الثلاثاء، 7 يونيو 2011

رشحـــنى شكـــــراَ


قررت وضربت فى نفوخى اْرشح نفسى لرئاسة الجمهورية وطبعاَ عندى برنامجى اْلى بيشمل حلول سريعة وحلول على المدى الطويل واْليكم البرنامج

الحلول السريعة
ا - هاخد كل البائعين الجائلين من الشوارع وهفتح ليهم مراكز تجارية مولات يعنى بالاْيجار المفتوح وهمولهم بالبضائع وهاخد منهم ضريبة مبيعات خمسة فى المية وطبعاَ المبانى موجودة كتير زى مثلاَ مبنى لابس فى وسط البلد ومبانى كتير فى جميع المحافظات وبكده اْبقى خلصت من البائعين الجائلين ودخلت فلوس للبلد عن طريق الاْيجار وضريبة المبيعات

2 - هاخد سائقين الميكروباص وهحولهم لموظفين وهعمل مشروع ميكروباص النقل العام وبتذكرة موحده بخمسة وسبعين قرش وبالنسبة لمرتبات السائقين هشوف كانت اليومية بتاعته كام وهجمعها فى الشهر بحيث محدش يرفض الشغل وطبعاَ شوفوا الدخل هيكون قد اْية وفى نفس الوقت نخلص من بلطجة معلمين الميكروباص وهندخلهم النقابة الخاصة بيهم بس طبعاَ فى فقة معينة من التذاكر هتكون الضعف زى اْكتوبر والعاشر من رمضان والعبور عشان منعملش مشكلة فى تمويل السيارات دى بسولار والغاز

3 - مشكلة الكافيهات الشعبية الكتيرة والكراسى المنتوره فى الشارع فكرت اْرجع الحياة تانى للشوارع الجانبية واْدخل العربيات تانى منها بحيث نحجم المساحات على اْصحاب القهاوى ومنها نقلل التزاحم فى الشوارع الحيوية

4 - فكرت اْرجع شويش نص الليل تانى بحيث يكون فى عسكرى فى كل شارع من شوارع مصر مسلح بحيث نقلل من السرقات وعمليات السرقة بالاْكراه والتحرش مع زيادة العساكر المسلحة فى المناطق مثل كوبرى الدائر ى وكل كبار ى مصر وعمل نقط طوارىْ فى اْسفل الكبار ى والحدائق العامة زى مثلا َ حديقة الاْزهر والا ْسماك وجزيرة الليمون وحتى حدائق قصر عابدين مع زيادة اْعمدة الاْنارة فى المناطق المطرفة عشان العساكر تشوف طبعاَ

5 - هاخد الرتب المتوسطة من اْول نقيب وهحطهم فى المر اكز القيادية وهطلع القيادات القديمة معاش شكراَ قوى ليهم وبدل وزار ة الدخلية هعمل حاجة اْسمها مجلس قيادة الشرطة الداخلية من الرتب الكبير ة وهتبقى بالاْنتخاب بدل منعمل حبيب العادلى تانى وبكده الشرطة تنزل تانى بصورة كاملة مع العلم باْن اْى ضابط اْو اْمين علية شبهة هقوم برفضه فوراَ وتعين حد مكانه

الحلول طويلة المدى

1 - عندى حل يارب يعجبكم لمشكلة الاْجور بدل منعيش وهم الحد الاْدنى هعمل علاوتين اْجباريتين على القطاعين الخاص والعام 10 فى الميه فى شهر يناير و15 فى الميه فى شهر يوليو بحيث يزيد العامل 25 فى المية كل سنة بشكل رسمى واْجبارى بعيداَ عن جملة حسب المنشئة منتجة ولا غير منتجة لاْن فى ناس بتستغل الجملة دى كتير وخصوصاَ القطاع الخاص مع وضع حد اْدنى 700 جنية للاْجور وحد اْقصى 15 اْلف جنية ومعتقدش فى حد فى مصر بيصرف 15 اْلف جنية كل شهر وبكده نقضى على مشكلة الاْجور والتبزير وعيشوا بقى زى ما كل ناس عايشة مش لازم عربيات اْحدث موديل وفيلا على النيل

2 - عمل مجلس اْعلامى لقيادة المؤسسة الاْعلامية فى مصر مكون من اْستاذة جامعة وعالم دين اْسلامى بحيث نخلص من الكليبات الفاضحة والعرى فى الاْفلام والرقابة على البرامج الدينية والعلمية

3 - هعمل مؤسسة رقابية على الشئون الدستورية فى البلاد بحيث تقوم بفرض الرقابة على المحافظين والوزراء واْعضاء مجلس الشعب وجميع المحليات بحيث اْى مخالفة لنصوص الدستور من اْى مؤسسة يتم محاسبتها فوراَ وبشكل سريع مع القيام بمحاكمة من يثبت علية مخالفة القانون والدستور

