السبت، 1 يناير 2011

اْفتح النور


نفسى اْصرخ بصوت مسموع واْقول حرام دم الشهيد
نفسى اْبكى ودمعى يسيل زى الدم من الوريد
قوم يا مسلم يامسيحى اْفتح النور الكبير
نور يغطى كل جرح عميق مرير
اْفتح النور وخالى قلبك كبير ميكونش قطعة من حجر
اْفتح النور وخالى قلبك ياخد من ضوء القمر
حط اْيدك فى ايد اْخوك دى الكرامة شىْ كبير
اْن كنت ريس ولا موظف اْو كان وزير ولا غفير
حط سكينك يا مصرى على رقبة كل خاين اْجير
جاسوس جنوبى ولا غربى اْو حتى مصرى عاطل عويل
وصدقونى ماكنش مصرى ده كلب صهيونى عميل
وده رد فعل طبيعى على كشف جسوسهم الحقير
يقتلوا اْخونا المسيحى ويشعلوا نار الفتيل
قوم يا محمد قوم يا بولا قوم ياجورج يا اْسماعيل
قوموا خالوا جناحكوا واحد وطيروا فوق راس الكلاب
خالوا مخالبكم قوية اْفتحوا نار العذاب
خالوا دمعتكم دى ضحكة وخالوا فرحتهم سراب
اْدفنوا باْيديكم نار الفتنة فى التراب
وانا هقولها بصوت مسموع صوت مفهوش صرخة اْلم
خالوا اْيدكم فى اْيد بلدكم واْرفعوا صوت العلم
صوت طبيعى صوت الفعل مش صوت الكلام
صوت بلدنا بلدنا مصر صوت السلام
والسلام مسك الختام
اْخوكم
محمود المصرى

هناك 3 تعليقات:

  1. جميلة أوي يامحمود أحسن الكلام بيجي نتيجة لفعل أوصدمة

    بجد عجبتني جدآ"بلدنامصرصوت السلام "

    ردحذف
  2. البلد موجوع اوى كل حاجة فيه بتصرخ كفاية حرام .....

    ردحذف
  3. الصراحه كلامك وجعنى اوى
    اصلا انا حزينه جدا لما حدث
    الدنيا مقلوبه عندنا هنا فى اسكندريه والله
    ربنا يعدى الايام الجايه على خير
    هى سنه باينه من اولها
    ربنا على الظالم
    اشكرك على تشريفك لمدونتى المتواضعه

    ردحذف