الثلاثاء، 29 يونيو 2010

نفاق من نوع خاص


فعلاَ هو من نوع خاص وهو اْخطر نوع من اْنواع النفاق وهو نفاق النفس بمعنى اْنك تعمل الغلط واْنت بتحاول تقنع نفسك باْنه صح مع اْنك متاْكد ميه الميه من اْنه غلط وعشان اْوضح اْكتر خليكوا مصحصحين فى السطور القادمه
مثلاَ تلاقى واحد فى السوبر ماركت بيطلب علبة جبنه وبيشاور على نوع معين وهو النوع المحبب ليه وتلاقيه حريص جداَ على صحته وبيفتش على تاريخ الصلاحيه وفجاْة يلاقي التاريخ منتهى وخدلك بقى تالت ساعات ردح وشتيمه ويقولك حرام عليكوا اْنتوا عايزين تموتونى وتيجى لحظة نفاق النفس بعد ساعات من التهدئه واْرغامه على عدم تبليغ الشرطه اْلى طبعاَ هدد اْنه يجبها تلاقيه يطلب من عامل السوبر ماركت ويقوله اْدينى علبة سجاير زى ما يكون السجاير دى مش سم بيقتله ويعذبه بالبطىْ وصدقونى اْنا عندى ياكل الاْكل الفاسد ويموت على طول اْحسن ميشرب الهبابه دى ويموت ويقتل ناس كتير معاه
وتانى مثال وده مثال ظريف شويه مثلاَ تبقى واقف مع جماعه اْصحابك وتلاقيهم نازلين هزار بالشتيمه والسب ده يقوله اْزيك ياد يا اْبن الكلب والتانى يرد يقوله اْزيك اْنت واْزى اْمك يا اْبن الورمه وفجاْة تاْتى لحظة نفاق النفس وفى وسط الكلام يكونوا بيتكلموا فى حاجه جد وتلاقى واحد منهم قال لتانى اْنت حيوان وتلاقى صحبك ده بقى متغاظ على الاْخر ويتخانىْ ويصرخ ويقوله اْنا حيوان زى مايكون ضربه بالنار وزى ما يكون مش لسه من شويه كان بيسب ليه كل اْفراد العائله الكريمه نفر نفر ويبرر موقفه ويقولك الكلام التانى هزار وخدين على كده مع بعض لكن اْنه يقولى يا حيوان ده لايمكن اْبداَ
اْنا عايز اْقول اْن النسيان صحيح نعمه بس اْن الاْنسان ينسى الصح ويخيل لنفسه الغلط صح مع اْنه عارف ومتاْكد اْنه غلطان ده اْسمه الهروب من الحقيقه وبمعنى اْصح نفاق النفس
لو عايز تثبت لنفسك كلامى راقب نفسك وغيرك هتلاقى ناس لمجرد حب الاْمتلاك للى فى اْيد غيرها بتنافق نفسها باْن الشىْ ده فعلاَ هى فى اْحتياج ليه مع اْنها وثقه تماماَ باْنها لا تحتاجه ولكن النفس اْماره بالسوء وهنا السوْال هل عمر واحد فينا قال اْعوذ بالله من شر نفسى معتقدش ناس كتير
المهم ربنا يرحمنا واْدعوا الله واْقول اللهم اْجعل نفوسنا تاْمرنا بالاْحسان اللهم اْمين

هناك 23 تعليقًا:

  1. لقد قلت قولا جلياً
    نفاق النفس لا يصلح النفس أبدا ..
    فربنا يهدي الجميع ..
    وتحياتي

    ردحذف
  2. السلام عليكم

    اعتذر عن طول غيابى

    عندك حق طبعا فى اللى قلته

    ربنا يهدينا كلنا يا رب

    اكيد هصلح الجزئيه دى عندى

    جزاك الله خيرا

    تحياتى لك محمود

    ردحذف
  3. تصدق هتصدق ياحوده أن شاء الله "اللهم أني أعوذبك من شرنفسي فأنهاأمارة بالسوء"ده دعائي المفضل..أماموضوع الصحاب اللي بيشتموابعض بصراحة دي تصرفات غيرمقبوله وأوفرأزاي واحديقبل أن سيرة حدمن أهله تيجي وبسب كمان دا غلط جدآوأظن أن اللي بيعملواكده هماأصلامش محترمين..سلام ياأخ محمود..موضوع جيد

    ردحذف
  4. بس ده مش نفاق للنفس يا أخ محمود الإنسان ينافق نفسه حينما يتعالى على من حوله او على أحبائه ويعتقد خطأ انه الأفضل وهويعلم جيدا أنه بشر وأنه لا يفوقهم قدرات ...يعنى ببساطة عندما يعتقد فى نفسه مميزات غير موجودة فى الأصل
    ولكنى اسمحلى فى الحالات التى سردتها شايفة انه بيضحك على نفسه ...عذراان كنت ألتزم الموضوعية فى تعليقاتى ...مع تحياتى .

