الخميس، 22 أبريل، 2010

كبش فداء


كل الناس بتتكلم عن محمد البرادعى زى ميكون عندهم خبره سياسيه كبيره قوى لكن الحقيقه اْنهم ميعرفوش ان اْلى بيرشحوا البرادعى بيرشحوه عشان يحققوا طموحهم السياسيه سواء كانوا اخوان مسلمين او بعض الكلمنجيه زى حركة كفايه وبتوع 6 ابريل والاْخوان المسيحين وى وى وناس كتير لكن الحقيقه ان الناس دى عايزه كبش فداء يشيل الطين عنهم ينفخوا فيه ويسيطوه عشان يقدروا يعملوا التعديلات الدستوريه براحتهم وهما بعيد الراجل بقى يتشتم يتبهدل واْذا حصل وبقى رئيس الجمهوريه هيعملوا كل الى فى وسعهم عشان يخلوه يسيب المنصب ده وغالباَ بحجة انه مش على وفاق مع طموح الشعب المصرى انا بقول احنا نطلب التعديل من غير وسيط بصوت واحد ونشيل الاْحزاب ونعمل اْنتخاب لكل منصب فى البلد وزير غفير اْى حد يكون من اْختيارنا نبقى بنى اْدمين بجد مش لازم راعى غنم يجرنا بعصاه نفتح المجال لكل واحد عايز يخدم البلد نعمل منظومه كامله تطور البلد من جديد نحط الراجل المناسب فى المكان المناسب مش يبقى وزير تربيه وتعليم دكتور اطفال ولا نشوف يوسف والى تانى حاولوا تتصرفوا صح مره واحده فى حياتكم مش كل واحد يطلع يقولى البرادعى البرادعى وهو ميعرفش يعنى ايه نشرة الاْخبار المفروض اْلى فاهم يفهم اْلى مش فاهم الشباب اْلى عايز يخدم البلد صح ينزل يفهم الناس ويديهم خلفيه عن كل حاجه خاصة بسياسة البلد عشان لما يختار حد يمثله يختار حد ميندمش على اختياره بعد كده حتى ولو كان البرادعى ده بقى عامل زى كوكاكولا هى التطور الطبيعى للحاجه السقعه وهو التطور الطبيعى لرئيس الجمهوريه واخيراَ ادعوا الله ان يرحم كل مصرى من الحركات والمعارضه زات الميول الخاصه الى عايزين يخربوها وياكلوها قولوا اْمين
ملحوظه
اْعتقد ان البرادعى مش هينجح يكون كبش الفدا اْلى هما عايزنوا عشان الكبش غلى قوى ده الجملى باْربعين جنيه فما بالك بالضانى كان غيركم اْشطر

هناك تعليقان (2):

  1. من أول ما طلع و انا مش مقتنعة بيه
    بس مبصتلوش على إنه كبش فداء .. حسيت أكتر إن الناس غرقانة و شايفاه عوامة أو فرع شجرة في وسط المحيط
    هو صحيح الخشب بيطفو .. بس فرع إيه ده اللي ينجي 80 مليون !!!

    كتير فعلاً يا محمود محتاجين يفهموا ان البرادعي رمز .. و إذا كان واجب تأييده فهو نأييد التغيير (مع البرادعي أو غيره) مش تأييده لشخصه

    ردحذف
  2. شكرا لكلماتك الطيبة في مدونتي و يشرفني صداقتك

    البرادعي لم تتلوث يداه بفضائح داخلية كثيرة و هو انسان مرموق علميا و حاصل على ارقى جوائز العالم و له خبرة سياسية خارجية عظيمة ..

    نعم هو يفتقر للخبرة الداخلية للوطن و هذه كارثة لكنها مشاكلنا الداخلية لا تخفى على احد .. يكفي ان يسير في الشوارع لمدة اسبوع ليعرف كل شئ ..

    ردحذف