السبت، 5 يونيو 2010

يوم البيئه العالمى


كل عام واْنتم بخير بمناسبة يوم البيئه العالمى اْنا صحيت النهارده الصبح وطبعاَ فتحت الشباك عشان اْشم الهواء النقى وللاْسف لقتنى بشم ريحه اللهم اْحفظنا ريحه معفنه تخلى الواحد يرجع معلش اْنا مش عايز اْخليكوا تقرفوا بس ده الواقع اْلى بقينا فيه زباله فى كل مكان لدرجة اْنى كنت عايز اْبعت لجريدة المصرى اليوم واْقول لهم بدل ما كل يوم تنشروا شكوى لمنطقه معينه من الزباله اْبعتوا اْستغاثه لرئيس الجمهوريه يولع فى البلد اْحسن اْنا مش ببالغ ولا حاجه ده واقع اْنزلوا من بيوتكم وشوفوا المحافظات وبذات الجيزة بعد ما خلصنا من حرق فضلات الخنازير دخلنا على حرق قش الرز ويا سلام على الترع اْلى ماليه مناطق كتير دى مش ترع دى مستنقعات زباله وفضلات ده غير لما تمشى فى الشارع اْشى بمبرز مستعمل وطبعاَ مش محتاج اْوصفلك الريحه واْكياس زباله و ورق مترح الفسيخ والرنجه وطبعاَ اْحنا اْكتر بلد بتعمل دعايه فى الاْعياد بزباله ولو مش مصدقنى روح وشوف جنينة الحيوانات والحديقه الدوليه ده حتى متحف الشمع مش سيبينه فى حاله ده المفروض ناخد من شركات البيبسى والكوكاكولا حق الدعايه الضخمه اْلى اْحنا عملنها من علب الكَنز اْلى مرميه فى الشوارع وطبعاَ لو جيت تساْل اْحنا بنعمل كده ليه هيقولك ده التطور الطبيعى للحاجه السقعه وممكن اْحنا كمان نقابل السياح ونقولهم الزباله خليك قدها اْنا مش عارف اْحنا بنحتفل باليوم ده باْنى وش ياناس حافظوا شويه على البيئه دى النظافه من الاْيمان اْنابيتهيئلى اْننا لو بعتنا كام عربيه من الزباله اْلى عندنا لاْسرائيل هيتهمونا بالحرب الكيميائيه والقزف بالغازات السامه المحرمه دولياَ ده كمان احنا زبالتنا متلقهاش عند حد تانى تلاقى الزبالين اْغنى ناس فى البلد بياخدوا الاْزايز البلاستيك والسيرنجات واْكياس الدم واْكياس الزباله ويسيحوها ويعملوها بودره ويصدروها للصين وهى بقى تقوم بدورها وتعمل منها فوانيس رمضان ولعب مختلفه للاْطفال وسيرنجات جديده تانى واْكياس بنشترى فيها الاْطعمه وطبعاَ تروح تجيب لعبه لاْبنك تلاقيه جاله هبل ومرض وحاجات كتير من اْلى قلبك يحشها وهقولك دليل روح اْمشى فى عزبة الهجانه ولا فى عزبة الصفيح ولا المناطق المشابهه ليها تلاقى اْكياس الفضلات بتترمى عليك واْنت ماشى متعرفش جت منين لو مش مصدق روح جرب وشوف بنفسك المفروض اْننا بلد اْسلاميه بتعرف اْسس النظافه عن اْى حد تانى لاْن دينا علمنا كده المهم مطولش عليكم تصبحوا على هوا نضيف
اخوكم محمود المصرى

هناك 9 تعليقات:

  1. موضوعاتك يا محمود والله تلمس الواقع المر الذي يحياه أبناء هذا الوطن العربي، وموضوعك هذا أشد ألم...
    نرفع أحيانا شعارات لا علاقة لها بالواقع إطلاقا... هناك من ينظف بيته ويرمي أزباله في الشارع وكأن هذا الشارع ليس جزء لا يتجزء من بيته الكبير ومن بيئته.
    أما الأسوار فكلما أَمر بجانب حائط أو سور إلا وروائح الحمض البولي تزكم أنفي وعندما ألتفت أجد مكتوبا على الحائط "ممنوع البول" والغريب أن أي حائط وجدت فيه هذه العبارة إلا وهو أكبر حائط تنبعث منه الرائحة.