    ردحذف
  5. محمود

    ان تتابع سلسلة القهر فى المجتمع المتخلف
    من البيت الى المدرسة والجامعة الى مكان العمل
    تؤدى الى الشلل الذهنى واختلاط المفاهيم
    ويتعزز الاعتباط والتصلب والتناقض ويفقد العقل مرونته وقدرته على التمييز بين ما هو مهم وما هو تافه
    نحن فى حالة من الانفلات والافلات من سيطرة الوعى والارادة


    لن تأمرك نفسك بالاحسان
    طالما عشت فاقدا لحريتك

    أس البلاء هو الاستبداد السياسى وما يتبعه
    من سلوكيات شائنة تنتشر فى المجتمع المقهور
    كانتشار النار فى الهشيم

    اللهم ساعدنا لاصلاح حالنا
    اللهم آمين
    تحياتى وتقديرى

    ردحذف
  6. اْشكركم جميعاَ ولكم كل التقدير ولكن ليه تعليق على كلام الاخت الفاضله زهرة الصبار انتى بتتكلمى عن التكبر والغرور والتعالى وده مش نفاق دى صفات سيئه زكرها الله سبحانه وتعالى زى نفاق النفس وتذكرى كلام الله سبحانه وتعالى عندما قال اْن النفس اْماره بالسوءوده بيبقى طبع زى بالضبط فى سورة الناس كلمة من الجنة والناس اْرجوا تركزى فى اْول مثال للموضوع وهتعرفى الفرق بين التكبر ونفاق النفس
    وتحياتى لكى ولكم جميعاَ
    اخوكم
    محمود المصرى

    ردحذف
  7. معلش كان لازم اْوضح اْكتر معنى من الجنة والناس يعنى ربنا بيعرفنا اْن زى ما فيه شيطان جن فيه شيطان الاْنس وده السبب الرئيسى فى نفاق النفس بمعنى اْن الواحد نفسه بتاْمره بالسوء وبتخيله اْن ده شىْ كويس يعنى الراجل بتاع السوبر ماركت كان بيتخانىْ ويزعق عشان كان خايف على حياته من الاْكل الفاسد وفى نفس الوقت بيطلب شىْ هيضره ويقتله بالبطىْ من غير ما يحس لاْن نفسه مصوراله اْن ده مش شىْ مضر يعنى بينافق نفسه قبل ماينافق اى حد
    تحياتى

    ردحذف
  8. أنا لم أقصد بلفظ التعالى الغرور أو التكبر وأنما قصدت الاستعلاء بمعنى أن يعطى الفرد نفسه الحق فى وصف نفسه بصفه هى غايبة عنه جدا وهأستخدم مثالك الأول الشخص الحريص على الالتزام بالمواصفات الصحية للمنتجات حفاظا على صحته ..وهو يهلكها بشكل آخر عن طريق التدخين ..اذا هنا صفة الحرص على نعمة الصحة وتقديرها لا وجود لها لديه وممكن يكون كل المحيطين به هم الآخرين غير حريصين عليها ولكنه نفى الصفة دى عنه استعلاءا عليهم ..ثم أن الانسان ينافق شخص حينما تكون له مصلحة معه ...ولا إيه
    أما من ناحية النفس الأمارة بالسوء هى التى تنافق صاحبها ومصلحتها أن تتسلط على عقله وتتحكم فيه وتحركه لتلبية متطلباتها ...هو فعلا سوء تفاهم بس يا رب يكون زال ...مع تحياتى وتقبل مرورى

    ردحذف
  9. السلام عليكم ورحمة الله وبركاته

    تحياتي لك اخي محمود على هذا الموضوع المهم والمتداول بين افراد المجتمع فصحيح يوجد كثير من الناس وهم كثيرون طبعا يعملون كما عمل ذلك الرجل الذي يصرخ لان العلبه تاريخها فائت وهذا ليس جيد وبعد ذلك يذهب وبكل سهوله يشرب السجائر عدوة الانسان.

    بكل صراحه موضوع رائع..
    تقبل مروري...
    تحياتي لك!

    ردحذف
  10. محمود المصرى

    موضوع جميل جدا

    النفاق الذاتى دة حقيقى الحاجة اللى ممكن تحطم نفسك بيها

    بس تقدر تعكس دى بمحاكمتك لنفسك لان بمحكمتك لنفسك هتقدر تكتشف حاجات وحلول لمواقف كتير فى حياتك

    بالتوفيق

    ردحذف
  11. اللهم قنا شر انفسنا
    وصدق الله العظيم
    "أفمن زين له سوء عمله فرآه حسنا"
    تحياتي

    ردحذف
  12. سلام الله عليكم ورحمة منه وبركاته،
    رؤية رائعه لموضوع مهم يا محمود
    نفاق النفس ... شئ موجود فعلاً
    وانا أري كما قال رسولنا الكريم
    عن أبي هريرة -رضي الله عنه- قال: قال رسول الله صلى الله عليه وعلى آله وسلم: آية المنافق ثلاث؛ إذا حدث كذب، وإذا وعد أخلف، وإذا اؤتمن خان متفق عليه، ولهما من حديث عبد الله بن عمرو: وإذا خاصم فجر .

