الجمعة، 16 يوليو، 2010

اْنا عارف


هو اْسلوب مختصر فى كلمتين هما اْنا عارف بمعنى الواحد يبقى ميعرفش حاجه ويقول اْنا عارف متعرفش بقى هو بيحس باْحراج لعدم المعرفه ولا تكبر وتعالى على الناس ولا اْحساس بالنقص ولا ثقه زيادة
بمعنى مثلاَ تلاقى واحد ماشى فى الشارع ويجى عندك ويساْلك على عنوان هو مش عارفه واْول ما تقوله عارف العماره اْلى على اْول الشارع يقولك اْه عارفها ويسيبك قبل متخلص كلامك من غير حتى كلمة شكراَ وثوانى وتلاقيه راجع تانى ويقولك طب هى يمين ولا شمال فوق ولا تحت طب الدور الكام ويحاول يفرض عليك اْسلوبه ويخليك تتحلى بيه بمعنى اْنك تقوله على حاجه اْنت اْصلاَ متعرفهاش وفى النهايه يقولك اْصل انا عارف بس ناسى ويفضل يضغط عليك لغايت لما تخدوا من اْيدوا وتوديه لغايت العنوان المطلوب
ومثال تانى تلاقى واحد قاعد بيحكى فى سيرة واحد تانى يعرفه مع اْصحابه وفجاْة تلاقى صحبنا اْبو العريف يقولك اْه دنا عارفه ويختلق قصص وحواديت عنه والمصيبه اْنه بيصدق نفسه ويبنى خمسين قصه تانيه على اْساس القصه اْلى هو اْصلاَ مؤلفها
وخد مثال تالت تبقى بتتكلم فى حاجه تخص الدين يعنى مثلاَ تبقى قاعد فى وسط جماعه بتتكلموا مثلاَ فى ياترى اْبو الرسول عليه الصلاة والسلام هيدخل النار ولا الجنه تقوم تقوله الله اْعلم يقوم اْبو العريف ويقولك اْنت مسمعتش حديث النبى *(اْبى واْباك فى النار )* تقوله الحديث ده ممكن نرده لاْنه بيخالف النص القراْنى لاْن الله سبحانه وتعالى قال *(وما كنابمعذبين حتى نبعث رسولاَ)* وقال فى سورة يس بسم الله الرحمن الرحيم *(لتنذر قوماَ ما اْنذر اْباؤهم فهم غفلون)* صدق الله العظيم وهنا تلاقى صحبنا اْبو العريف يقوم وقبل الشرح اْلى اْنا قولته ويقولك حرام تقوله طب حرام ليه يقولك اْهو حرام وخلاص المهم اْنه ينتقدك وخلاص بدون معرفه ولاخلفيه عن اْى شىْ
فى النهايه اْنا عايز اْقول مش عيب اْن اْحنا نقول منعرفش وهاستند فى كلامى ده لحديث النبى صلى الله عليه وسلم (من قال لااْعلم فقد اْفتى)صدق رسول الله صدقونى الضرر هنا بيبقى على الشخص نفسه مش على غيره وبس بمعنى اْنه كده هيخسر كل اْلى حواليه حتى اْهله وناسه بسبب الخسائر الفاضحه الكتير اْلى هتحصل ده غير الاْحراج ومش اْى اْحراج ده قمة الاْحراج والكسوف اْلى ممكن الواحد يجيلوا سكته قلبيه بسببه
فى الاْخر ربنا يرحمنا ويرزقنا بالمعرفه الحسنه قولوا اْمين

هناك 12 تعليقًا:

  1. أستاذ محمود بعد السلام والتحية هيا مش تكبر علي قد ما مهيا احراج المشكل إنك أصل لو قلت مش عارف هتريح اللي قدامك كتير مثلا مثال اللي بيسأل علي طريق تلاقي احيانا المسئول يبدأ يشرح له طريق هوا أصلا ميعرفوش كل دا عشان محرج من عدم المعرفة .. والحكاية حصلت لي مرة في القاهرة خلاني الراجل بدل ما أمشي للطريق مشيت عكسه يعني كنت ببعد المشكل اللي كان معايا الوالدة .. لحد ما لقينا راجل عجوز دلنا .. بس الصراحة فيه ناس كتير واحنا ماشين سألنها وقالت

    " مش عارفين "

    تحياتي .

