الأحد، 28 فبراير، 2010

من اجلك انت


عارف لما تقوم من النوم الصبح وتلاقى نفسك قدام كابوس اسمه طابور وخلى بالك ان الكلمه دى هتتكرر كتير قوى واول طابور فى اليوم هو طابور الحمام تلاقى كل العيله الكريمه وقفه قدام الحمام وانت مزنوء قوى من اكلة المحشى بتاعت امبارح وتنتهى بيك المعركه ان انت ربنا يسهلهالك وانت قاعد مكانك وبعد كده تخش على طابورالميكروباص تلاقى ناس عايزه تروح التحرير وناس عايزه تروح رمسيس ولان السواق راجل محايد هيوديك ابو العلا اسعاف وطبعا متنساش الاربعه ورا ولو مش عاجبك انزل وتروح الشغل بعد مشى خمسه سته كيلو وانت فى الشغل المدام تقولك الامبوبه خلصت عايزه اخلصلك الطفح وتخش يا معلم على طابور الانابيب ولكن ده عايز استعدادات اخرى 1-شومه مبريه 2-برشام ضد الصدمات اذا ملاقيتش هات طست الخضه 3-رداء ضد النار علشان اذا فرقعت منك وتروح تقف فى الطابور وتلاقى نفسك مش محتاج اى حاجه من الحاجات اللى احنا قلنها لانك مش هتلاقى انابيب اصلاَ ولانك مشجع للتراث القديم هتستعمل البابور وده اذا ملاقيتش ازمه فى الجاز وبعد كده تخش على طابور العيش اللى واصل لاْبو ظبى وكل ده عشان الرغيف المدعم اللى ممكن تحط العشره منه فى جيبك وده لان الحكومه عايزه توفرلك الكيس او القفص تحت شعار احسبها صح تعيشها صح وانت مروح تلاقى بتاع الجرايد بينده ويقول اْقرا الحادثه اسف اْقرا الخبر مؤتمر من اجلك انت بطولة احمد عز الرجال وتلاقى الاعلانات فى كل حته بس ملحوظه هتلاقى اعلان كبيييير قوى بيقول اخى المواطن ان انفلونزا الخنازير والحمه القلاعيه وازمة الانابيب وازمة رغيف العيش وحسبى الله ونعم الوكيل كل ده من اجلك انت

هناك تعليقان (2):

  1. بسم الله
    اولا الف مبروك المدونة
    ثانيا انت عارف رأيى فى الموضوع
    ومش محتاج اقولك انه عجبنى جدا

    احمد

    ردحذف
  2. بجد اسلوبك حلولانه تلقائي بس نصيحه ابعدعن حيحه(من اجلك انت ياحوده)باي

    ردحذف