الثلاثاء، 15 يونيو 2010

دموع فى حضن الاْمتحانات


اْنا مش عارف اْلى بيحصل فى الاْمتحانات كل يوم على راْى الست دموع واْهات واْنين اْمتحان معقد واْسئله من خارج المنهج حتى فى اْمتحان الدين بس تعالوا نروح ونشوف مين الغلطان مثلاَ لو روحت وساْلت الطلاب هتلاقى منهم اْلى يقولك الاْمتحان سهل وهما اْلى مكبرنها شويه ومنهم اْلى يقولك حرام والله الاْمتحان كله من خارج المنهج وتروح عشان تتاْكد من الكلام وتشوف ورقة الاْسئله تلاقى عادى جداَ الاْمتحان هو هو بتاع السنه اْلى فاتت مع بعض التعديل فى الترتيب بمعنى اْنك تلاقى السؤال الاْول هو السؤال التانى فى اْمتحان السنه اْلى فاتت وهنا اْنا وقفت وقفه مع نفسى طب اْيه السبب هل العيب فى الطلاب ولا هيئة التدريس ولاقيت عدة اْجوبه
اْولاَ- الاعلام المصرى طول السنه مخلى الكبير والصغير ميفكرش اْلا فى قضايا اْحنا اْصلاَ مش مستفدين منها حاجه زى مثلاَ قضية سوزان تميم وطلعت مصطفى والسكرى وهبه ونادين وعيساوى وصفقات النادى الاْهلى والزمالك الجديده وبرامج مسابقات مفيهاش اْى معلومه اْو اْفاده زى مثلاَ لعبة الحياة وحاجات تانيه كتير متعدش
ثانياَ - الحدائق العامه اْلى مفتوحه لكل من هب ودب بدون رقابه وتعالى وشوف البنات والشباب بيعملوا اْيه ورا الشجر وبذات حديقة الاْزهر والحديقه الدوليه ولا القناطر الخيريه وتحت الكوبرى وعلى الكورنيش وفى السيما وتلاقى البنات اْكتر من الشباب على القهوة وماسكين الشيشه وهاتك يا دخان ولا عزاء للغرز
ثالثاَ - وهو ده مربط الفرس المدرسين والدروس الخصوصيه وقلة الضمير فى الفصول والجامعات وروح وشوف المتخرجين يبقى دكتور صيدلى وتقوله عندى القلب يديك حاجه للاْنفلونزا ولا المهندسين والعمارات اْلى عماله تقع والغش فى المبانى والمحامين والضماير المغشوشه يبقى عارف اْن اْلى هيدافع عنه تاجر مخدرات وموت نص شباب البلد ولا تاجر سلاح ولا مزور ولا قاتل وبرضه يقف ينحر فى حسه ويدور على صغرات ولا عزاء للمظلومين
واْخيراَ - الاْبهات والاْمهات وعدم الاْهتمام بتربية اْولادهم وكل همهم كسب المال وفاكرين اْن الاْنحراف والاْدمان وسن المراهقه ده كله مبيحصلش اْلا فى الاْفلام وبعد ما تحصل المصيبه من اْدمان ولا اْنتحار ولا جواز عرفى فى السر ولا شرب السجاير والمخدرات ودى فيها نكته يقولك الواد مبيشربش حاجه قدامى متربى لو شافنى جاى من بعيد بيرمى السجاره واْنا عشان بخاف عليه من الغلط خليته يشربها قدامى ونعمه التربيه المهم فى الاْخر تلاقيهم يقولوا دى اْخرة تربيتنا فيك دحنا مش حرميناك من حاجه وكاْن الفلوس هى اْلى بتربى ولا عزاء للتربيه
اْنا عايز اْوصلكم اْن كل دى عوامل بتاْثر فى مستوى فكر المجتمع وبتخلينا نبقى فى اْعلى مستوى التخلف ومش هقولكم اْنها هترجعنا خمسين سنه ورا لاْننا كنا من خمسين سنه اْفضل بكتير فكرياَ واْقتصادياَ وسياسياَ يا ناس فكروا واْفتكروا كلام ربنا وخالوا بالكوا من عيالكوا ويا مدرسين مصر اْتقوا الله فينا واْرحموا اْولادنا ويا اْمهات واْبهات مصر اْولادكم محتاجنكم اْكتر من فلوسكم واخيراَ ربنا يرحمنا ويجعل فينا من يدلنا اْلى الصواب قولوا اْمين