    شكرا لك أخي المصري، ولك التحية.

    ردحذف
  2. عارف يامحمود/فكرتني بأغنيه فتحت الشباك فجأه لاقيت الذباله فجأه تعبت من المفاجأه ولعوافي حتيتي.هههههههههه.متهيالي يامحمودإنناظلمه هي فين الذباله دي دي حكومة "نظيف " أستعانت بشركات أجنبيه متخصصه للحدمن انتشارالذباله في البلدوبرضه مش في فايده..تصدق..

    ردحذف
  3. ههههههههههههههههههههههههههههههههههه

    وما مصر الا ان اصبحت مزبلة كبيييييييييييييييرة

    بصراحة الزبالة زادت عن حدها

    ردحذف
  4. انا بشكركم جميعاَ وبذات الاْخت افروديت حموده ولك جزيل الشكر يا اخى حسام الدين وانت ايضاَ يا اعز صديق
    يا اخى هيثم اشكركم على حسن متابعتكم والقاكم بعد الفاصل
    اخوكم
    محمود المصرى

    ردحذف
  5. يبنى حرام عليك

    سديت نفسى ، لغاية ما نفسى طفحت على الاخر

    ردحذف
  6. ازيك يا محمود
    تحياتى
    يا محمود يا ابنى دا فشل عام فى كل مناحى الحياه .. اشمعنى الزباله يعنى .. الفشل يعم كل شيئ .. اخر خبر سمعته انهم حيعملوا انابيب البوتجاز على بطاقات التموين .. شفت الخيبه التقيله .. انبوبة البوتجاز مش عارفين نفرقها على الناس . . يبقى الاحسن بقى ان اكوام الزباله نفرقها على الناس وكل واحد ياخد كوم زباله يروحه عنده فى الشقه وعليه كمان كوم زباله هديه.
    تعرف تقول لى يا محمود احنا فلحنا فى ايه .. والله كل حاجه وكل موضوع فشل فى فشل .
    تحياتى

    ردحذف
  7. سلامو عليكو

    مصر بقت منزل للزباله
    ايه رأيك يا محمود نشيل النسر اللى فى علم مصر ونحط مكانه كوم زباله
    اهى تبقى حاجه معبره اكتر
    نسر ايه وبتاع ايه

    هيه الزباله ولن نرضى بديلا عنها

    احنا نغير اسم يوم البيئه فى مصر ونخليه يوم الزباله

    هو ده التحضر ولا بلاش
    حاجه بجد تكسف

    بس قولى عمرك ما رميت زباله فى الشارع؟

    ههههههههههههه

    ان رغايه صح؟

    تقبل مرورى

    تحياتى لك

    ردحذف
  8. مصر ملهاش دعوة بلى بتقولوه دا
    اللى جواها هما السبب اظاهر بقيت عادة وعدوة كل يوم الضبح ينزل الواحد منهم معهاه حجم عائلى فى ايده ويرميه جنب بيتهم طب فى حته تانية لا لازم جنب بيتنا وتبقى بقى عربية الحكومة تيجى تاخدها والناس دى مينفعش معاها كلام والا الله يرحم الى يتكلم معاهم

    ردحذف
  9. ههههههههههههه انا صار معي حالة اغماء من الضحك
    وانا بقرأ والله كلامك بدخل الدماغ
    والتطور الطبيعي للحاجه الساقعه

    انت عارف مصر بلد سياحيه
    وزي ما بتقول في زبلاله
    وما تخاف احنا زيكو
    بس مش اي مكان بفلسطين لاء وشو احنا بلد غير سياحي

    مثلا لو رحت للقدس ورميت ورقة مصاصه بالشارع العام
    بخلافوك عليها 500 جنيه ويمكن اكتر
    وقاونين بتقرف والله

    انا ما بحب ارمي اي شيء بالشارع
    ولو بدي ارمي وما لقيت زباله بحط بشنتتي


    مدونتك حلوه واسلوبها كتير بجنن
    وتحياتي يا معلم

    ردحذف