الثلاثاء، 6 يوليو 2010

ليه بنقول ليه


هما تالت حروف ولكن فيهم اْذى بلا حدود كلمه ممكن تخلى الدنيا بحالها تخش جهنم كلمه ملهاش حل وتعالوا نتعرف على اْكبر قضيه من وجهة نظرى بتتعرض ليها كل الدول وبذات العربيه
اْولاَ- الناس بتحاول تهرب من المسئوليه اْلى عليهم وترمى كل الذنب على غيرها بمعنى بسيط تلاقى واحد يقف قدام القطر وتقوله حاسب هيخبطك يقولك سيبها على الله وبعد ما يداغدغ يقول بكل برود ليه كده يارب مع اْن ربنا قال ولا تلقوا باْنفسكم اْلى التهلكه
ثانياَ - الواحد يجراله اْى اْبتلاء من اْفلاس ولا مرض ولا زوجه اْو زوج مش صالحين ولا اْبن عاق ولا حد يموت من اْهله تلاقيه بدل مايذكر ربه يقول ليه كده يارب دنا عمرى ما عملت حاجه وحشه ونسى اْن ربنا قال فى سورة البقره*( لنبلونكم بشىْ من الخوف والجوع ونقص من الاْموال والاْنفس والثمرات وبشر الصبرين الذين اْذا اْصبتهم مصيبة قالوا انا لله وانا اليه راجعون صدق الله العظيم)* ونسى اْن الدنيا لاتبقى لاْحد لاغنى ولافقير لاحزين ولاسعيد نسى اْن كل من عليها فان يقولك اْنا مسلم وعندى اْيمان ليس له حدود وفى الاْخر يقول ليه كده
ثالثاَ - واحد بار بوالديه وعمره معمل اْى شكل من اْشكال العقوق وتمر الاْيام ويتجوز ويخلف ويطلع ليه اْبن عاق ويطلع عينه وبرضه يروح لنفس الكلمه ليه كده يارب دنا عمرى مفتحت عينى فى عين اْمى ولا اْبويا ليه ليه وينسى اْن ربنا قال اْن فى اْولادكم واْزواجكم عدو لكم فاحذروه ونسى اْن بذكر الله تطمئن القلوب وضيع اْيمانه بتالت حروف وهما ليه
رابعاَ - اْسئله ملهاش اْى لازمه فى الحياة تلاقى واحد يقولك ليه شكلى وحش وليه معنديش فلوس وليه الصلاة شكلها كده وليه الستات بتتحجب وليه السما فوق والاْرض تحت وليه وليه وليه
ونسى اْن الاْسلام قائم على مبداْ سمعنا واْطعنا واْن مش كل حاجه ينفع فيها ليه
وهنا اْنا عايز الناس تخلى بالها من نفسها ومن اْيمانها ومن دينها وتعرف اْن الواحد ممكن يكسب مليارات وفى لحظه يموت ومش هياخد حاجه معاه لا مال ولا جاه ولا ولد ولا زوجه مفيش غير العمل الصالح واْرجوا اْن رسالتى تكون وصلت ليكوا بكامل معناها ولكم جزيل الشكر وقولوا الحمد لله الذى لايحمد على مكروه سواه
اْخوكم
محمود المصرى

هناك 15 تعليقًا:

  1. فعلا سؤال مهم جدا يامحمود
    ربنا يعافينا

    تحياتي

    ردحذف
  2. (وَقَالُوا سَمِعْنَا وَأَطَعْنَا غُفْرَانَكَ رَبَّنَا وَإِلَيْكَ الْمَصِيرُ)



    جزاك الله كل الخير يارب

    ردحذف
  3. مع أحترامي الكامل لرأيك يامحمود بس في ناس كتيربترضي..وعندهم قناعه متناهيةوصبر رهيب وفي رأيي دي نعمة من ربنا..جميل أوي انك مركز في بوستاتك الأخيرة علي دواخل الأنسان ونفسه.تحياتي ليك

    ردحذف
  4. أنا هقولك قصة للدكتور شريف عرفة .. بتقول إن نفسنا هيا اللي بتشوف البيئة الخارجية

    يقول دكتور عرفة: كنت في واحة سيوة ويجلس بجواري رجل ودود من بدو هذه الصحراء وقطع الرجل حبل الصمت بيننا قائلا :اريد ان اسالك سوالا يا دكتور
    ما رايك في سيوة ؟؟؟؟

    فكرت قليلا ثم قلت:واحة جميلة هادئة اهلها طيبو القلب ويحبون مساعدة الناس

    ابتسم الرجل قليلا ونظر امامه دون تعليق فسالته:لماذا سالت هذا السؤال ؟

    اجاب البدوي في هدوء :انت طيب القلب وتحب مساعدة الناس

    اشكرك علي هذه المجاملة اللطيفة ولكن قل لي لماذا سالت هذا السؤال؟

    ابتسم ونظر قائلا :سالته لكي اعرف من انت
    لم افهم ما يرمي اليه

    وتابع القصة:
    هناك قصة قديمة اريد ان ارويها لك كي تفهم ما اعني ,,,,,,,,,,كانت هناك قرية صغيرة لم يعرف اهلها التمدن بعد وكانوا يسمعون الاعاجيب عن المدينة وعادتها المختلفةوكانوا يريدون ان يعرفوا حقيقة ما يسمعون عنها طوال الوقت .......