هناك 13 تعليقًا:

  1. الدنيا زي البيت
    ساعات يشيلك
    وساعات تقع
    عليك

    ردحذف
  2. انا مش عارفة ايه الاحباط دا
    انا راحة تانية ثانوى وشايلة الهم من دلوقتى وبحجز دروس بردوا دلوقتى وفعلا لحد دلوقتى امتحان الانجلش رخم جدا
    ربنا يستر عليهم فى الباقى
    هم السابقون ونحن الاحقون

    ردحذف
  3. بعد التحية والسلام يا أخ محمود أقول آمـــــــــــين

    هذه عبارة عن صرخة نذير... نَقد جميل للمجتمع أرجو أن نعي كلامك يا أخ محمود، واللهم اجعلنا من الذين يستمعون القول فيتبعون أحسنه يا رب..

    ردحذف
  4. كلام جميل
    لكن لا حياة لمن تنادي
    الاعلام - التعليم في مصر بيحتضروا
    لك تحياتي

    ردحذف
  5. المشكلة أعمق وأكبر مليوووون مره ...
    المشكلة في آبائنا وأجدادنا اللي علمونا أنهم لانهم اقدم مننا بيفهموا عننا واننا جيل بايظ خربان ممنهوش فايدة وبلد امتلكها العواجيز الحراميه او شباب حرامي عايز يقب بسرعه فخربوها اكتر ما هي خربانه وزي ما انت قلت قال ايه فاكرين ان الخراب اللي بقينا فيه مننا
    لأ يا سادة ابائهتنا السبب
    لانهم كانو بيسكتوا عن الحق
    لانهم كانو بيمشوا حالو عشان ياكلو لقمة عيش
    لانهم ما فكروش صح وخلونا سلبيين
    لكن لأ في شباب ايجابي
    هيعمل اللي عليه ويحاول يبني مجتمع من جديد احسن وافضل

    متأسف اني بعدت عن الموضوع شوية بس انا حبيت افضفض

    ردحذف
  6. دي مشكله بسيطة وناتجه عن فسادأكبر..أناسمعت قبل الأمتحانات دي ان الوزيرأسم الله عليه قال الأمتحانات هتكون من صمييييييييييييييييم المنهج..وادي النتيجة المعتاده كدب بزيادة..يخرب بيوتهم.

    ردحذف
  7. ههههههههههه يلا ربنا يكون بعونهم

    احنا هلاء بنقدم تاني امتحان في الفاينل
    اسمع ما في شي خارج المنهج كلو من الكتاب

    اما انا فعلا لقيت وقتي الاي تي تكنولوجياالمعلومات خارج من الكتاب
    والله كان صعب
    بس هادا بس صدقني كلو من نفس المنهج
    هم بدهم يعملو فيها الطلاب دراويش وبس

    ردحذف
  8. ازيك يا محمود
    تحياتى
    انا موجود يا محمود بس زهقان من التدوين وفشكول وكل المدونات .. حاجه بتحصل كدا ساعات ومش عايز افتح خالص والنهارده قدرت على نفسى وفتحت المدونه وبالصدفه لقيتك قدامى قمت قلت يا واد يا فشكول روح شوف محمود عايز ايه لقيت عندك تدوينه عن الامتحانات وحاجات بتعمل سيناريو فوضى عارمه فى البلد .. يعنى يا محمود البلد بقت فى حالة فوضى فى كل شيئ .. اما عن الامتحانات .. انت عارف ان كلنا عايزين ندخل ولادنا كلية الطب .. مهما كان الخمسه عين ممكن يكونوا من كلية الطب لكن ولا عين واحده ممكن تكون فى اي كليه .. وبعدين يا سيدى طول الفوضى ما هى موجوده فى البلد ابشر بالخراب المستعجل ولا حاجه خالص حتنفع .. خراب المحامين والقضاه .. خراب التعذيب والقتل فى اقسام الشرطه خراب جيوب الناس خراب الاسعار ... اعد لك من ح اخلص عن الخرابات اللى بقت موجوده وبصراحه لا امل فى شيئ .. كلهم طائراتهم فى المطارات انتظارا للحظة الهروب واحنا اللى حنشيل الشيله على دماغنا.
    تحياتى

