السبت، 6 نوفمبر، 2010

وقفه مصرية


ياناس ياهوه اْنا حاسس انى هيجيلى جنان كل يوم اْفتح التلفزيون اْلاقى اْعلانات وقفه مصرية بتاعت تحديد الخلفه ومن الواضح اْن احنا عمرنا مهنبطل نفاق عايزين الناس تبطل خلفه اْزاى وهما كل يوم بيشوفوا العجب يعنى مثلاَ الراجل يبقى قاعد جنب الست مراته وبيتفرجوا على التلفزيون ويلاقوا الست غادة عبد الرازق ولا هيفاء وهبى ودول طبعاَ اْحسن من خمسين قرص فيجرا لاْ وعاوزين الخلفه تقل طب اْزاى ده حتى فى عز رمضان وطبعاَ كل الناس شافت المسلسل المنشط للغرائز زهرة واْزواجها الخمسة ولا العار وده من اْكتر المسلسلات غيظ تلاقى القنوات بكل بجاحه عاملين اْعلانات بتقول العار فى رمضان بزمة ده كلام يتقال فى الشهر الكريم والى يزيد الطينة بله اْنك ممكن تلاقى اْحدى القنوات جاية وبتقولك بمناسبة عيد الاْضحى المبارك العرض الاْول لفيلم اْحاسيس زى ميكون عيد الهالوين
وهنا اْنا ليا وقفه مصرية بجد طبعاَ كلنا بنشوف اْفلام الرعب والتقطيع وكمان بقى عندنا دلوقتى قناة مصريه مخصصة فيها وهى توب موفيز واْتضح ليا ان احنا المصريين اْكتر ناس بتروح ورا الحاجات دى وطبعاَ عمركم مساْلتوا ليه اْمريكا بتنتج كل كمية الاْفلام دى مع اْنهم مبيجبوش اْيرادات ولاحتى نص تكلفتها والسؤال هنا ليه بيعملوها
واْليكم الجواب طبعاَ مع التعود على رؤية الدم والتقطيع بكل اْنواعها وطبعاَ ده شغل يهود يقدروا يقتلوا الحميه عندنا ونصبح فى حالة برودة غير طبيعية وبكده نشوف الاْطفال والنساء بيتقطعوا فى فلسطين والعراق واْفنغنستان وفى كل مكان واْحنا بنتفرج ولا اْحنا هنا قمة برود الاْعصاب ده طبعاَ غير الاْفلام الاْباحية سواء على الموبيلات ولا على الدش ده حتى الاْفلام المصرية بقت اْنيل من الاْجنبية والله الواحد حتى لو متجوز فردة جذمة بعد ميشوف كل العرى ده هيتسطل ومش هيفوق اْلا بعد العيل العاشر الحل الوحيد نوقف عسكرى فى كل اْوضة نوم بس منصحكوش لاْن واحد صحبى عملها جاب عشرين عيل منهم 12 شبه العسكرى
واْليكم الاْعلان الجديد
لو عايز تحدد الخلفه اْرمى التلفزيون والدش والموبايل من شباك الشرفه
واْخيراَ كل عام واْنتم بخير وعيد اْضحى مبارك عليكم اْنشاء الله
اْخوكم
محمود المصرى

هناك 9 تعليقات:

  1. مش ح ارمى اى حاجة يامحمود

    ههههه

    وكل عيد وانت بخير

    ردحذف
  2. كلامك فيه شئ من المنطق
    أهم حاجة انت عارف ايه هو المنطق؟؟؟
    كل سنة وانت طيب ياعم
    والهي اشوفك السنة الجاية على صعيد عرفات الطاهر

    ردحذف
  3. ياعم كل سنة وانت طيب
    مهما يعملو الكلام يدخل من هنا يخرج من الناحية التانية

    ردحذف
  4. احنا الشعوب الشرقية

    يا عينى علينا والله

    الغرب وكلامه عن العرب

    يخلى الواحد يعيد حساباته من تانى

    بجد عندهم اسلام بلى مسلمين

    واحنا مسلمين بلى اسلام


    وحسبنا الله ونعم الوكيل

    ردحذف
  5. نفسى اعلق
    بس مش ح اعلق

    ردحذف
  6. ههههههههههههههه
    فظيع
    اكيد بالنسبه لموضوع غاده عبد الرازق هى تقريبا سبب من المسببات اياها :D
    موضوع عسكرى فى اوضه النوم صعب شويه
    علشان مفيش عساكر كفايه
    ولا ايه :D

    ردحذف
  7. وكل سنه وانت طيب
    هناكل لحمه من اللى بنسمع عنها قريب

    ردحذف
  8. هههههه
    انت بتجيب الكلام ده منين بصراحة مقدرش أفيدك في الموضوع ده بس فعلآ الناس بقت زي الأرانب والله

    عذرآع تأخرتعليقي كنت مشغولة

    كل سنة وأنت طيب وبخير

    ردحذف
  9. أزيك يامحمود .. فينك

    أنت نسيت المدونة ولا أيه ؟

    منتظرين البوست الجديد ترجع بالسلامة أن شاء الله

    سلام

    ردحذف