    وفي احد الايام سافر منهم رجلان الي المدينة وغابا فترة ثم عاد احدهما ,,,,,,,

    التفوا حوله وسالوه :
    كيف وجدت المدينة؟
    كيف هم اهلها؟
    وما حقيقة ما كنا نسمعه عنها؟

    واجابهم الرجل بثقة:
    لقد ذهبت بنفسي وعرفت الحقيقة.....الحقيقة هي ان المدينة هي مرتع الفساد وكل اهلها سكيرون لا يدينون بشىء,,,,لقد كرهت المدينة
    عرفوا الناس الحقيقة التي طالما انتظروها وعاد كل واحد الي عمله

    وبعد ها بايام عاد الرجل الثاني :
    لم يهتموا بسؤاله عن رايه الا انهم التفوا حوله حين وجدوا له رايا لم يتوقعوه,,,,,,,,,,,,,

    لقد ذهبت بنفسي وعرفت الحقيقة ....والحقيقة هي ان المدينة مليئة بدور العبادة وكل اهلها متدينون طيبون ,,,,,,,,لقد احببت المدينة

    اصيب الناس بالارتباك هل المدينة جيدة ام سيئة
    هل اهلها طيبون ام اشرار؟

    لم يجدوا مجيبا علي هذا الا حكيم القرية وكان الناس يثقون في رايه .......وكان هو ملاذهم الوحيد
    ذهبوا اليه وسالوه اي منهما تصدق؟

    اجاب الحكيم:
    كلاهما صادق
    وحين راي نظرات الحيرة علي وجوههم استطرد:
    الاول لا اخلاق لديه لذا ذهب الي اقرب حانة حين وصل للمدينة ووجدها ممتلئة
    بينما الثاني متدين صالح ...... لذا ذهب الي المسجد حين وصل للمدينة فوجدها ممتلئة بالناس,,,,

    واضاف:
    من يري الخير فهو لا يري الا ما في داخل نفسه
    و من يري الشر فهو لا يري الا ما في داخل نفسه

    -------------------
    أنا عارف انها بعيدة شوية .. لكن الشخص اللي بيقول ليه بدافع الإنكار أو عدم الرضا أو الغضب أو التبرم من أشياء مكتوبة في الكتاب .. فليهديه الله ... وليرحمه .
    أما احيانا بتكون ليه مهمة .. خصوصاً في مجال العلم .. لأن لولا ليه لما توصل العلماء لذرة من العلم .. فليه حسب المكان اللي بتكون محطوطه فيه زي الراجلين بالضبط اللي راحوا المدينة .

    ردحذف
  5. ليه - يا محمود
    اهم حاجة فى الدنيا
    لان البحث عن الاجابات هو الذى يخلق المعرفة
    وزى كل حاجة
    هناك"ليهات" مالهاش فايدة
    وذاك لا يعنى ان ليه دى وحشه
    بل بالعكس يجب ان نضيف اليها لماذا وكيف ومتى وهل """""""""""""
    انت تقول
    وننسى اْن الاْسلام قائم على مبداْ سمعنا واْطعنا

    والسؤال

    بأى معنى نقول سمعا وطاعة
    هل نقولها لحاكم ظالم ام لاحد وعاظ السلاطين ؟

    واى اسلام تتحدث عنه هل هو اسلام الوهابية ام اسلام بن لادن
    ام اسلام رجب طيب اردوغان ام اسلام الدراويش
    الموضوع يطول نقاشه
    ولكننى احببت ان اؤكد لحضرتك
    اننى مؤمن بالله وبالاسلام
    وايضا مؤمن بكل علامات الاستفهام

    عشان ربنا قال "فتبينوا"
    اما ما ذكرته من امثلة
    فما هى الا تعبير من النماذج التى ذكرتها
    عن عجزهم وقلة حيلتهم وما ذاك الا تعبير عن نفسية الانسان المقهور الذى لا يواجه مصيره الا بالهروب
    والقاء التبعة والمسؤوليه على غيره
    احييك على صدقك وكتابة ما يعتمر فى نفسك وعقلك


    تحياتى وتقديرى

    ردحذف
  6. "الحمد لله عدد خلقه ..الحمد لله زنة عرشه ..الحمد لله مداد كلماته ..كلمة "ليه "ان كان الدافع وراءها عدم الرضابم قدره الله سبحانه وتعالى..فهى كلمة بغيضة مذمومةقد تدفع الإنسان لليأس والقنوت ..ولكن فى بعض الأحيان قد تكون للإنسان عندما يكون الامر بيده دافعا للتغير من حال سيئ الى حال أفضل ..ويلزمها هنا البعض من الإرادة والأستعانة بالله سبحانه وتعالى ..
    ملحوظة :عندما ندخل فى حوارنا بعض من آيات القرآن الكريم يجب وضعها بين أقواس لتكون فى معزل عن باقى الحوار ولابد من عدم الخطأ إملائيا ...مع تحياتى .