    ردحذف
  9. عزيزى محمود
    أنا زرت المدونة قبل كده والحقيقة مدونة حية والمتابعة فيها لأحوال البلد متابعة جيدة ...عندك حق البلد ما بقاش فيها حاجة عدلة لا تعليم ..ولا غيره عاملة زى الشركة ال هتشهر افلاسها قريب .....!!!أتمنى ان حالها يتعدل وحال أولادها كمان ويحسوا بيها شوية ....على العموم سعيدة بمتابعتك لمدونتى وتقبل مرورى .

    ردحذف
  10. محمود

    الناس لا زالت تنتظر ان ان تمطر السماء ذهبا أو فضة
    ولا زالت تحلم بقدوم صلاح الدين
    كل ده وماعندهمش استعداد يضحوا باقل القليل

    ورغم كل ذلك فالامل موجود


    تحياتى

    ردحذف
  11. والله يامحمود انا كنت فى جلسة مع دفعتى العواجيز نحتفل بذكرى تخرجنا ال38 وانبرى هانى الذى يستضيفه التلفاز من فرط ثقافته ليفسر تدهور التعليم فى الآتى : لما تزايد التعليم المجانى ونقصت الكوادر بين المعلمين لجأت الوزارات الى فتح دور المعلمين وكليات التربيه ودخلها بواقى الغربال من أصحاب المجاميع المتواضعه فأصبح المعلم لا يعرف كثيرا مما يدرسه للطلبه وبالتدريج تدور المستوى حتى أصبح الطالب لا يفهم الا بمفهماتى خصوصى ملاكى -أو أجره ...بالمقابل مثلا أنا كان يدرس لى فى مدرسة العباسية الثانويه باسكندريه 4 مدرسين حاصلين على درجة الدكتوراه فى فلسفة العلوم PhD فى كل من الفيزياء والكيمياء والبيولوجيا والفلسفة وعلم النفس ...وكان ناظر المدرسة استاذا للغة اللاتينية فى طب اسكندرية ..على حوائط المدرسة بعض من صور أبحاث مدرسينا هؤلاء منشورة لنقتدى بهم ونعلم قدرهم ...هكذا كانت الدنيا فى الستينات يا محمود وهكذا اصبحت فى التسعينات والألفية الجديده

    ردحذف
  12. يا محمود يا أخى شيل البتاع اللى اسمه توكيد الكلمه اللى بيزهق اللى بيعلق عندك وعنه كرسى معوقين ده ده بيقوللك اكتب الكلمه الشخابيط اللى قدامك يعنى كشف نظر على اللى بيعلق أو فحص بطايق وأمن حاططهولنا على باب البلوج يا أخى شيله وده سهل دلنى عليه Timmy المدون الشهير بصوته الناظرة بالشقلوب كشعار لمدونته والطريقه كما عملتها حسب ما أذكر
    setting comment ----show word varification ----you sign on "
    NO وفورا حاتلاقى البتاع ده اتشال وتريح الناس من قرفه لحسن ماحدش حايخش عندك تانى يا حوده وقد أجزر من أمطر

    ردحذف
  13. انا بشكركم جميعاَ على كلامكم الجميل وارجوا ان لا يغيب راى احد منكم عنى فى موضوعاتى القادمه ومعلش هتاْخر شويه عليكم عشان عندى النقاش فى البيت بس مش هتاْخر كتير
    اخوكم
    محمود المصرى

    ردحذف