4 - عمل مجلس شعب فقط واْلغاء مجلس الشورى وهيكون اْسمة مجلس النواب وهيكون بالنظام الفردى فقط والتخلص من نظام العصابات اْو القائمة

5 - اْلغاء الاْحزاب والعمل بشكل مستقل فى جميع مراكز الدولة واْلى عايز يخدم بلده يخدمها من اْى مكان ولازم لما تمسك مركز تمسكه عشان اْنت تستحقه مش عشان صيت مشاهير حزبك

6 - تبنى المشاريع القومية بالاْشتراك مع القطاع الخاص المصرى فقط مثل مشروع ممر التنمية للدكتور فاروق الباز

7 - عمل مدينة تعلمية وتاْهلية للاْطفال الشوارع تبداْ من محو الاْمية حتى المراحل الثانوية ويتم اْلتحاقهم بالجامعات طبعاَ هيتم ده بعد تاْهيلهم بالتربية الصحيحة الفكرية والدينية مع عمل اْختبارات للغات مع كل مرحلة سنية وتعلمية

8 - عمل مجلس يسمى المجلس الاْعلى للقضاء المصرى ويكون بالاْنتخاب وبكده نضمن اْستقلال القضاء

9 - عمل شرطة تابعه لوزارة البيئة لمراقبة شركات النظافة وعمل مخلفات على من يرمى قمامة فى الشوارع

10 - تعمير سيناء والعمل على رفع الزراعة المصرية وعودتها الى مكانتها وزراعة القطن والقمح وعمل اْكتفاء زاتى من القمح والخضروات والثروة السمكية

11 - اْلغاء خصخصة شركات القطاع العام مثل المياه والكهرباء ودخول الغاز فى كل اْنحاء مصر وقطع الغاز عن اْسرائيل وقطع التعاملات مع كل من اْيران و الدنمارك واْعادة القروض التى اْخذتها الدولة من صندوق النقد الدولى والعمل على توسيع الاْستثمار العربى ما عدا قطر وغلق المكاتب الاْعلامية لكل من البى بى سى والجزيرة ومقاطعة كل من يريد خراب مصر

12 - عمل مجلس رقابى على شركات الاْستثمار الاْجنبى بحيث منلقيش نفسنا بنشتغل مع اْسرائيل تحت اْى ستار وهمى من غير ما نحس

وهنا اْنا صحيت من النوم ولقيت نفسى كنت بحلم بس هل ياترى حلمى صحيح ولا كله غلط و نص نص ولكم الحكم والتعليق

اْخوكم الرئيس
محمود المصرى

هناك 7 تعليقات:

  1. اوووووووووووه
    لا انت ما تسيبش نفسك كده .. شارك اكبر قدر من الناس في افكارك دي :)

    ان شاء الله اللي هنختاره يبعمل مصر جديدة بحق وحقيقي، واحلامك العبقرية دي :) تشوفها بعنيك

    مها ميهوووو

    ردحذف
  2. والله لو كل مرشح عمل زي حضرتك او قصدي سيادتك .. حلول سريعة واخرى طويلة كانت مشاكل البلد اتحلت من زماااااااان ..

    عموما بالتوفيق ان شاء الله .. ربنا معاك في الانتخابات الجاية ..!

    ردحذف
  3. توكل على الله:)

    ردحذف
  4. كلنا ورائك
    تقدم و نحن من خلفك
    ^_^

    ردحذف
  5. شكرا علي مروركم
    وموضوع البرنامج الرئاسي ده مقبول والف مبروك مقدما
    بس ياترى تقدر ترجع الحب والتاسمح والثقه بين الناس
    ياترى ملامحنا المصرية حترجع تاني ويعود الأمن للشارع المصرى ياترى لن تعود الي الأسماع انا هوديك ورا الشمس ,وانت عارف انا إبن مين والدرج المفتوح والواسطه دون النظر للكفائه انه ميراث مثقل بالسلبيات الله يكون في عون آى مسئول يريد الإصلاح لإن حقيقي اللي جاى ده جزء كبير منه بتعنا إحنا كشعب
    تمنياتي بمستقبل مشرق وربنا يديك وتبقي مواطن صالح ذو مكانه عاليه ومحترم

    ردحذف
  6. السلام عليكم
    شكرا على تشريفى بالزيارة
    وآسفة على تأخر زيارتى
    فى الحقيقة برنامج رائع ومفيد فعلا
    لو كده أنا انتخبك من دلوقت وألف مبروك الرئاسة مقدما
    تحياتى

    ردحذف
  7. فين الموضوعااااااااات الجديدة ؟؟؟

    ردحذف