    ردحذف
  7. انا بشكركم جميعاَ على اْفادتكم لى بس عايز اْوضح حاجه اْنه سمعنا واْطعنا هى بمعنى مينفعش مثلاَ اْقول ليه الصلاة بسجدتين وركوع واحد وليه مش العكس وليه الصيام فى رمضان مش فى شعبان وليه الزنا حرام فى الاْمثله دى وهى فى اْساسيات الدين مينفعش نقول ليه هى ممكن تتقال فى مساْلة ظلم سياسى وفى قضايا الفساد لكن عند حدود الله مينفعش نقول ليه يارب
    بمعنى له فى ذلك حكم
    وشكراَ لمروركم جميعاَ
    اخوكم
    محمود المصرى

    ردحذف
  8. تحفه يامصرى

    مبدع فى اختيارك للمواضيع بجد

    الحمد لله على كل شيئ

    وجزاك الله خيرا بالتذكره الجميله دى

    خالص تحياتى

    ردحذف
  9. مصرى

    اسمحلى باإنى أكن أعجابى بتعليق MR.PRESIDENT

    جميله اوى القصه

    خالص تحياتى

    ردحذف
  10. الحمد لله يارب علي كل شئ
    بجد انت اكتر من رائع
    فعلا اهم حاجه وهي اللي هتنفع الواحد في الاخره ذكر ربنا والعمل الصالح
    لأن ممكن الواحد في لحظه يضيع ويموت ويلقا نفسه بين ايدين الخالق
    وبيتحاسب
    يبقي ساعتها ايه اللي هينفعه غير عمله
    لأن لا أهل ولا مال ولا أي حاجه هتروح معانا
    كله هيبقي واحنا اللي هنروح
    لازم نصلي وندعي ونقرا قرأن
    ونراعي ربنا في كل خطوه بنخطيها
    علشان ده كله اللي هينفعنا وهيرضي ربنا سبحانه وتعالا

    (لن يصيبنا الا ما كتب الله لنا )

    ردحذف
  11. مصرى

    اولا اسف على التأخير جدا

    ثانيا الموضوع جميل جدا

    لان أكيد حكمت ربنا مش هنقدر نفهمها هى اكبر من انها تتفهم بعقلتا المحدود

    بس الانسان دى طبعته الضعف الأنسان اضعف من انة يستسلم لمشيئة ربنا

    ثالثا قصة الريس جميلة

    رابعا خد القصة دى من عندى بقى هى اتحكتلى برضة (:

    جه واحد عمل زى ما انت بتقول كدة قعد يسئل كيم من الحكماء لية ربنا كذا وكذا وكذا

    بس الحكيم ليه و هما كانوا على الشاطىء و قله طيب احفر حفرة كدة و حاول تنقلى البحر ده فى الحفرة دى

    الشخص ده قاله مش هينفع مش هعرف

    الحكيم قاله برضة حكمة ربنا كدة احنا اصغر من ان احنا نفهمها

    شكرا يا محمود تقبل اعتذارى للتأخر (:

    ردحذف
  12. فعلا الكلمة دى تودينا فى داهية
    والمفروض انها بتكتر اوى فى سن الصغر
    لكن الغريب
    انك تلاقى حد زى الشحط
    وكبير وخلاص
    وبيقول كدا
    شكلها عدوة

    ردحذف
  13. السلام عليكم ورحمة الله وبركاته ..

    صدقت أخي في الله .. فالدنيا كباب نفتحه وندخل منه ثم نخرج من الباب المقابل له .. وفي أي لحظة قد نجد أنفسنا ونحن على الحميد المجيد .. ولكن العبرة لمن اعتبر.

    بارك الله فيك.

    ردحذف
  14. بارك اللة فيك أخى محمود

    دعوة للتواصل
    كاتب مصرى

    ردحذف
  15. الأول أحب أقولك إني رجعت D:
    ثانياً بقى ... الموضوع كله كويس قوي و عندك حق فيه لغاااية ما وصلت لنقطة الاسلام دين سمعنا و أطعنا
    مفيش حد عاقل يقول كده يا محمود
    الايمان جزء كبير منه نابع عن اقتناع
    و لو مبدأك ده صح مكنش هيبقى في مسيحيين يغيروا دينهم أو يهود أو أصحاب أي ديانة تانية أو حتى مسلمين يرتدوا !!
    البني آدم اللي بيغير دينه أو بيرتد عنه بيبقى بسبب إنه مش مقتنع بيه ، اذاً لازم يقتنع بيه

    أنا عارفة إن مكنش قصدك كده ، و في الحالة دي لازم تعيد صياغة الجملة ، بمعنى إن الحاجة اللي نقول فيها ليه لازم يكون فعلاً معرفة سببها هيفرق معانا
    مش نقعد نقول ليه في حاجات معرفتها من عدمها مش هيأثر كتير .. 

    ردحذف