    ردحذف
  2. محمود شوف يا صديقى

    فى ناس بتحس انها لو قالت معرفش تقليل منها لكن دة اهون من ان ادى معلومة ممكن تأذى او تضلل حد

    كلمة معرفش اهون كتير صدقنى

    دى وجهة نظرى معرفش ممكن تحتمل الصواب و تحتمل الخطأ

    و بالنسبة للأشخاص اللذين يسألون و هم مصممون على ان تعطيهم الأجابة التى ترضيهم و لا ترضيك
    انا بعرف اتعامل مع دول كل واحد بحالته
    تنجز معه

    دمت بخير دائما

    ردحذف
  3. تصحيح(وما نحن بمعذبين حتى ناْتى برسول)
    "وماكنا معذبين حتى نبعث رسولا"
    تقبل تحياتي

    ردحذف
  4. بص انا معاك تقريبا في كل اللي قلته
    بس بختلف في نقطة ابو النبي
    لان الاجماع انه مات علي الكفر
    اما بالنسبة للنصيحة فهي واجبة في حالة العلم بالشئ
    يعني مش نفتي في موضوع و احنا مش عارفينه لمجرد الظهور بشكل حلو
    شكرا ليك
    و ربنا ينفع بينا
    تقبل مروري

    ردحذف
  5. زي ما ذكرت في موضوعك من قال لا اعلم فقد افتي

    ومع ذلك فيه ناس بتفتي

    لكن يعني برده حضرتك ذكرت موضوع ابو سيدنا محمد صلي الله عليه وسلم هيدخل الجنه ولا لاء المفروض قبلها تبقي عند درايه كامله بالموضوع لانه هو مات علي الكفر وهيدخل النار وارجع لكت السيره وانت هتعرف اكتر

    تقبل مداخلتي

    ردحذف
  6. محمود
    انت بتلمس حاجات واقعية فعلا ...
    بس اللى لفت نظرى اكثر هو الذين يتحدثون فى الدين ؟

    هو الدين دا لازمته ايه
    مش مصلحة العباد

    طيب فين مصلحة العباد لما يقعدوا يتكلموا فى حاجات
    زى اللى ذكرته ...هو والد الرسول عليه الصلاة والسلام لو دخل الجنة والا النار حتفرق معانا فى ايه؟؟؟ والمسألة دى (الجنة والنار) هو امر يخصنا او هو امر موكول لصاحبه سبحانه وتعالى ، نحن من نقرر يدخل الجنة او النار ام الذى يقرر هو الله

    الدين هو اللى يحض على العمل واعمار هذه الحياة بكل ما هو خير للانام ، الدين ليس الانشغال بالقشور والسفسطة والشكليات وتوافه الامور ، ولن يفيدنا حوقلة او لحية او جلبابا حتى نصبح متحدثين فى الدين وباسم الدين

    اما ابو العريف فما هى الا شخصية نفسية مريضة
    هاربة من عالم القهر والكبت الى براح الادعاء
    والبطولات الزائفة

    تحياتى وتقديرى

    ردحذف
  7. مش عيب أن الواحديقول مش عارف أبدآ بس أفتكر أن العيب والحرام مان أننا نفتي بغير علم ده بيبقي ذنب كبير جدآ... بوست واقعي تسلم يامحمود

    ردحذف
  8. احبائى شكراَ لكم على تعليقاتكم الجميله ولكن لى توضيح اْنا لم اْنكر وجود حديث النبى (اْبى واْباك فى النار)ولكن ربنا قال( اْساْلوا اْهل الذكراْن كنتم لاتعلمون)واْنا ساْلت ودرست وتحاورت مع شيوخ كتير من الاْزهر سيبكوا بقى من شيوخ الفضائيات والى بيقولوا على نفسهم اْهل سلف صالح اْبحثوا هتلاقوا اْن من الممكن رد حديث النبى حتى لو فى الصحيحين مدام مخالف للنص القراْنى واْبحثوا فى اْنواع الاْحاديث وشوفوا واْنا وضحت بالنص القراْنى وجود الاْختلاف يعنى ربنا يقول مش هنعذب واْنتوا تقولوا مات على كفر وهيخش النار
    تحياتى ليكم
    محمود المصرى

    ردحذف
  9. موضوع جميل وهادف

    تقبل مروري

    ردحذف
  10. انا مستنى الرد يا محمود

    ردحذف
  11. كل ما قلته أخي الكريم صحيح للأسف، فهناك من يرى أن عدم معرفته بالشيء يعتبر نقصا، فتتدخل كرامته على الخط فلا يرضى أن يعرف عنه أنه جاهل بالأمر..

    سعيد أني كنت هنا..

    وسأبقى..

    ردحذف
  12. ديه احد صفات الشعب المصري

    تحس ان كل واحد دار افتاء متنقل..للأسف ممكن حد يضللك وانت تكون واثق فيه

    بس انا مش بجد اي مشكلة في قول مش عارفة حتى لو اشك
    وبتجنب تماماااا امور الدين لأني عارفة ان ثقافتي قليلة جدا ومش متعمقة ..

    ردحذف