    وزي ما انت وضحت عن نفاق النفس اعتقد ان الحديث ينطبق عالنفس ايضاً فأحياناً نكذب على انفسنا ونصدق كذبتنا وبنوعد النفس بردو وممكن ما نوفيش
    وربنا ائتمنا على روحنا وجسدنا وبالمعاصي بنخون الأمانه
    طبعاً مش الكل بس ياريت فعلاً ناخد بالنا لا نكون منافقين لانفسنا ولا غيرنا
    وربنا ادانا الحل .. بحساب النفس
    سلام

    ردحذف
  13. كل دا لاننا
    عادى
    فى حياتنا
    بنعمل حجات كتيييير
    والنفاق والحجات اللى زيها
    بيطلعوا من الانسان
    لانوا نقدر نقول محسش ان ربنا شايفه

    وبجد لو عرفنا ربنا صح
    كنا راعينا نفسنا
    من امراض المجتمع الغبية
    ولو كل واحد فينا حس بس على الاقل
    ان ربنا شايفه فى كل حاجة بيعملها
    مكناش شفنا الامثلة دى

    ردحذف
  14. يعني الصوره بتمثلي واحد عدو انفصام بالشخصيه

    بس خليني اقلك على اشي
    هلاء انا وصحباتي بنقول لبعض
    وينك يا هبله زمان ما شفناكي بتصير تقلي
    انتي الهبله الى ما بتتصلي علي ولا بتسألي عني
    طبعا من باب المزح

    مره كنت زعلانه وبدي حد يطيب خاطري
    قمت قلت لصحباتي مشكلتي وردت على صحبتي بتقلي انتي الهبله الى ما بتعرفي تتصرفي
    يومها انفجرت عليها واتزاعلنا مع بعض

    يعني يا محمود اوقات بتحس نفسك تمزح
    بس وقت الجد ولما تكون في امس الحاجه
    لسماع كلمه حنينه العالم ما بتفهمك وبتصير ماخده الوضع انو مزح

    ردحذف
  15. اللهم أمين
    وقنا شر أنفسنا
    تقديري

    ردحذف
  16. اللهم امين
    النفاق ده اكتر حاجه بكرهها جدا
    مش بحب الشخص اللي بوشين
    شويه تلقاه بيتكلم تمام واقل كلمه ممكن تغي اسلوب حياته

    احسن لينا اننا نبعد عنهم ونتجنبهم تماما

    بس بجد موضوع لذيذ جدا

    ياريت تنور مدونتي المتواضعه

    ردحذف
  17. اللهم أأأمين

    لا بجد موضوع جميل يامصرى
    واضحكتنى

    بس انا قلتها
    انى خايفه من نفسى على نفسى

    لان زى ما قلت النفس أماره بالسوء

    حلو فيك انك بتنقل الاحداث الحقيقه اللى الشعب عايش فيها فعلا

    تحياتى يامصرى

    ردحذف
  18. اللهم آمين

    النفس صنم يعبده الكثيرون، وما أصعب كل ما يأتي من تلك النفس الأمارة بالسوء، وهي مع الشيطان يمثلان حلف مشترك على العبد يزيننان له كل عمل خاطئ..
    اللهم قنا شر أنفسنا و زكها أنت خير من زكاها.

    ردحذف
  19. انااحب الشيسخ محمودالمصرى ف ى الله

    ردحذف
  20. انا امل ادعى ليا ان ربنا يهدينى احقق احلامى

    ردحذف
  21. يا شىخ محمود المصر ى انا بتابع حضرضك علىقناة الناس اامنتك امانة تدعى للحاجة امينة الغوابى على الهواء مباشر ا وتخلى الناس يامنوا وراك ان ربنا يشفيها ويبارك فى عمرها اميييييييييييييييييييين

    ردحذف
  22. ياناس اتقوا اللة ومتظلموا حد اسوء حاجة فى الدنىا الظلم

    ردحذف
  23. اللهم اجمعنا مع تارسول صلى الله علية وسلم ومع احبائنا اللهم لا تجعل احد من نسلنا ف ى النار اللهم اهدنم فى من هديسد عافنا فى من ةعافيت اللهم حبب الينا الايمان وكرة الينا الكفر و العصيان............................امل

    ردحذف