناس صغار وكبار رؤساء ومحكومين .. فولد عندهم
    شعور بتميز الغير عنهم .. وانفجار اخلاقي ادي لم سردته سيادتكم في البوست ..
    كلمة اشمعني ناتجة عن ألام خضناها سواء افراد او مجتمعات أو أمم .. لكنها كلمه تدل علي الخواء النفسي وعدم ثقة بالنفس .. نتيجة لتميز الغير مجتهد عن المجتهد لمجرد قربه من صاحب الكرسي .

    تحياتي

    ردحذف
  3. جميل موضوعك يلمس مرضا من أمراض المجتمع، في مصر يقولون اشمعنى، وفي المغرب "أو مال هذاك" وهكذا...

    ردحذف
  4. السلام عليكم ..

    في الحقيقة أنا سألت نفسي السؤال دا قبل كدا وقد حدث معي بالفعل فقلت لنفسي اشمعنى دا الموظف يطلب مني روشة عشان مصلحة عايزاهاوما عنديش غير حل واحد عشان أخلص المعاملة دي ..

    بعدين قلت لنفسي .. لكن في رب العباد وفي يوم الحساب .. وعشم إبليس في الجنة للموظف دا .. والأرزاق على الله.

    بارك الله فيك ووفقك

    ردحذف
  5. انت استرسلت كثيرا فى مفهوم اشمعنى
    بس انا شايف
    لو كان المقصود هو " لماذا"

    فانها كلمة مهمة جدا فى مجتمعات الاستبداد
    التى يسود فيها الفساد وغياب العدل والحرية
    وفى هذه الحالة تبقى كلمة اشمعنى "ايجابية"
    بل ضرورية كنوع من الاستهجان والرفض

    اما جانبها فى حياتنا الاجتماعية
    فربما كان دافعها هو عدم الرضا عن كثير من سلوكياتنا الخاطئة

    بوست جميل وصادق

    تحياتى وتقديرى

    ردحذف
  6. بس اشمعنى انت اتكلمت عن الموضوع ده!!
    حاجة غريبة فعلا

    لك تحياتي بوست روعة

    ردحذف
  7. الجميل محمود
    اسمح لى
    اشمعنا
    شعار مش سيئ مادام بيستهدف تحئيئ العدل
    والعدل مش معناه مساواة العاطل بالباطل
    العدل معناه ضوابط ومرجعية وأسس بصياغة واضحة
    مينفعش يتلاعب ولا يتحايل عليها متلاعب أو متحايل
    تؤصد مينفعش أؤول اشمعنا جمال مبارك؟
    ينفع يامحمود
    كمان ينفع ادعوك لكتابة ترشيد"اشمعنا" وتوجيهها اتجاه عادل
    كل احترامى ومحبتى ياجميل

    ردحذف
  8. بس انا مش معاك المرة دى ياستاذ محمود
    خاصة بالنسبة للحكومات مش عيب ابدا اللي احنا نبص للكويس ونخد منه وبلاش الوحش حتي في العلاقات الانسانية

    اما عن عرابي فطبعا شخصية محترمة
    وفيه كتاب جميل انا عاوزك تقراه اسمه حكايات من دفتر الوطن لصلاح عيس فيه معلومات مهمة عن الثورة العرابية وازاى عرابي صحي الشعب المصري تاني من جديد في وجه الظلم

    محتاجين عرابي تاني وتالت ورابع

    تحياتي

    ردحذف
  9. احنا بنتصرف زى الاطفال بالظبط
    تدوينة روعة

    ردحذف
  10. هتلاقيني دايما موجود ان شاء الله و اسف على التقصير

    ردحذف
  11. افرح يا عم انا جيت اهو

    اشمعنى يعنى حظ
    بصراحه انا ما بحب هالكلمه لانو فيها تمييز
    وكل واحد يرضى بنصيبو
    واوقات بقولها من ناحية الغيره الشديده
    يعني اشمعنى البنت عندها سياره وانا لاء

    تحياتي يا باشا
    مواضيعك فيها لذه فكاهيه

    ردحذف
  12. اشمعنى كلمه تدل على قله الرضا

    ربنا يهدينا بقى

    ردحذف
  13. ربما عدم الرضا بالنصيب والايمان بحصول كل شخص على نصيبه من عطاء الله كاملا..بالاضافة لرغبة الجميع فى الحصول على الحقوق دون الإلتفات لما يتوجب عليهم من واجبات .....ربما هذه هى الأسباب المباشرة لإنتشار هذا المصطلح القبيح شكلا وموضوعا .

    ردحذف