الأربعاء، 3 مارس، 2010

اْ ضرب فى المتعلم يصبح ناصح


طبعا انت اتعلمت وانا اتعلمت وكل الناس بتحب تتعلم لكن الى بيحصل دلوقتى ده مش تعليم
انا فى يوم ساْلت احدى المدرسين طبعاَ بتوع اليومين دول بذات لقيته ماشى على مبداْ اكسر للتلميذ ضلع يطلعله اربعه وسبعين وقولت اعمل تجربه عمليه واروح اشوف الى بيوصل المدرس للحالة دى لقيت ان العيال عندهم كمية غباء مش موجوده فى الدنيا وعايزين رعايه خاصه بس فى نفس الوقت المدرسين هتلقيهم خريجين تربيه فكريه ولازم تستنتج السلطة الى هتبقى موجوده العيل يفضل يستغبى لغايت لما المدرس الجنان يركبه ويضربه باْى حاجه فى وشه وطبعاَ غباءفى جنان يطلع عبط كتييير ويتخرج التلميذ على المشرحه عشان يتصحح وطبعاَ عشان المدرس حقانى هيدلوا اعمال السنه كامله بس فى حالت اذا فضل ميت طبعاَ مش هيبقى موت واعمال سنه وبعد قرار الساده المسئولين برجوع الضرب فى المدارس ودى طبعاَ من القرارات الى محدش يقدر ينكر انها طورت بشكل كبير فى التعليم واستندوا الى قول الشاعر المجهول اضرب التلميذ على قفاه يطلع شاطر زى باباه وعجبى ولقبت المدرس جانى يقولى انت كده بتعمل حلتبيس للعيال قولتله انت بتقول ايه انا مش فاهم حاجه خالص وفكرنى بالنكته بتاعت الاتنين المساطيل كان الاول بيقول للتانى شايف الحبشتكنات الى فى البلكونه قاله يعنى ايه بلكونه يا عالم ارحمونا بقى شوفوا المدرسين الاْول واْصلحوهم او اْضربوهم اْحسن الموضوع هيتفنجر يوووه شكلى اتعاديت منه معليش قصدى هينفجر فى وشنا ونلاقى عيالنا بدل ما يخدوا شهادة دراسيه هيخدوها علاج على نفقة الدوله ده اذا عرفوا يخدوا دى كمان وشكراَ

هناك تعليق واحد:

  1. فعلاً المشكلة يا محمود في المدرسين نفسهم ...
    مبيعرفوش يسيطرول على التلاميذ في المدرسة + الأهل اللي مش عارفين يربوا ولادهم
    ( أنا آسفة بس دي الحقيقة)
    الولد اللي ميتعلمش يحترم الكبير أياً كان الكبير ده مين ( مدرس او بواب ) هيتضر اللي قدامه يتعامل معاه بنفس تربيته اللي متعود عليها ..
    هي دايرة > الأهل يربوا كويس > الولاد يحترموا المدرس و بالتالي يعملوا اللي بيتقال لهم فميستفزوهوش > مدرس محترم شابف اللي قدامه بني آدمين محترمين و بالتالي هيكون تعامله معاهم على الأساس ده > يطلعوا أهل محترمين يربوا ولادهم على الاحترام ....... الخ

    ردحذف